فوتو: facebook.com/orifdzhan_shadiev
جاقىندا الماتىدا كەسٸپكەر وريفدجان شاديەۆ ٸسٸ بويىنشا ٷكٸم شىققان. بۇل تۋرالى جۋرناليست ميحايل كوزاچكوۆ Telegram-ارناسىندا جازدى, - دەپ حابارلايدى Tengrinews.kz سايتى.
كەسٸپكەر وريفدجان شاديەۆ ٶكٸلەتتٸگٸن اسىرا پايدالانعانى ٷشٸن كٸنەلٸ دەپ تانىلعان. سالدارىنان Asia Credit Bank-كە 16 ميلليارد تەڭگەدەي شىعىن كەلتٸرٸلگەن. كەسٸپكەرمەن قوسا كٶمەكشٸسٸ ميحايل سولوۆەۆ تە سوتتالعان.
جۋرناليست ميحايل كوزاچكوۆ كەسٸپكەردٸڭ ٸسٸنە قاتىستى مەن-جايدى تٷسٸندٸرٸپ بەرگەن.
2019 جىلى كەسٸپكەر Asia Credit Bank-تىڭ بۇرىنعى يەسٸ نۇربول سۇلتاننان اكتسييالارىن ساتىپ العان. كەلٸسٸمشارتى قاراپايىم - نۇربول سۇلتان بانكتٸ بەرەدٸ, شاديەۆ بٸرنەشە نەسيە بويىنشا كەپٸلدٸ بوساتادى جەنە وسى مٸندەتتەمەلەردٸ ٶزٸنە الادى. ول كەزدە ەڭگٸمە 16 ميلليارد 699 ميلليون تەڭگەنٸڭ مٷلٸگٸ تۋرالى بولعان.
ەكٸ تاراپ كەلٸسكەننەن كەيٸن بانكتٸ كەپٸل مٷلكٸمەن قامتاماسىز ەتكەن, ياعني الماتىنىڭ جوعارعى بٶلٸگٸندەگٸ 7 جەر ۋچاسكەسٸ, ونىڭ قۇنى قارىزداردىڭ جالپى سوماسىن جاۋىپ تاستايدى. الايدا سودان كەيٸن وريفدجان كابۋلوۆيچ كەپٸلدەردٸ اۋىستىرۋعا شەشٸم قابىلدايدى. ٶتٸمدٸ اكتيۆتەردٸڭ ورنىنا بانك تاۋ الىبىندا 100 گەكتاردان ارتىق بٸر ۋچاسكەگە قۇجاتتار قابىلداعان (الماتىداعى ەليتالىق اۋداننان). مٷلٸكتٸڭ باعالاۋ قۇنى 46 ميلليارد تەڭگەدەن استى.
بٸراق Asia Credit Bank ٶزٸنٸڭ مٸندەتتەمەلەرٸن ورىنداي الماي, سالدارىنان ليتسەنزيياسى الىنىپ, ال كەسٸپورىندى باسقارۋدى قارجى نارىعىن رەتتەۋ جەنە دامىتۋ اگەنتتٸگٸنٸڭ تاراتۋ كوميسسيياسى قولىنا العان. كوميسسييا قالاي جۇمىس ٸستەگەن? ول بانكتەگٸ بارلىق نەرسەنٸ باعالايدى, سودان كەيٸن اكتيۆتەردٸ ساتۋعا قويادى جەنە وسىلايشا كليەنتتەر مەن نەسيە بەرۋشٸلەر الدىنداعى مٸندەتتەمەلەردٸ ٶتەۋگە تىرىسادى.
ال تەكسەرۋ بارىسىندا كەپٸلگە قويىلعان ۋچاسكەنٸڭ قۇنى 46 ميلليارد بولماي شىققان. سەبەبٸ ول جەردٸڭ پايدالانۋ ماقساتى - شارۋا قوجالىعى بولعان. ال قۇجاتتا ول جەرگە جەكە تۇرعىن ٷي سالۋعا بولاتىنى جازىلعان. بۇل ۋچاسكەنٸڭ قۇنىنا ەسەر ەتەدٸ.
وريفدجان شاديەۆ كٸنەسٸن مويىنداپ, 1,5 جىلعا باس بوستاندىعىنان ايىرىلعان. ال وعان كٶمەكتەسكەن ميحايل سولوۆەۆ كٸنەسٸن جارتىلاي مويىنداپ, باس بوستاندىعى 1 جىلعا شەكتەلگەن. ولار جازاسىن ەڭ تٶمەنگٸ قاۋٸپسٸزدٸك كولونيياسىندا ٶتەيدٸ. سونداي-اق, سوتتالعاندار بانككە كەلتٸرٸلگەن زالالدى سول 16 ميلليارد كٶلەمٸندە ٶتەۋٸ كەرەك.
ٷكٸم زاڭدى كٷشٸنە ەنگەن جوق.
