وڭتٷستٸكتەن سولتٷستٸككە بيىل 900-دەي وتباسى كٶشۋدٸ جوسپارلاپ وتىر. مەملەكەت قولداۋىمەن قولعا الىنعان باعدارلاما بويىنشا ٶتكەن جىلى 250 وتباسى قونىس اۋدارعان بولاتىن. سٶيتٸپ تەرٸسكەيدەگٸ ەلگە ەل قوسىلىپ, جۇمىس كٷشٸ تولىقتىرىلدى. وسىنداي جەتٸستٸككە كٶڭٸلٸ تولعان سولتٷستٸكتەگٸ ايماق ٶكٸلدەرٸ بيىل حالقى تىعىز ورنالاسقان ماقتارال جۇرتىمەن كەزدەسٸپ, بوس جۇمىس ورىندارىنىڭ جەرمەڭكەسٸن ۇيىمداستىردى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«سەرپٸن» - ەلگە سەرپٸن بەرەتٸن جوبا. ەلباسى جولداۋىنداعى ەڭبەك نارىعىن دامىتۋ بويىنشا قولعا الىنعان ٸس وسىلايشا قارقىن الا باستادى.
«ماقتارال ٶڭٸرٸمٸزدەگٸ حالقى تىعىز اۋدان بولعاندىقتان, كەزدەسۋدٸ وسى اۋماقتان باستادىق. 3 كٷندٸك ٶڭٸرارالىق سەمينار ٶتكٸزٸپ, سوڭى جەرمەڭكەگە ۇلاستى. ايماقارالىق ەكونوميكالىق قارىم-قاتىناستى ارتتىرۋ ٷشٸن دەلەگاتسييا قۇرامىندا بيزنەس ٶكٸلدەرٸ دە كەلٸپ وتىر. 636 جۇمىس بەرۋشٸ باس-اياعى 1785 بوس جۇمىس ورنىن ۇسىنۋدا», - دەدٸ وبلىس ەكٸمٸنٸڭ ورىنباسارى ەربول سادىر.
ماقتارالدا بٷگٸندە 350 مىڭعا جۋىق حالىق تۇرادى. سونىڭ 8 مىڭدايى جۇمىسسىز. ال, تۇرعىن ٷي كەزەگٸنە 300 ازامات تٸركەلگەن. سوندىقتان شالعايداعى اۋدان تۇرعىندارىنا سولتٷستٸككە كٶشۋ تيٸمدٸ بولماق.
«اۋداندا جىلىنا ون مىڭعا جۋىق سەبي ٶمٸرگە كەلەدٸ. ٷي بەرسە, ەرينە بارادى. ول جاق اگرارلى ايماق بولعان سوڭ, وسى باعىتتاعى جۇمىسشىلار ٶتە قاجەت. سونداي-اق, مۇعالٸمدەر, دەنساۋلىق ساقتاۋ سالالارىندا دا مامان تاپشى ەكەن», - دەيدٸ ماقتارال اۋدانى ەكٸمٸنٸڭ ورىنباسارى التىن ەشانقۇلوۆا.
سولتٷستٸك قازاقستان وبلىسىنان كەلگەن كەسٸپكەرلەر بولسا, جەكە شارۋا قوجالىقتارىنا جۇمىسشىلار تاپشى ەكەنٸن ايتىپ وتىر. ەسٸرەسە, مال باعىپ, تٶرت تٷلٸككە كٷتٸم جاسايتىن شارۋالار قاجەتتٸلٸگٸ تۋىنداعان.
«مالدى باعىپ, ونىڭ سٷتٸن, ەتٸن ساتامىز. ٷيمەن قامتاماسىز ەتەمٸز. ازىق-تٷلٸگٸ تەگٸن. ەكەۋارا كەلٸسٸپ, نەسيەگە ٶزٸنە دە مال السىن. سٶيتٸپ, قورا بار, جاي بار. ەكەۋمٸزگە دە جەتەدٸ. مالىن كٶبەيتسٸن. ايلىق تٶلەيمٸز», - دەيدٸ جەكە كەسٸپكەر ەرلان دٷيسەنوۆ.
