ورالدا تٶتەنشە جاعداي تالابىن بۇزعان تۇرعىندار ۇستالدى, دەپ حابارلايدى قازاقپارات تٸلشٸسٸ.
بقو پوليتسييا دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وقيعا 9 قاڭتار كٷنٸ شامامەن ساعات 23.15-تە زاچاگان كەنتٸ جەڭگٸر حان كٶشەسٸندە بولدى.
«موسكۆيچي» جانار-جاعار ماي قۇيۋ ستانساسى جانىندا رەسەيلٸك تٸركەۋدەگٸ «گرانتا» اۆتوكٶلٸگٸ توقتاتىلدى.
وندا وتىرعان 1998, 1999 جىلعى تٶرت جاس جٸگٸت قىزىلوردا قالاسىنان كەلگەندٸگٸن تٷسٸندٸردٸ. ولار تەرەكتٸ اۋدانى پودستەپنىي اۋىلىنداعى بلوكپوستى كەسٸپ ٶتە الماعاندىقتان, قالاعا ساياجاي القابى ارقىلى كٸرگەن. جاستاردىڭ تەرتٸبٸ كٷدٸكتٸ بولدى ەرٸ ماشينادان الكوگولدىڭ يسٸ شىعىپ تۇردى.
مەديتسينالىق تەكسەرۋ جٷرگٸزۋشٸنٸڭ ماريحۋانانى قولدانعانىن راستادى. سونىمەن قاتار اۆتوكٶلٸكتەن 2 اسٷي پىشاعى, ٶزٸنە تەن يسٸ بار جاسىل تٷستٸ ۇنتاق سالىنعان قوراپ, 4 ۇيالى تەلەفون تابىلدى.
الىنعان زاتتار ساراپتاماعا جٸبەرٸلەدٸ. اۆتوكٶلٸك ارنايى تۇراققا قويىلدى.
جٷرگٸزۋشٸگە قاتىستى قر ەكٸمشٸلٸك قۇقىقبۇزۋشىلىق كودەكسٸ 608-بابى 1-بٶلٸگٸنە سەيكەس حاتتاما تولتىرىلدى. وعان قوسا جٷرگٸزۋشٸ مەن جولاۋشىلار تٶتەنشە جاعداي تالابىن بۇزعانى ٷشٸن 476-باپقا سەيكەس جاۋاپكەرشٸلٸككە تارتىلادى.
تاعى بٸر وقيعا 10 قاڭتار كٷنٸ ساعات 00.03 شاماسىندا ك.مەڭدەليەۆ كٶشەسٸندە بولدى. پوليتسييا قىزمەتكەرلەرٸ 1993 جىلعى ەكٸ تۇرعىندى ۇستادى. ٶزدەرٸمەن بٸرگە جەكە كۋەلٸكتەٸ بولماعان ولاردان 5,45 كاليبرلٸ ەسكەري وق-دەرٸ جەنە پىشاق تەركٸلەندٸ. ۇستالعان تۇرعىننىڭ سٶزٸنە قاراعاندا, وق-دەرٸنٸ كٶشەدەن تاۋىپ العان. مەديتسينالىق ساراپتاما قورىتىندىسىنا سەيكەس ترامادولدى قولدانۋ سالدارىنان ول ەسٸرتكٸگە ەلتٸگەن كٷيٸندە بولعان.
قازٸرگٸ كەزدە قر قك 287-بابى 3-بٶلٸگٸنە (وق-دەرٸلەردٸ زاڭسىز ساقتاۋ) سەيكەس سوتقا دەيٸنگٸ تەرگەۋ امالدارى جٷرگٸزٸلۋدە. تيٸستٸ ساراپتامالار تاعايىندالدى.
ەكٸنشٸ تۇرعىنعا قاتىستى تٶتەنشە جاعداي تالابىن بۇزعانى ٷشٸن ەكٸمشٸلٸك حاتتاما تولتىرىلدى.
