ورال قالالىق سوتىندا بقو بويىنشا قىلمىستىق-اتقارۋ جٷيەسٸ دەپارتامەنتٸ رۋ-170/1 مەكەمەسٸنٸڭ قىزمەتكەرلەرٸنە قاتىستى ٷكٸم شىقتى, دەپ حابارلايدى قازاقپارات.
سۋديا ماعيرا قيتاروۆا جارييا ەتكەن ٷكٸمگە سەيكەس, رۋ-170/1 مەكەمەسٸ رەجيم جەنە كٷزەت بٶلٸمٸ باستىعىنىڭ ورىنباسارى, 1992 جىلعى سەرجان ٶتەگەنوۆ, قاراۋ توبىنىڭ ۋەكٸلەتتٸ ٶكٸلدەرٸ: 1993 جىلعى سامارحان سالتاەۆ, 1994 جىلعى دارحان بايتوريەۆ جەنە باقىلاۋشى, 2000 جىلعى الپامىس كەنجەش قر قك 146-بابى 2-بٶلٸگٸ 1-تارماعىمەن (الدىن الا سٶز بايلاسۋ ارقىلى ادامدار توبىمەن جاسالعان ازاپتاۋلار) ايىپتى دەپ تانىلدى.
س. ٶتەگەنوۆ پەن س. سالتاەۆ 4 جىلعا باس بوستاندىعىنان ايىرۋ جازاسىن شارتتى تٷردە ٶتەۋگە سوتتالدى. سونداي-اق, س. ٶتەگەنوۆ ەدٸلەت اعا لەيتەنانتى, س. سالتاەۆ ەدٸلەت كاپيتانى شەنٸمەن قوشتاستى. ولارعا پروباتسييالىق باقىلاۋ ورناتىلادى.
د. بايتوريەۆ 3 جىلعا باس بوستاندىعىنان ايىرۋ جازاسىن قاۋٸپسٸزدٸگٸ ورتاشا قىلمىستىق-اتقارۋ جٷيەسٸ مەكەمەسٸندە ٶتەيدٸ. ەدٸلەت لەيتەنانتى شەنٸنەن ايىرىلدى.
ا. كەنجەش 3,5 جىلعا باس بوستاندىعىنان ايىرۋ جازاسىن قاۋٸپسٸزدٸگٸ ورتاشا قىلمىستىق-اتقارۋ جٷيەسٸ مەكەمەسٸندە ٶتەۋگە سوتتالدى. كٸشٸ سەرجانت شەنٸنەن ايىرىلدى.
سوتتالۋشىلاردىڭ بەرٸ دە ٷش جىلعا بيلٸك ٶكٸلٸ قىزمەتٸن اتقارۋ قۇقىعىنان ايىرىلدى.
سوت تالقىسىندا مەلٸم بولعانىنداي, اتالمىش مەكەمەنٸڭ ەكٸنشٸ قاباتىنداعى №20 كامەرادا ٶتكەن جىلدىڭ 27 اقپانىنان 1 ناۋرىزىنا دەيٸن وسىندا جازاسىن ٶتەۋگە كەلگەندەر ۆيتاليي ۋكولوۆ, الەكسەي كەرەەۆ, يۆان وبروۆەتس, ارتەم ترايسوۆ, رومان يباتۋللين, ماعجان تٷيماليەۆ, نيكولاي بولدىرەۆ, رۋبەك سەيتكەرەەۆ جەنە باتىرحان ابدوللا جاتقان. 27 اقپان كٷنٸ ساعات 20:00-دە باقىلاۋشى ا. تٶلەەۆ جۇمىسىنا كٸرٸسٸپ, تٷندە ۆ. ۋكولوۆتىڭ ۇيىقتاماي جاتقانىن كٶرٸپ, دٶرەكٸ تٷردە ەسكەرتۋ جاساپ, سٶزگە كەلگەن. باسقا جازاسىن ٶتەۋشٸلەر ويانىپ, تىنىشتىقتى بۇزعانى ٷشٸن ا. تٶلەەۆكە سٶيلەگەن. سودان كەيٸن تٶلەەۆ ۋكولوۆتىڭ وسى قىلىعى ٷشٸن «بٷكٸل كامەرا ازاپ شەگەتٸنٸن» ايتقان.
تٶلەەۆ 1 ناۋرىز كٷنٸ كٷندٸز كەزەكشٸلٸككە كەلٸپ, بولعان وقيعانى سوتتالۋشىلارعا جەتكٸزگەن. سول كٷنٸ ٶتەگەنوۆ, تٶلەەۆ جەنە كەنجەش №20 كامەرادان جازاسىن ٶتەۋشٸلەردٸ شىعارىپ, ساپقا تۇرعىزىپ, مەديتسينالىق-سانيتارلىق بٶلٸمگە قاراي دەلٸزبەن الىپ جٷرگەن. سوسىن قابىرعا جانىنا تۇرعىزعان. كابينەتكە جازاسىن ٶتەۋشٸلەردٸ كەزەكپەن الىپ كەلٸپ, ولاردى كولونييا قىزمەتكەرلەرٸ ۇرىپ-سوققان. الدىمەن ۆ. ۋكولوۆ تاياققا جىعىلعان, سودان كەيٸن قالعاندارىنا كەزەك كەلگەن. كولونييا قىزمەتكەرلەرٸ ارنايى قۇرال - رەزەڭكە تاياعىن دا قولدانعان.
سوتتالۋشىلار كٸنەسٸن مويىنداعان جوق. بٸراق, ولاردىڭ كٸنەسٸ تولىقتاي دەلەلدەندٸ.
سونىمەن قاتار, سوت سوتتالۋشىلارعا ي. وبروۆەتس پەن م. تٷيماليەۆكە 500 مىڭ تەڭگەدەن, ا. ترايسوۆقا 1 ملن تەڭگە كٶلەمٸندە مورالدىق ٶتەماقى تٶلەۋدٸ مٸندەتتەدٸ. ال, ۆ. ۋكولوۆتىڭ ەمدەۋ شىعىنىن تالاپ ەتۋگە قۇقىعى بار.
سوت ٷكٸمٸ زاڭدى كٷشٸنە ەنگەن جوق.
