بقو پوليتسەيلەرٸ جۇمىسقا ورنالاسۋ ٷشٸن جالعان پتر-انىقتاما ساتىپ العان ورال قالاسىنىڭ ٷش تۇرعىنىن ۇستادى. ەندٸ ولار قىلمىستىق جاۋاپكەرشٸلٸككە تارتىلادى, - دەپ حابارلايدى Tengrinews.kz.
"تەرگەۋ بارىسىندا جالعان سىنامانى جۇمىسقا ورنالاسۋ ماقساتىندا ساتىپ العان ٷش تۇرعىنىنىڭ جەكە باسىن انىقتالدى. ولار - ورال قالاسىنىڭ تۇرعىندارى. ولارعا قاتىستى قر قك-نىڭ 385-بابى بويىنشا ("ەدەيٸ جالعان قۇجات قولدانۋ") سوتالدى تەرگەۋ جٷرگٸزٸلٸپ جاتىر", - دەدٸ بقو پوليتسييا دەپارتامەنتٸندەگٸلەر.
ايتا كەتەيٸك, بقو كريمينالدىق پوليتسيياسىنىڭ قىزمەتكەرلەرٸ ساقتاندىرۋ كومپانيياسىنىڭ ون توعىز جاسار ەكٸ قىزمەتكەرٸن ۇستاعانى حابارلانعان بولاتىن. جاستار سكانەرلەنگەن پتر-سىناماسىن قولدانا وتىرىپ, بەس مىڭ تەڭگەگە جالعان پتر-انىقتاماسىن جاساعان.
سونداي-اق, تەرتٸپ ساقشىلارى ۇستالعانداردىڭ ورىنبورداعى مەديتسينالىق مەكەمەنٸڭ شاقىرۋ حاتتارىن قولدان جاساعانىن انىقتادى. جالعان قۇجات قازاقستان ازاماتتارىنا تيٸستٸ قىزمەتتەردٸ الۋ ٷشٸن مەديتسينالىق مەكەمەنٸڭ شاقىرۋى بويىنشا مەملەكەتتٸك شەكارادان ٶتۋگە مٷمكٸندٸك بەرگەن.
