ورال تۇرعىنى ٶلدٸگە بالاعان اناسىن 28 جىلدان كەيٸن تاپتى. ليۋبوۆ كلەيمەنوۆانى سەگٸز جاسىندا اناسىنان الىپ كەتكەن, ال ەكٸ جىلدان كەيٸن ولار ونىڭ قايتىس بولعانى تۋرالى كۋەلٸك كٶرسەتكەن. سودان بەرٸ ەيەل ەكەسٸ مەن اتا-ەجەسٸنٸڭ تەربيەسٸندە بولعان, - دەپ حابارلايدى Massaget.kz پورتالى "موي گورود" باسىلىمىنا سٸلتەمە جاساپ.
باسىلىم مەلٸمەتٸنشە, ليۋبوۆ كلەيمەنوۆانىڭ ەسٸندە قيىن بالالىق شاعى تۋرالى ەستەلٸكتەر عانا قالعان. ەيەل اناسىنىڭ جىلۋلىعى مەن قامقورلىعىن اڭساپ ٶسكەن. اناسى ۆەرا چەرنوياروۆامەن ٶتكەن سوڭعى كٷن مەڭگٸ ەسٸندە قالعان: جاز, ىستىق كٷن, كٶشە.
"انامنىڭ بٸرٸنشٸ نەكەدەن ەكٸ بالاسى بولدى, مەن جەنە ٷلكەن اعام. باسقا بٸرەۋدەن تاعى بٸر ۇلى بولدى. اعامدى ەكەم تەربيەلەدٸ, مەن سەگٸز جاسىما دەيٸن اناممەن تۇردىم. بٸر كٷنٸ انام ماعان: "ەكەڭ كەلدٸ, سەن سوندا بولاسىڭ, سوسىن سەنٸ الىپ كەتەمٸن" دەدٸ. سوندا مەن ەكەمدٸ بٸرٸنشٸ رەت كٶردٸم. ول كەزدە ەكەم جازاسىن اۋىلدا ٶتەپ جاتقان, مەنٸ سول جەرگە الىپ كەتتٸ. مەن ونىمەن بٸر جىل تۇردىم, سودان كەيٸن ول مەنٸ اتا-اناسىنا اپارىپ تاستادى. اتام مەن ەجەم مەنٸ قاتال تەربيەلەدٸ, سەرۋەندەۋگە, دوستارىمدى ەكەلۋگە, بٸرەۋمەن سٶيلەسۋگە رۇقسات بەرمەيتٸن ەدٸ. باقىتتى بالالىق شاعىم بولدى دەپ ايتپاس ەدٸم", - دەدٸ.
ەيەلدٸڭ سٶزٸنشە, اناسىنىڭ تۋىستارى الىپ كەتۋگە كەلگەن.
"مەن ۇزاق جىلادىم, ٷنەمٸ "انام قايدا" دەپ سۇرادىم. 11 جاسقا تولعاندا ماعان ونىڭ قايتىس بولعانى تۋرالى كۋەلٸكتٸ كٶرسەتٸپ, ونىڭ ەندٸ جوعىن ايتتى. مەن ٷشٸن بۇل ٷلكەن سوققى بولدى. ٷيدە بٸرگە تٷسكەن سۋرەتتەر جوق ەدٸ, بەرٸن جويدى. سودان بەرٸ انام تۋرالى ايتۋعا تىيىم سالىندى", - دەيدٸ ول.
ەيەل اناسىنىڭ قايتىس بولعانى تۋرالى كۋەلٸكتٸ اتاسى جاساعانىن ايتتى. الدىمەن ول ونى حابار-وشارسىز كەتتٸ دەگەن, سودان كەيٸن سوت ارقىلى قايتىس بولعانى تۋرالى كۋەلٸك جاساتقان.
ليۋبوۆ 17 جاسقا دەيٸن اتاسى مەن ەجەسٸمەن بٸرگە تۇرعان. قازٸر ول 36 جاستا. جاقىندا وعان "مارقۇم" اناسىنىڭ كٶرشٸسٸ قوڭىراۋ شالعان. وسىلايشا, ول اناسى تٸرٸ, بٸراق سوقىر ەكەنٸن بٸلگەن. اناسى رەسەيدە ساراتوۆ وبلىسىندا قۇجاتسىز تۇرادى ەكەن.
"ەرينە, باسىندا بۇعان سەنبەدٸم. العاش تەلەفونمەن سٶيلەسكەندە ەكەۋٸمٸز دە جىلادىق. ول كەشٸرٸم سۇراپ, ٶمٸر بويى بٸز تۋرالى, بالالارى تۋرالى ويلاعانىن ايتتى. ول رەسەيگە كەتكەنٸن, ول جەردە بٸر اداممەن كەزدەسكەنٸن, سٶيتٸپ, 25 جىل بۇرىن وعان تۇرمىسقا شىققانىن ايتتى. قازٸر ول قايتىس بولعان, ال انام قۇجاتسىز, زەينەتاقىسىز جەنە مٷگەدەكتٸگٸ بويىنشا جەردەماقىسىز ٶمٸر سٷرەدٸ. مەنەن قۇجاتتارىن قالپىنا كەلتٸرۋگە كٶمەكتەسۋٸمدٸ ٶتٸندٸ", - دەپ تٷسٸندٸردٸ ليۋبوۆ كلەيمەنوۆا.
ورال قالالىق احاج-دا چەرنوياروۆا تۋرالى دەرەكتەر ساقتالعان. ۆەدومستۆو مەلٸمەتٸنشە, ول 1966 جىلى 14 جەلتوقساندا ورالدا دٷنيەگە كەلگەن. سونداي-اق, 2001 جىلعى 4 ماۋسىمداعى سوت شەشٸمٸ بويىنشا قايتىس بولعانى تۋرالى دەرەكتەر بار.
"ۆەراعا كٶشٸ-قون قىزمەتٸنٸڭ قىزمەتكەرلەرٸ ارقىلى رەسەيدەن ورالدىڭ احاج-نا سۇراۋ سالۋ قاجەت. الدىمەن ونىڭ قايتىس بولعانى تۋرالى دەرەكتٸ جويۋ كەرەك (مۇنى قايىن اتاسى سوتتا جاساي الادى), سودان كەيٸن بٸز ونىڭ تۋۋ تۋرالى كۋەلٸگٸن قالپىنا كەلتٸرە الامىز. تەك قاجەت انىقتامالاردى العاننان كەيٸن عانا ول شەكارادان ٶتٸپ, ورالعا كەلٸپ, قالعان قۇجاتتاردى قالپىنا كەلتٸرە الادى", - دەپ تٷسٸندٸردٸ احاج قىزمەتكەرٸ.
ەيەل قازٸر باسپاناسىز قالعانىن ايتادى. ونىڭ قۇجاتتارى ٶرتەنٸپ كەتكەن, كەيٸن ولاردى قالپىنا كەلتٸرمەگەن. ٶمٸر بويى بەيرەسمي جۇمىس ٸستەگەن. قازٸر كٶزٸنە وپەراتسييا قاجەت ەكەن.
"مەن بالالارىمدى بٸرنەشە رەت قايتارۋعا تىرىستىم, ولار ماعان بەرمەدٸ. سودان كەيٸن ٷمٸتٸمدٸ ٷزٸپ, رەسەيگە كەتتٸم, ول جەردە بٸر اداممەن كەزدەسٸپ, سوعان تۇرمىسقا شىقتىم. ماعان دا ۇيات, ٶز ٸس-ەرەكەتتەرٸمدٸ اقتامايمىن", - دەدٸ ۆەرا.
