فوتو: instagram.com/zaki_consulting
ورالدا 7 جاسار بالا ويىن الاڭىندا ويناپ جٷرٸپ ساۋساعىنان ايىرىلدى. بۇل وقيعا تۋرالى «ەدٸلدٸك جولى» رەسپۋبليكالىق قوعامدىق بٸرلەستٸگٸنٸڭ ٶكٸلٸ, قوعام بەلسەندٸسٸ باۋىرجان احمەتجان جەلٸدەگٸ پاراقشاسىندا حابارلادى.
بەلگٸلٸ بولعانداي, 6 سەۋٸردە 7 جاسار بالا سارىتاۋ شاعىناۋدانىنداعى الاڭدا ويناپ جٷرٸپ, شىناشاعىنان ايىرىلعان.
«سىرعاناقپەن ويناپ جاتقاندا بالانىڭ ساۋساعى اعاش تاقتاي مەن تەمٸر قاڭىلتىردىڭ اراسىنا قىسىلىپ قالعان. بالانىڭ اناسى قوعام بەلسەندٸلەرٸنە جٷگٸنٸپ, ولار قىلمىستىق ٸس قوزعاۋ تۋرالى ارىزىن پروكۋراتۋراعا جولدادى», - دەيدٸ باۋىرجان احمەتجان.
وقيعا ورنىنا جەتكەن قوعام بەلسەندٸلەرٸ تەمٸر تٸرەكتەردٸڭ جىلجىپ كەتۋٸنە بايلانىستى تەمٸر تاقتايدىڭ استىندا ساڭىلاۋ پايدا بولعانىن كٶرگەن. باۋىرجان احمەتجاننىڭ ايتۋىنشا, سپورت كەشەنٸ 2020 جىلى 53,4 ميلليون تەڭگەگە سالىنعان. كەپٸلدٸك مەرزٸمٸ ەكٸ جىل دەلٸنگەن.
«بۇل وقيعاعا ەكٸمدٸك كٸنەلٸ دەپ ەسەپتەيمٸز, ولار ٶز نىساندارىن باقىلاۋسىز قالدىرىپ, تٸپتٸ جٶندەمەيدٸ دە. اتا-انالار دا ويىن جابدىعىن مۇقييات تەكسەرمەي, بالاعا ويناۋعا رۇقسات بەرگەندە نەمقۇرايلىق تانىتادى», - دەيدٸ ول.
بقو دەنساۋلىق ساقتاۋ باسقارماسىنىڭ باسپاسٶز قىزمەتٸ بالانىڭ جەدەل جەردەممەن اۋرۋحاناعا جەتكٸزٸلگەنٸن, دەرٸگەرلەر تٷسكەن كەزدەگٸ جاعدايىن ورتاشا اۋىر دەپ باعالاعانىن حابارلادى. بالانىڭ ساۋساعى كەسٸلٸپ, دەزارتيكۋلياتسييالاۋ وتاسى جاسالعان.
