الماتى وبلىسىندا ٶرتەنگەن كٷيٸندە تابىلعان پوليتسييا مايورى اسلان ەلسەروۆتٸڭ ۆيدەوسى تارادى, دەپ حابارلايدى ult.kz.
وقيعاعا بايلانىستى كٷدٸككە مارقۇمنىڭ جۇبايى, ەكٸ ۇلى جەنە ولاردىڭ 14 جاستاعى دوسى ٸلٸنگەن.
ايتا كەتەيٸك, مارقۇمنىڭ ەيەلٸ دە بۇعان دەيٸن قۇقىق قورعاۋ سالاسىندا قىزمەت اتقارعان. الايدا ول بيىل اقپاندا جۇمىستان كەتكەن. تۋىستارىنىڭ ايتۋىنشا, اسلان ەلسەروۆ وتباسىندا جيٸ جانجال شىعارىپ, ەيەلٸنە بٸرنەشە رەت كٷش كٶرسەتكەن. ەيەلدٸڭ دەنەسٸندەگٸ جاراقات ٸزدەرٸن كٶرسەتٸپ, بوستاندىق اۋداندىق پوليتسييا باسقارماسىنا بٸرنەشە رەت جٷگٸنگەنٸ, الايدا ونىڭ ارىزدارى بويىنشا تيٸستٸ شارا قابىلدانباعانى ايتىلىپ وتىر.
تەرگەۋ نۇسقاسىنا سەيكەس, قايعىلى وقيعا بولعان كٷنٸ مايور ٷيٸنە كەش كەلگەن. ٷيدە ۇستارانىڭ جٷزٸنە قاتىستى تۋىنداعان داۋ جانجالعا ۇلاسىپ, كەيٸن تٶبەلەسكە اينالعان. وسى كەزدە ٷيگە ەرلٸ-زايىپتىلاردىڭ 15 جاستاعى ەكٸ ۇلى جەنە ولاردىڭ 14 جاستاعى دوسى كەلگەن.
تەرگەۋ دەرەگٸنشە, جاسٶسپٸرٸمدەردٸڭ بٸرٸ ەكەسٸنٸڭ باسىنان اۋىر زاتپەن سوققى جاساعان. سالدارىنان ەر ادام ەسٸنەن تانىپ قالعان. كەيٸن ونىڭ قول-اياعىن كيٸممەن بايلاپ قويعان.
بۇدان سوڭ كٷدٸكتٸلەر ەر ادامنىڭ دەنەسٸن تٷن ٸشٸندە كٶپقاباتتى ٷيدٸڭ اۋلاسىندا تۇرعان كٶلٸككە شىعارىپ, كٶرپە نەمەسە جايماعا وراپ الىپ كەتكەن دەگەن بولجام بار.
كٶلٸك الماتى وبلىسىنىڭ كەگەن اۋدانىنداعى اۋىلداردىڭ بٸرٸ ارقىلى ٶتٸپ, كٶكپەك–كٶكتال–كەگەن تاسجولىنان شامامەن جارتى شاقىرىم جەردەگٸ تاۋعا قاراي بارعان. تەرگەۋ بولجامىنشا, مارقۇمنىڭ دەنەسٸ سول جەردە ٶرتەلگەن.
قازٸرگٸ ۋاقىتتا مارقۇمنىڭ جۇبايى, ەكٸ ۇلى جەنە ولاردىڭ 14 جاستاعى دوسى قاماۋعا الىنعان. ولاردىڭ پروتسەسسۋالدىق مەرتەبەسٸ بويىنشا تەرگەۋ ەرەكەتتەرٸ جالعاسىپ جاتىر.
قۇقىق قورعاۋ ورگاندارى ٸستٸڭ بارلىق مەن-جايىن انىقتاپ جاتىر. تەرگەۋ اياقتالعانعا دەيٸن كٷدٸكتٸلەردٸڭ كٸنەسٸ سوت شەشٸمٸمەن دەلەلدەنبەگەنٸن ەسكەرۋ قاجەت.
