ورال قالاسىندا نان باعاسى قىمباتتادى, دەپ حابارلايدى "ۇلت اقپارات".
قازٸرگٸ كەزدە قالا دٷكەندەرٸندە جوعارى سۇرىپتى نان بٶلكەسٸنٸڭ باعاسى 119 تەڭگەگە جەتتٸ.
بٶلكەنٸڭ 19 تەڭگەگە قىمباتتاۋى استىق باعاسىنىڭ جوعارىلاۋىنا بايلانىستى بولىپ وتىر.
ورال قالاسى ەكٸمدٸگٸنەن تٷسكەن مەلٸمەتكە قاراعاندا, بٸرٸنشٸ سۇرىپتى ۇننان پٸسٸرٸلگەن نان باعاسى ٶزگەرٸسسٸز قالدى. مۇنداي بٶلكەنٸڭ باعاسى – 80 تەڭگە.
بٸرٸنشٸ سۇرىپتى نان قر ٷكٸمەتٸ 2010 جىلعى 1 ناۋرىزداعى №145 قاۋلىسىمەن بەكٸتٸلگەن ەلەۋمەتتٸك ماڭىزى بار ازىق-تٷلٸك تاۋارلارىنىڭ تٸزٸمٸنە ەنگٸزٸلگەن. مەملەكەت قر كەسٸپكەرلٸك كودەكسٸ 116-بابى 3-بٶلٸگٸ 1-تارماقشاسىنا سەيكەس وسى تٸزٸمگە ەنگٸزٸلگەن 19 تاعام تٷرٸنٸڭ باعاسىن رەتتەيدٸ. سوندىقتان بٸرٸنشٸ سۇرىپتى نان باعاسىنىڭ كٶتەرٸلۋٸ كٷتٸلٸپ وتىرعان جوق.
جوعارى سۇرىپتى نان باعاسى وبلىس ورتالىعىنان شالعاي ورنالاسقان اۋدانداردىڭ بٸرٸ – بٶكەي ورداسىندا دا ٶستٸ. تۇرعىنداردىڭ سٶزٸنە قاراعاندا, مۇندا اق ناننىڭ قۇنى بۇرىن - 140 تەڭگە بولسا, قازٸرگٸ تاڭدا - 160 تەڭگە, كەي دٷكەندەردە - 170 تەڭگەدەن ساتىلۋدا.
