ورداباسى اۋدانىندا قويشى ٶزٸنە سەنٸپ تاپسىرىلعان مالدى 16 ملن تەڭگەگە ساتىپ جٸبەرگەن. بۇل تۋرالى تٷركٸستان وبلىسى پوليتسييا دەپارتامەنتٸنەن مەلٸم ەتتٸ, دەپ حابارلايدى قازاقپارات.
دەپارتامەنت تاراتقان مەلٸمەتتەرگە قاراعاندا, ورداباسى اۋداندىق پوليتسييا بٶلٸمٸنە جەرگٸلٸكتٸ تۇرعىن ارىزدانعان. ەر ادامنىڭ ايتۋىنشا, ول ٶزٸ باسقارىپ وتىرعان جايىلىمدىق جەردەگٸ قويشىعا اسىل تۇقىمدى مالدارىن سەنٸپ تاپسىرعان.
الايدا, مال باسىن تٷگەندەۋگە بارعاندا, ولاردىڭ تولىق ەمەس ەكەندٸگٸن بايقاعان. وسىلايشا جەبٸرلەنۋشٸگە كەلگەن شىعىن كٶلەمٸ - 16 380 000 تەڭگە.
اتالعان جايتتى پوليتسييا قىزمەتكەرلەرٸ قر قك-نٸڭ 189-بابى «سەنٸپ تاپسىرىلعان بٶتەن مٷلٸكتٸ يەمدەنٸپ الۋ نەمەسە تالان-تاراجعا سالۋ» بويىنشا تٸركەۋگە الدى.
حابار كەلٸپ تٷسكەن بويدا تەرتٸپ ساقشىلارى وقيعا ورنىنا شۇعىل شىقتى. پوليتسييا اتالمىش قىلمىسقا كٷدٸكتٸ رەتٸندە جەبٸرلەنۋشٸنٸڭ قوي باعىپ جٷرگەن جۇمىسشىسىن ۇستادى. ول ارىس اۋدانىنىڭ تۇرعىنى بولىپ شىقتى.
انىقتالعانداي, سەزٸكتٸ ەر ادام 2021 جىلدان بەرٸ 230-دان استام ۇساق مالدى 4-5-ەۋدەن ساتىپ وتىرعان, اقشاسىن جاراتىپ جٸبەرگەن. قازٸرگٸ تاڭدا كٷدٸكتٸ قاماۋعا الىنىپ, وعان قاتىستى سوتقا دەيٸنگٸ تەرگەۋ امالدارى جٷرگٸزٸلۋدە.
پوليتسييا قىزمەتكەرلەرٸ وقيعانىڭ تولىق مەن-جايىن انىقتاۋعا كٸرٸستٸ.
«تٷركٸستان وبلىسىنىڭ پوليتسەيلەرٸ تۇرعىندارعا مالدارىن بەيتانىس ادامدارعا باقتىرماۋعا كەڭەس بەرەدٸ. سونداي-اق, مٷمكٸندٸگٸنشە مالدى تاڭبالاپ, سىرعالاپ, ەن سالدىرۋ كەرەك», - دەلٸنگەن حابارلامادا.
