ورالدا جول-كٶلٸك وقيعاسىن ۆيدەوعا تٷسٸرگەن بلوگەر ۇستالدى, دەپ حابارلايدى "ۇلت اقپارات".
ايبولات بٶكەنوۆتٸڭ ايتۋىنشا, كەشە جەڭگٸر حان كٶشەسٸ مەن ە.برۋسيلوۆسكيي كٶشەلەرٸ قيىلىسىندا بولعان جول-كٶلٸك وقيعاسىن ۆيدەوعا تٷسٸرگەن.
ونىڭ سٶزٸنە قاراعاندا, «پوليتسييا اۆتوكٶلٸگٸ قىزدى قاعىپ كەتتٸ» دەگەن حابار كەلگەننەن وقيعا ورنىنا جەتكەن.
«وسىعان بايلانىستى دەپارتامەنت باستىعى ماقسۇتحان ابلازيموۆتان پٸكٸر سۇراپ ەدٸم. ول ۆيدەوعا تٷسٸرمە دەپ, سمارتفونىمدى تارتىپ الىپ, «ۆيدەونى جويىڭدار» دەپ قاسىنداعى قىزمەتكەرگە بەردٸ. سوسىن «ۇستاپ, تەكسەرٸڭدەر» دەدٸ. سودان كەيٸن ناركولوگييالىق ديسپانسەرگە اپاردى. وندا جەڭٸل دەرەجەدە ٸشٸمدٸك ٸشكەن دەگەن قاعاز بەردٸ. سىرا ٸشكەنٸم راس. سودان كەيٸن زاچاگان پوليتسييا بٶلٸمٸندە ٷش ساعات ۇستاپ, قر ەكٸمشٸلٸك قۇقىقبۇزۋشىلىق كودەكسٸنٸڭ 667-بابىنا سەيكەس (پوليتسييا قىزمەتكەرلەرٸنە باعىنباعانى ٷشٸن) ەكٸمشٸلٸك حاتتاما تولتىردى. كەيٸن تەلەفونىمدى الدىم», دەيدٸ ا.بٶكەنوۆ.
وسى وقيعاعا بايلانىستى بقو پوليتسييا دەپارتامەنتٸ ٶز پٸكٸر-پايىمىن بٸلدٸردٸ.
دەپارتامەنتتٸڭ باسپاسٶز قىزمەتٸ تاراتقان مەلٸمدەمەگە قاراعاندا, ا.بٶكەنوۆ وقيعا ورنىنا كەلگەندە, پوليتسييا قىزمەتكەرلەرٸ تەرگەۋ امالدارىن جٷرگٸزٸپ جاتقان. ا.بٶكەنوۆ ٶز ٸس-ەرەكەتتەرٸمەن بۇعان كەدەرگٸ كەلتٸرگەن. ۆيدەوعا تٷسٸرەمٸن دەپ جولعا دا بٸرنەشە رەت شىعىپ, قاۋپسٸزدٸك تالاپتارىن ساقتاماعان. پوليتسييا قىزمەتكەرلەرٸ بٸرنەشە رەت ەسكەرتۋ جاساعانىمەن, ونى تىڭداماعان. سوندىقتان ونى بٶگەۋگە تۋرا كەلگەن.
مەديتسينالىق كۋەلاندىرۋ قورىتىندىسىنا سەيكەس ا.بٶكەنوۆ جەڭٸل دەرەجەدە ماس كٷيٸندە بولعان.
«ا.بٶكەنوۆتٸڭ قوعامدىق ورىندا وسىلاي جٷرۋٸ بٸرٸنشٸ رەت ەمەس. ول سوڭعى ٷش جىلدا بٸرنەشە رەت ەكٸمشٸلٸك جاۋاپكەرشٸلٸككە تارتىلعان», دەدٸ دەپارتامەنتتٸڭ باسپاسٶز قىزمەتٸ.
ەسكە سالا كەتەيٸك, بۇدان بۇرىن ورالدا پوليتسييا اۆتوكٶلٸگٸنٸڭ 21 جاستاعى قىزدى قاعىپ كەتكەنٸن جەنە كەيٸن پوليتسييا قىزمەتكەرٸنە قاتىستى قىلمىستىق ٸس قوزعالعانىن جازعان بولاتىنبىز.
