ورالدا ەر ادام ٶزٸنٸڭ ەيەلٸن پىشاقتاپ ٶلتٸردٸ, دەپ حابارلايدى "ۇلت اقپارات".
بقو پوليتسييا دەپارتامەنتٸنٸڭ رەسمي ٶكٸلٸ بولاتبەك بەلگٸبەكوۆتٸڭ مەلٸم ەتكەنٸندەي, قايعىلى وقيعا بٷگٸن وردا كٶشەسٸندە بولدى.
«1991 جىلعى ەر ادام ەيەلٸن پىشاقتاعان. كٷدٸكتٸ شامامەن ساعات 17.00-دە اباي داڭعىلى بويىنداعى جابىق مۇز ايدىنى سارايى تۇسىندا ۇستالدى. قازٸرگٸ كەزدە تەرگەۋ امالدارى جٷرگٸزٸلۋدە. قوسىمشا اقپارات كەيٸن بەرٸلەتٸن بولادى», - دەدٸ قازاقپارات تٸلشٸسٸنە ب.بەلگٸبەكوۆ.
وبلىستىق دەنساۋلىق ساقتاۋ باسقارماسى باسپاسٶز قىزمەتٸنٸڭ ناقتىلاۋىنشا, وردا كٶشەسٸ, 1/1 مەكەنجايىنا جەدەل جەردەم ساعات 16.46-دا شاقىرىلدى.
جەدەل جەردەم بريگاداسى وقيعا ورنىنا جەتكەنشە, زارداپ شەككەن ەيەلدٸ اۋرۋحاناعا الىپ كەتكەن.
پوليتسييا قىزمەتكەرلەرٸ 30 جاستاعى ەيەلدٸ قالالىق كٶپبەيٸندٸ اۋرۋحاناعا جەتكٸزگەن. بٸرنەشە مەرتە (الدىن الا مەلٸمەتكە قاراعاندا, 18 رەت) پىشاق سۇعىلعان ول اۋرۋحانادا كٶز جۇمدى.
