30 قىركٷيەك كٷنٸ قازاقستان رەسپۋبليكاسى ۇلتتىق ۇلانىنىڭ الماتى قالاسىنداعى «وڭتٷستٸك» ٶڭٸرلٸك قولباسشىلىعىندا تٶل مەرەكە – جەكە قۇرام ٶڭٸرلٸك قولباسشىلىقتىڭ قۇرىلعانىنا 51 جىل تولۋ داتاسىن دا اتاپ ٶتتٸ.
قولباسشىلىقتىڭ قىسقاشا تاريحىنا توقتاساق, 1966 جىلدىڭ 30 قىركٷيەگٸندە كسرو قوعامدىق تەرتٸپتٸ قورعاۋ مينيسترلٸگٸنٸڭ بۇيرىعىمەن الماتىدا 5449 ەسكەري بٶلٸمٸ قۇرىلعان بولاتىن. ەسكەري بٶلٸمگە ەلٸمٸزدٸڭ وڭتٷستٸك ٶڭٸرٸندە تىنىشتىق پەن تۇراقتىلىقتى قامتاماسىز ەتۋ مٸندەتتەرٸ سەنٸپ تاپسىرىلعان. العاشقى كومانديرٸ مايور يۆان چەكانوۆ بولدى.
ٶڭٸرلٸك قولباسشىلىقتىڭ جاۋىنگەرلٸك قىزمەتٸنٸڭ شەجٸرەسٸ داڭققا تولى. مەسەلەن, 1980 جىلى مەسكەۋ وليمپياداسىندا 5449 ەسكەري بٶلٸمٸنٸڭ جەكە قۇرامى قوعامدىق تەرتٸپ پەن قاۋٸپسٸزدٸكتٸ جوعارى دەڭگەيدە قامتاماسىز ەتٸپ, قۇرمەتكە بٶلەندٸ.
1988 جىلى ەزٸربايجاننىڭ باكۋ, اگدام, كيروۆاباد قالالارىندا, ارمەنييانىڭ ستەپاناكەرت, لەنيناكان, سپيتاك قالالارىندا, 1989 گرۋزييا استاناسى تبيليسي, ٶزبەكستاننىڭ فەرعانا سەكٸلدٸ قالالارىندا, ارتىنشا 1990 جىلى تەجٸكستان استاناسى دۋشانبەدە, قىرعىز ەلٸنٸڭ وش قالالالارىندا بولعان ٷلكەندٸ-كٸشٸلٸ بۇقارا قاقتىعىسى كەزٸندە قارسىلاسقان تاراپتاردى اجىراتۋ بويىنشا جاۋىنگەرلٸك-قىزمەتتٸك تاپسىرمالاردى مٷلتٸكسٸز ورىندادى.
بٷگٸنگٸ تاڭدا «وڭتٷستٸك» ٶڭٸرلٸك قولباسشىلىعىنىڭ قاراماعىنا 11 ەسكەري بٶلٸم قارايدى. ول ەسكەري قۇرىلىمدار قىزىلوردا, جامبىل, وڭتٷستٸك قازاقستان, الماتى وبلىستارى مەن الماتى قالاسىندا ورنالاسقان.
ٶڭٸرلٸك قولباسشىلىقتىڭ ەسكەري قىزمەتشٸلەرٸ كٷندەلٸكتٸ قىراعى قىزمەت اتقارۋدا. ولاردىڭ اراسىندا ٶزدەرٸنٸڭ ەرلٸكتەرٸمەن كٶزگە تٷسكەن بەيبٸت كٷننٸڭ باتىرلارى دا بارشىلىق. ولار – ٸٸٸ-شٸ دەرەجەلٸ «ايبىن» وردەنٸنٸڭ يەگەرٸ لەيتەنانت جاندوس بايانباەۆ, ٸٸٸ-شٸ دەرەجەلٸ «ايبىن» وردەنٸنٸڭ يەگەرٸ لەيتەنانت ەربول وتارباەۆ, ٶزدەرٸنٸڭ قىراعى ٸس-ەرەكەتتەرٸنٸڭ ارقاسىندا جەتٸگەن كەنتٸندە جوعالعان ايزادا اۆلاتاروۆانى تاۋىپ, وتباسىنا امان-ەسەن جەتكٸزگەن 5571 ەسكەري بٶلٸمٸنٸڭ ٸزدەستٸرۋ توبىنىڭ جەتەكشٸسٸ اعا لەيتەنانت رۋستام سەردالينوۆ, الماتى قالاسى جەتٸسۋ اۋدانىندا قاراقشىنى قولعا تٷسٸرگەن قولباسشىلىق وفيتسەرلەرٸ مايور يسمايىل قادىروۆ پەن مايور پاۆەل فەششەنكو, تاراز قالاسىندا تٶتەنشە جاعدايدا باتىل قيمىلداعان 5513 ەسكەري بٶلٸمٸنٸڭ جاۋىنگەرلەرٸ قاتارداعى جاۋىىنگەرلەر امان ەجەنوۆ, يۋريي باجين, يۋريي دىليۋك, 9 جاسار بالانى اجالدان اراشالاپ قالعان ەسكەري جاساق قۇرامى قاتارداعى جاۋىنگەر امانجول ابزاموۆ, دوسبول اياپبەرگەنوۆ, ٸزباسار ساتىبالديەۆتەردٸ اتاۋعا بولادى. ولاردىڭ ەرلٸكتەرٸ بارشا وتانداستارمىزعا ٷلگٸ.
بٷگٸنگٸ تاڭدا «وڭتٷستٸك» ٶڭٸرلٸك قولباسشىلىعىن تەجٸربيەسٸ توعىسقان باسشى گەنەرال-مايور قايرات اقتانوۆ باسقارادى. قولباسشىنىڭ قاسىنا قىزمەتٸمەن دارالانعان وفيتسەرلەر توعىسقان. قولباسشىنىڭ ەر سالا بويىنشا ورىنباسارلارى گەنەرال-مايور اندرەي قاسكەلەڭوۆ, پولكوۆنيك سابىرجان سٷلەيمەنوۆ, پولكوۆنيك كونستانتين قۋاتوۆ, پولكوۆنيك الەكسەي جۋكوۆ, پودپولكوۆنيك ناريمان كٶپەەۆتەر ەسكەر باسقارۋ قىزمەتٸنە ٷلگٸلٸ, ەرٸ بٸلٸكتٸ باسشىلىق جاساۋدا. سونداي-اق, جيىرما جىلدىق تەجٸريبەسٸ بار, قولباسشىلىققا ەڭبەگٸن سٸڭدٸرگەن ساردارلاردى اتاپ ٶتكەنٸمٸز جٶن. ولاردىڭ قاتارىندا پولكوۆنيكتەر: ساعيتجان تازابەكوۆ, عانيمات اميروۆ, اناتوليي لوگين, تۇراربەك بەرەكەتوۆ, ايبەك اسانوۆ, تالعات احمەتوۆ, دانييار ەبدٸبەكوۆ سىندى ٶز ٸسٸنٸڭ بٸلٸكتٸ ماماندارىن اتاۋعا بولادى.
30 قىركٷيەك كٷنٸ وڭتٷستٸك» ٶڭٸرلٸك قولباسشىلىعى تٶل مەرەكەگە وراي سالتاناتتى شارا ۇيىمداستىرىلىپ, قۇتتىقتاۋ لەبٸزدەرٸ تىڭدالدى. جيىنعا ارداگەرلەر, ەسكەري بٶلٸمدەردٸڭ جەكە قۇرامى سونداي-اق, الماتى قالاسىنىڭ جەرگٸلٸكتٸ باسقارۋ, ٶزارا ەرەكەت ەتۋ ورگاندارى مەن قوعامدىق ۇيىمدار ٶكٸلدەرٸ قاتىسىپ, مەرەكەلٸك كونتسەرتتٸ تاماشالادى.
مايور ارمان ەۋبەكٸروۆ
