استانادا تۇراتىن ورالماندار مەملەكەتتەن بەرٸلەتٸن ٷي كەزەگٸنەن الىنىپ تاستالۋى مٷمكٸن. سونداي-اق بۇل تٸزٸمنەن ەسكەري قىزمەتكەرلەردٸ دە شىعارۋ مەسەلەسٸ كٶتەرٸلٸپ وتىر, دەپ حابارلايدى Elorda.info.
قالالىق تۇرعىن ٷي باسقارماسىنىڭ باسشىسى رۋسلان احمەتوۆ مەسليحاتتىڭ تۇراقتى كوميسسيياسىنىڭ وتىرىسىندا مەملەكەتتٸك قوردان باسپانا الۋعا كەزەكتە تۇرعان ورالمانداردى تٸزٸمنەن شىعارۋ ۇسىنىسى جاسالعانىن اتاپ ٶتتٸ.
«بٸز ٷكٸمەتكە بٸرنەشە مەرتە ۇسىنىس جاسادىق, ەلٸ دە اتالعان ساناتتاعى تۇرعىنداردى كەزەكتەن شىعارۋ كەرەك دەگەن پٸكٸردەمٸز. قازٸر بٸزدٸڭ ۇسىنىسىمىز ٷكٸمەتتە قىزۋ تالقىلانىپ جاتىر», - دەدٸ رۋسلان احمەتوۆ.
ونىڭ ايتۋىنشا, ٶڭٸرلەردٸڭ بٸرٸنە كۆوتامەن كەلگەن ورالماندار باسپانانىڭ ورنىنا اقشالاي ٶتەماقى الادى دا, استاناعا قونىس اۋدارىپ, تۇرعىن ٷيگە كەزەككە تۇرادى ەكەن. ال ونىڭ ٶتەماقى العانى دەرەكتەر بازاسىنا تٸركەلمەيتٸن كٶرٸنەدٸ.
سونداي-اق ەسكەري قىزمەتكەرلەردٸ تۇرعىن ٷي كەزەگٸنەن شىعارۋ مەسەلەسٸ دە ٶتكٸر تۇر. ولار ەندٸ جەكە تٸزٸمگە الىنىپ, باسقا جەڭٸلدٸكتەرمەن قامتىلادى.
باسقارما باسشىسى مٷلٸكتٸ يەلٸگٸنەن شىعارىپ, بەس جىلدان سوڭ پەتەرگە قايتا كەزەككە تۇراتىنداردىڭ دا جولى كەسٸلەتٸنٸن ايتتى.
«ەگەر ادام مەملەكەت قورىنان بٸر رەت پەتەر السا, ونىڭ قايتا كەزەككە تۇرۋ قۇقىعىن شەكتەۋ قاجەت», - دەپ اتاپ ٶتتٸ ول.
