قىتاي حالىق رەسپۋبليكاسى ەڭبەك ٶتٸلٸن ٶزارا تانۋعا قاتىستى كەلٸسٸمدٸ رەسٸمدەۋگە كەلٸسپەي وتىر. سوعان قاراماستان, قازاقستان اتالعان مەملەكەتتەن كەلەتٸن قانداستىرمىزدىڭ ەڭبەك ٶتٸلٸن بٸرجاقتى تەرتٸپپەن ەسەپتەۋگە ەزٸر, دەپ حابارلايدى قازاقپارات تٸلشٸسٸ.
قر ەڭبەك جەنە حالىقتى ەلەۋمەتتٸك قورعاۋ مينيسترٸ مەدينا ەبٸلقاسىموۆانىڭ ايتۋىنشا, بٷگٸندە قىتاي سيياقتى ەلدەردەن كەلەتٸن قانداستارىمىز ٶزدەرٸنٸڭ ەڭبەك ٶتٸلٸن دەلەلدەي الماي جٷرەدٸ. سەبەبٸ اتالعان مەملەكەتتە ەڭبەك ٶتٸلٸن رەسٸمدەۋدٸڭ بٸرىڭعاي جٷيەسٸ جوق, تٸپتٸ ەڭبەك كٸتاپشاسى دا جٷرگٸزٸلمەيدٸ. ال ەڭبەك ٶتٸلٸن دەلەلدەي الماعاننان كەيٸن زەينەتاقىنىڭ تولىق مٶلشەرٸن الۋ قيىن.
«نەگٸزٸ, ونداي مەسەلەلەر ەكٸجاقتى حالىقارالىق كەلٸسٸمدەرمەن رەتتەلەدٸ. وندايدى «ەڭبەك ٶتٸلٸن ٶزارا تانۋ» دەپ اتايدى. قازاقستان بٸرقاتار مەملەكەتتەرمەن وسى ٸسپەتتٸ كەلٸسٸمدەردٸ رەسٸمدەگەن. بٸز قىتايعا دا ەڭبەك ٶتٸلٸن ٶزارا تانۋدى ۇسىندىق. بىلايشا ايتقاندا, بٸز شەتەلدەن كەلەتٸن قانداستىرمىزدىڭ ەڭبەك ٶتٸلٸن تولىعىمەن سانايمىز. ولار دا سٶيتەدٸ. دەگەنمەن, قىتاي جاق وعان كەلٸسەمٸز دەگەن نيەتٸن بٸلدٸرگەن جوق. سول سەبەپتٸ بٸز ٶزٸمٸز ەڭبەك ٶتٸلٸن بٸرجاقتى تانۋعا دايىنبىز. سەبەبٸ قانداستارىمىزدىڭ بٸراز بٶلٸگٸ سول جاقتان كەلٸپ جاتادى», - دەدٸ م.ەبٸلقاسىموۆا.
ونىڭ سٶزٸنە قاراعاندا, ەندٸگٸ مەسەلە - ەڭبەك ٶتٸلٸن دەلەلدەيتٸن قۇجاتتاردى انىقتاۋ. ول ەڭبەك كٸتاپشاسى بولا ما, جۇمىس بەرۋشٸنٸڭ رەسمي حاتى بولا ما, وسى جاعىن رەتتەپ الۋ قاجەت.
«قازٸرگٸ كەزدە ارنايى ساراپشىلار توبى قىتاي مەن موڭعولييا بويىنشا جۇمىس ٸستەپ جاتىر. سەبەبٸ اتالعان ەكٸ مەملەكەتتەگٸ جاعداي ۇقساس. ساراپشىلار ەڭبەك ٶتٸلٸن دەلەلدەۋدٸڭ فورمالارىن پىسىقتاپ جاتىر. الداعى ۋاقىتتا تيٸستٸ زاڭناماعا ورالمانداردىڭ ەڭبەك ٶتٸلٸن ەسەپتەۋگە قاتىستى ٶزگەرٸستەر ەنگٸزٸلەدٸ», - دەپ اتاپ كٶرسەتتٸ م.ەبٸلقاسىموۆا.
ايتا كەتەيٸك, بۇعان دەيٸن مينيستر م.ەبٸلقاسىموۆا ورالمانداردىڭ ەڭبەك ٶتٸلٸن ەسەپتەۋگە قاتىستى ارنايى حاتتى قىتايعا جٸبەرگەنٸ جايىندا ايتقان بولاتىن. ونىڭ ايتۋىنشا, ورالمانداردىڭ ەڭبەك ٶتٸلٸن ەسەپتەۋ مەسەلەسٸ شەشٸلسە, بازالىق زەينەتاقى جەنە تاعى باسقا ەلەۋمەتتٸك تٶلەمدەردٸڭ ۇلعايعان مٶلشەرٸن الۋعا مٷمكٸندٸك بولادى. «ورالمانداردىڭ كٶبٸسٸ موڭعولييادان, قىتايدان, ٶزبەكستاننان, رەسەيدەن, تٸپتٸ گەرمانييادان كەلٸپ جاتىر», - دەيدٸ م.ەبٸلقاسىموۆا.
