Foto: facebook.com/orifdzhan_shadiev
Jaqynda Almatyda kásipker Orifdjan Shadiev isi boiynsha úkim shyqqan. Bul týraly jýrnalist Mihail Kozachkov Telegram-arnasynda jazdy, - dep habarlaidy Tengrinews.kz saity.
Kásipker Orifdjan Shadiev ókilettigin asyra paidalanǵany úshin kináli dep tanylǵan. Saldarynan Asia Credit Bank-ke 16 milliard teńgedei shyǵyn keltirilgen. Kásipkermen qosa kómekshisi Mihail Solovev te sottalǵan.
Jýrnalist Mihail Kozachkov kásipkerdiń isine qatysty mán-jaidy túsindirip bergen.
2019 jyly kásipker Asia Credit Bank-tyń burynǵy iesi Nurbol Sultannan aktsiialaryn satyp alǵan. Kelisimsharty qarapaiym - Nurbol Sultan bankti beredi, Shadiev birneshe nesie boiynsha kepildi bosatady jáne osy mindettemelerdi ózine alady. Ol kezde áńgime 16 milliard 699 million teńgeniń múligi týraly bolǵan.
Eki tarap keliskennen keiin bankti kepil múlkimen qamtamasyz etken, iaǵni Almatynyń joǵarǵy bóligindegi 7 jer ýchaskesi, onyń quny qaryzdardyń jalpy somasyn jaýyp tastaidy. Alaida sodan keiin Orifdjan Kabýlovich kepilderdi aýystyrýǵa sheshim qabyldaidy. Ótimdi aktivterdiń ornyna bank taý alybynda 100 gektardan artyq bir ýchaskege qujattar qabyldaǵan (Almatydaǵy elitalyq aýdannan). Múliktiń baǵalaý quny 46 milliard teńgeden asty.
Biraq Asia Credit Bank óziniń mindettemelerin oryndai almai, saldarynan litsenziiasy alynyp, al kásiporyndy basqarýdy Qarjy naryǵyn retteý jáne damytý agenttiginiń taratý komissiiasy qolyna alǵan. Komissiia qalai jumys istegen? Ol banktegi barlyq nárseni baǵalaidy, sodan keiin aktivterdi satýǵa qoiady jáne osylaisha klientter men nesie berýshiler aldyndaǵy mindettemelerdi óteýge tyrysady.
Al tekserý barysynda kepilge qoiylǵan ýchaskeniń quny 46 milliard bolmai shyqqan. Sebebi ol jerdiń paidalaný maqsaty - sharýa qojalyǵy bolǵan. Al qujatta ol jerge jeke turǵyn úi salýǵa bolatyny jazylǵan. Bul ýchaskeniń qunyna áser etedi.
Orifdjan Shadiev kinásin moiyndap, 1,5 jylǵa bas bostandyǵynan aiyrylǵan. Al oǵan kómektesken Mihail Solovev kinásin jartylai moiyndap, bas bostandyǵy 1 jylǵa shektelgen. Olar jazasyn eń tómengi qaýipsizdik koloniiasynda óteidi. Sondai-aq, sottalǵandar bankke keltirilgen zalaldy sol 16 milliard kóleminde óteýi kerek.
Úkim zańdy kúshine engen joq.
