ورال-اقتٶبە جولىندا جەنە ورال-سامارا, ورال-ساراتوۆ جولدارىنىڭ قازاقستاندىق ۋچاسكەلەرٸندە پيلوتتىق رەجيمدە 3 باقىلاۋ اركاسى جەنە كليەنتتەرمەن جۇمىس ٸستەيتٸن ورتالىق ورناتىلدى, دەپ حابارلايدى "ۇلت اقپارات" «قازاۆتوجول» ۇلتتىق كومپانيياسىنا سٸلتەمە جاساپ.
باتىس قازاقستان وبلىسىنىڭ ورال قالاسى مەن تەرەكتٸ اۋدانىندا اقىلى اۆتوجول جەلٸسٸن كەڭەيتۋ مەسەلەلەرٸ بويىنشا قوعامدىق تىڭداۋ ٶتتٸ.
اقىلى اۆتوجولداردىڭ تاقىرىبى بقو ٷشٸن ٶزەكتٸ. رەسەيدٸڭ سامارا جەنە ساراتوۆ باعىتىنداعى حالىقارالىق ماڭىزى بار ەكٸ تاس جول, سونداي-اق ورال مەن اقتٶبەنٸ بايلانىستىراتىن جولدان اقى الىناتىن بولادى. ايتا كەتۋ كەرەك, جول جٷرۋ اقىسى تەك كوممەرتسييالىق جٷك كٶلٸكتەرٸنەن الىنادى, جەڭٸل كٶلٸكتەرگە تەگٸن.
ٷش اۆتوتراسسادا جول قوزعالىسى قاۋٸپسٸزدٸگٸنٸڭ جوعارى دەڭگەيٸن جەنە جولعا, ونىڭ جابىنىنا, ينفراقۇرىلىمعا تۇراقتى قىزمەت كٶرسەتۋدٸ قامتاماسىز ەتۋگە مٷمكٸندٸك بەرەتٸن باعدارلامالىق-اپپاراتتىق كەشەن تەستٸلٸك رەجيمدە ٸسكە قوسىلادى.
«قازاۆتوجول» ۇك» اق ٶكٸلدەرٸ ورال قالاسى مەن تەرەكتٸ اۋدانىندا ٶتكەن قوعامدىق تىڭداۋلاردا قاۋٸپسٸزدٸكتٸ قامتاماسىز ەتۋدٸڭ جاڭا جٷيەسٸنٸڭ بارلىق جاڭالىقتارى مەن جۇمىس قاعيداتتارى تۋرالى تٷسٸندٸرٸپ بەردٸ.
ماماندار اقىلى جول ۋچاسكەلەرٸ قاۋٸپسٸز, ٷنەمٸ جٶندەلەتٸنٸن جەنە جول تٶسەمٸ مەن جول بويىنداعى سەرۆيستٸك قىزمەتٸ ٶزگە جولدارعا قاراعاندا ساپالى ەكەنٸن اتاپ ٶتتٸ.
اتالمىش جولدارداعى اركالاردا جوعارى جىلدامدىقتى كامەرا ارقىلى اۆتوموبيلدەردٸڭ جىلدامدىعى مەن سانى, جولداعى جاعداي جەنە ت. ب. تٸركەلەدٸ.
جولدا تۇراقتى تٶلەم بەكەتٸ بولمايدى, ونىڭ ورنىنا ىڭعايلى «اشىق» تٶلەم جٷيەسٸ قولدانىلادى. كەدەرگٸ قويىلماعاندىقتان, جول بويىندا كەپتەلٸستەر بولمايدى, بۇل قوسىمشا قاۋٸپسٸزدٸكتٸ قامتاماسىز ەتەدٸ جەنە ساپار ۋاقىتىن قىسقارتادى.
جول جٷرۋ اقىسى قولما-قول اقشاسىز تەسٸلمەن جەنە الدىن الا تٶلەم بويىنشا جٷرگٸزٸلەدٸ.
باتىس قازاقستان ٶڭٸرٸندەگٸ 3 كٷرە جولدا جٷرۋ اقىسى تەك كوممەرتسييالىق جٷك كٶلٸكتەرٸنەن الىناتىن بولادى. جينالعان قاراجات جولدىڭ ٶزٸن-ٶزٸ قارجىلاندىرۋىن عانا ەمەس, سونىمەن قاتار جولداعى قاۋٸپسٸزدٸكتٸڭ جوعارى دەڭگەيٸن ۇستاپ تۇراتىن ٶزٸنٸڭ سەرۆيس كٶرسەتۋ قىزمەتٸن دە قامتاماسىز ەتەدٸ.
ايتا كەتسەك, اقىلى جولدار ايماقتىڭ كٶپتەگەن تۇرعىندارىن تۇراقتى جۇمىسپەن قامتاماسىز ەتەدٸ. سەبەبٸ قاۋٸپسٸزدٸك پەن بەينەتٸركەۋ جٷيەلەرٸن ورناتۋ جەنە قىزمەت كٶرسەتۋ, سونداي-اق پاترۋلدەۋ, جول جابىنى مەن جول بويىنداعى ينفراقۇرىلىمدى تازالاۋ جەنە كٷتۋگە قىزمەتكەرلەر اقىلى جول اشىلعان قالا, اۋدان اۋماعىنان عانا الىنادى.
