الماتى وبلىسىنىڭ پانفيلوۆ اۋدانىندا دالا ٶرتٸن ٶشٸرمەك بولىپ, جان تاپسىرعان قانات ٷسەنبەكوۆ پەن ەركٸنبەك وسپانوۆتىڭ ارتىندا 10 بالاسى جەتٸم, جارلارى جەسٸر قالدى. ەكٸ ەر ازاماتتىڭ دا بەس بالاسى بار, دەپ حابارلايدى قازاقپارات تٸلشٸسٸ.
قانات ٷسەنبەكوۆ پانفيلوۆ اۋداندىق ەكٸمدٸگٸندە كٶلٸك جٷرگٸزۋشٸ بولىپ جۇمىس ٸستەگەن. قايعىلى جاعداي بولعان سەتتە ول ەڭبەك دەمالىسىندا جٷرگەن. ەكەسٸنٸڭ ايتۋىنشا, قانات ٶرتتٸ ٶشٸرۋگە ەرٸكتٸ بولىپ بارعان.
«بٸزدە مەشٸت سالىپ جاتىر. مەشٸت سالعاندا مەشٸتكە زال سالعانبىز. تاپقان اقشامىزدى سول زالعا كٶمەك بەرەمٸز دەپ بارعان بولاتىن. ولار جەكە اقشا تابامىز, جەكە اقشا الامىز دەپ بارعان جوق», - دەدٸ مارقۇم قانات ٷسەنبەكوۆتٸڭ ەكەسٸ ارىپ ٷسەنبەكوۆ.
دالا ٶرتٸن ٶشٸرٸپ, تاپقان اقشاسىن مەشٸتتٸڭ قۇرىلىسىنا قوسۋعا نيەتتەنگەن 35 جاستاعى قانات قىزىل جالىننىڭ ورتاسىندا جان تاپسىردى. مارقۇمنىڭ ارتىندا بەس بٸردەي بالاسى, جارى قالدى. ٷلكەنٸ 12 دە بولسا, كٸشٸسٸ بٸرگە ەندٸ كەلەدٸ ەكەن. مارقۇم كٷنٸ كەشە عانا كەنجەسٸنٸڭ تويىنا دايىندالىپ, قويىن دا الىپ قويىپتى. بٸراق ول قوي تويعا بۇيىرمادى دەپ تۋىستارى ەگٸلٸپ جىلاۋدا.
«ٷش قوي الىپ, قىزىنىڭ بٸر جاس تويىن جاسايمىن دەگەن بالا عوي. قالايشا دايىندىقسىز, ەشقانداي ٶرتكە قارسى تۇرا المايتىن, ەشقانداي ينسترۋتسييادان ٶتپەگەن بالالاردى قالايشا ول جاققا جٸبەرٸپ قويادى. ٷكٸمەت تاراپىنان ايتۋ كەرەك قوي, سەندەر دايىن ەمەسسٸڭدەر, قالاي باراسىڭدار دەپ ايتۋ كەرەك قوي», - دەپ كٷيٸنەدٸ مارقۇم قانات ٷسەنبەكوۆتىڭ تۋىسى تولقىن قۇسايىنوۆا.
قازا بولعان جانداردىڭ بٸرٸ لەسنوۆكا اۋىلىنىڭ 51 جاستاعى تۇرعىنى ايتقازى نەمەلتاەۆ. ەكٸمدٸكتٸڭ مەلٸمەتٸنشە, مارقۇم وتباسىن قۇرماعان, جۇمىسسىز. ال ورمانشى بولىپ جۇمىس ٸستەگەن 32 جاستاعى ەركٸنبەك وسپانوۆتىڭ دا ارتىندا بەس بالاسى, جارى قالدى.
ەستەرٸڭٸزگە سالا كەتەيٸك, 5 تامىر كٷنٸ پانفيلوۆ اۋدانىندا دالا ٶرتٸن ٶشٸرەمٸن دەپ قازا تاپقان ٷش ادامنىڭ ەكەۋٸ بٷگٸن جەر قوينىنا تاپسىرىلدى. بۇعان دەيٸن, ٶرتتەن ٷش ادامنىڭ قازا تاۋىپ, 7 ادامنىڭ زارداپ شەككەنٸن حابارلاعان بولاتىنبىز. الماتى وبلىسى ەكٸمٸنٸڭ باسپاسٶز عالىمۇرات جٷكەلدٸڭ مەلٸمەتٸنشە, مارقۇم بولعان ٷش ازامات مەملەكەتتٸك ناگراداعا ۇسىنىلادى.
