27 قازان كٷنٸ باتىس قازاقستان وبلىستىق قازاق دراما تەاترىندا قازاقستان تەۋەلسٸزدٸگٸنٸڭ 25 جىلدىعىنا ارنالعان اقىن-دراماتۋرگ, مەملەكەتتٸك سىيلىقتىڭ لاۋرەاتى, حالىقارالىق «الاش» جەنە تەۋەلسٸز «تارلان» سىيلىقتارىنىڭ يەگەرٸ يران-عايىپتىڭ (يرانبەك ورازباەۆ) «مەڭگٸلٸك ەلدٸڭ التىن ادامى» اتتى رەسپۋبليكالىق تەاترلار فەستيۆالٸ مەرەگە جەتتٸ, دەپ حابارلايدى قازاقپارات.
يران-عايىپتىڭ ٶنەر كەشٸندە الدىمەن اقىننىڭ ٶزٸ ٶلەڭدەرٸن وقىپ, وسىنداي تەاتر فەستيۆالٸن ۇيىمداستىرىپ, وعان قولداۋ كٶرسەتكەن باتىس قازاقستان وبلىسى باسشىلىعىنا, اق جايىق جۇرتشىلىعىنا العىسىن بٸلدٸردٸ. كەش بارىسىندا الماتىدان ارنايى كەلگەن ساكسوفونشىلار, اقىن-دراماتۋرگتٸڭ ۇلى جايىنشاھ پەن ونىڭ ۇستازى كونستانتين دوبروۆولسكيي, قارىنداسى رايا ورازباەۆا مەن جيەنٸ, بەلگٸلٸ ەسترادا ەنشٸسٸ, «تٷركۆيجن-2014» حالىقارالىق فەستيۆالٸنٸڭ جەڭٸمپازى جانار دۇعالوۆا, سونداي-اق باتىس قازاقستان وبلىستىق قازاق دراما تەاترىنىڭ ەرتٸستەرٸ, قازاقستاننىڭ ەڭبەك سٸڭٸرگەن قايراتكەرٸ ەربول ەسەندوسوۆ, تەاتر ديرەكتورى قۋانىش اماندىقوۆ ٶز ٶنەرلەرٸن كٶرسەتتٸ.
«مەنٸڭ تەاترمەن بٸتە-قايناسىپ كەتكەنٸمە جيىرما جىلدان استى. قازٸرگٸ بار جۇبانىش-قۋانىشىم تەاتر دەسە دە بولادى. ورالدا التى كٷننٸڭ ٸشٸندە ون تۋىندىم قويىلىپ, قازاقستان تەۋەلسٸزدٸگٸنٸڭ 25 جىلدىعى قارساڭىندا شىعارماشىلىعىمنىڭ بٸر كەزەڭٸنە ەسەپ بەرگەندەي بولدىم. سول ٷشٸن وسى فەستيۆالگە قاتىسقان بارلىق تەاترعا, بٸزدٸ قۇشاق جايىپ, قارسىلاعان اق جايىق ەلٸنە ريزامىن», دەدٸ يران-عايىپ.
كەش سوڭىندا وبلىس ەكٸمٸنٸڭ ورىنباسارى مارات توقجانوۆ يران-عايىپ باستاعان فەستيۆال قوناقتارىنا, قاتىسۋشىلارعا العىسىن بٸلدٸردٸ.
قازىلار القاسىنىڭ شەشٸمٸنەن باتىس قازاقستان وبلىستىق قازاق دراما تەاترى ساحنالاعان «مەڭگٸلٸك ەلدٸڭ التىن ادامى» سپەكتاكلٸ «ەڭ ٷزدٸك قويىلىم» دەپ تانىلدى. ونىڭ رەجيسسەرٸ, بەلگٸلٸ تەاتر جەنە كينو اكتەرٸ, قازاقستاننىڭ ەڭبەك سٸڭٸرگەن ەرتٸسٸ, «قۇرمەت» وردەنٸنٸڭ يەگەرٸ مۇرات احمانوۆ «ٷزدٸك رەجيسسۋرا» اتالىمىن يەلەندٸ. ع.مٷسٸرەپوۆ اتىنداعى قازاق مەملەكەتتٸك اكادەمييالىق بالالار مەن جاسٶسپٸرٸمدەر تەاترىنىڭ اكتريساسى اقبوتا قايماقباەۆا «فاتيما» سپەكتاكلٸندەگٸ فاتيما, باتىسقازاقستاندىق تەاتردان نۇرلىگٷل جۇباتوۆا «مەڭگٸلٸك ەلدٸڭ التىن ادامىنداعى» قازىنا رٶلٸ ٷشٸن «ٷزدٸك ەيەل بەينەسٸ», اباي اتىنداعى سەمەي مەملەكەتتٸك قازاق مۋزىكالىق دراما تەاترىنىڭ اكتەرٸ باۋىرجان تٶلەكوۆ «اداسقان باق قۇسىنداعى» كەرٸكەتكەندٸ شەبەر سومداعانى ٷشٸن «ٷزدٸك ەر ادام بەينەسٸ» اتالىمىمەن ماراپاتتالدى. وعان قوسا بٸر توپ تەاتر رەجيسسەر-اكتەرلەرٸ «تەۋەلسٸزدٸككە تاعزىم», «مەڭگٸلٸك ەل» اتالىمدارى بويىنشا اتالىپ ٶتٸلدٸ. ولاردىڭ ٸشٸندە بقو تەاترىنىڭ باس رەجيسسەرٸ مۇقانعالي تومانوۆ, بەلدٸ اكتەرلەرٸ سەردەش قاجىمۇراتوۆ, مۇساعالي بەكتەنوۆ, ەربول ەسەندوسوۆ, سۋرەتشٸسٸ قايىر ورازعاليەۆ بار.
