30 qyrkúiek kúni Qazaqstan Respýblikasy Ulttyq ulanynyń Almaty qalasyndaǵy «Ońtústik» óńirlik qolbasshylyǵynda tól mereke – jeke quram óńirlik qolbasshylyqtyń qurylǵanyna 51 jyl tolý datasyn da atap ótti.
Qolbasshylyqtyń qysqasha tarihyna toqtasaq, 1966 jyldyń 30 qyrkúieginde KSRO qoǵamdyq tártipti qorǵaý Ministrliginiń buiryǵymen Almatyda 5449 áskeri bólimi qurylǵan bolatyn. Áskeri bólimge elimizdiń ońtústik óńirinde tynyshtyq pen turaqtylyqty qamtamasyz etý mindetteri senip tapsyrylǵan. Alǵashqy komandiri maior Ivan Chekanov boldy.
Óńirlik qolbasshylyqtyń jaýyngerlik qyzmetiniń shejiresi dańqqa toly. Máselen, 1980 jyly Máskeý Olimpiadasynda 5449 áskeri bóliminiń jeke quramy qoǵamdyq tártip pen qaýipsizdikti joǵary deńgeide qamtamasyz etip, qurmetke bólendi.
1988 jyly Ázirbaijannyń Baký, Agdam, Kirovabad qalalarynda, Armeniianyń Stepanakert, Leninakan, Spitak qalalarynda, 1989 Grýziia astanasy Tbilisi, Ózbekstannyń Ferǵana sekildi qalalarynda, artynsha 1990 jyly Tájikstan astanasy Dýshanbede, Qyrǵyz eliniń Osh qalalalarynda bolǵan úlkendi-kishili buqara qaqtyǵysy kezinde qarsylasqan taraptardy ajyratý boiynsha jaýyngerlik-qyzmettik tapsyrmalardy múltiksiz oryndady.
Búgingi tańda «Ońtústik» óńirlik qolbasshylyǵynyń qaramaǵyna 11 áskeri bólim qaraidy. Ol áskeri qurylymdar Qyzylorda, Jambyl, Ońtústik Qazaqstan, Almaty oblystary men Almaty qalasynda ornalasqan.
Óńirlik qolbasshylyqtyń áskeri qyzmetshileri kúndelikti qyraǵy qyzmet atqarýda. Olardyń arasynda ózderiniń erlikterimen kózge túsken beibit kúnniń batyrlary da barshylyq. Olar – III-shi dárejeli «Aibyn» ordeniniń iegeri leitenant Jandos Baianbaev, III-shi dárejeli «Aibyn» ordeniniń iegeri leitenant Erbol Otarbaev, ózderiniń qyraǵy is-áreketteriniń arqasynda Jetigen kentinde joǵalǵan Aizada Avlatarovany taýyp, otbasyna aman-esen jetkizgen 5571 áskeri bóliminiń izdestirý tobynyń jetekshisi aǵa leitenant Rýstam Serdalinov, Almaty qalasy Jetisý aýdanynda qaraqshyny qolǵa túsirgen qolbasshylyq ofitserleri maior Ismaiyl Qadyrov pen maior Pavel Feshenko, Taraz qalasynda tótenshe jaǵdaida batyl qimyldaǵan 5513 áskeri bóliminiń jaýyngerleri qatardaǵy jaýyyngerler Aman Ájenov, Iýrii Bajin, Iýrii Dyliýk, 9 jasar balany ajaldan arashalap qalǵan áskeri jasaq quramy qatardaǵy jaýynger Amanjol Abzamov, Dosbol Aiapbergenov, Izbasar Satybaldievterdi ataýǵa bolady. Olardyń erlikteri barsha otandastarmyzǵa úlgi.
Búgingi tańda «Ońtústik» óńirlik qolbasshylyǵyn tájirbiesi toǵysqan basshy general-maior Qairat Aqtanov basqarady. Qolbasshynyń qasyna qyzmetimen daralanǵan ofitserler toǵysqan. Qolbasshynyń ár sala boiynsha orynbasarlary general-maior Andrei Qaskeleńov, polkovnik Sabyrjan Súleimenov, polkovnik Konstantin Qýatov, polkovnik Aleksei Jýkov, podpolkovnik Nariman Kópeevter ásker basqarý qyzmetine úlgili, ári bilikti basshylyq jasaýda. Sondai-aq, jiyrma jyldyq tájiribesi bar, qolbasshylyqqa eńbegin sińdirgen sardarlardy atap ótkenimiz jón. Olardyń qatarynda polkovnikter: Saǵitjan Tazabekov, Ǵanimat Amirov, Anatolii Login, Turarbek Bereketov, Aibek Asanov, Talǵat Ahmetov, Daniiar Ábdibekov syndy óz isiniń bilikti mamandaryn ataýǵa bolady.
30 qyrkúiek kúni Ońtústik» óńirlik qolbasshylyǵy tól merekege orai saltanatty shara uiymdastyrylyp, quttyqtaý lebizderi tyńdaldy. Jiynǵa ardagerler, áskeri bólimderdiń jeke quramy sondai-aq, Almaty qalasynyń jergilikti basqarý, ózara áreket etý organdary men qoǵamdyq uiymdar ókilderi qatysyp, merekelik kontsertti tamashalady.
Maior Arman ÁÝBÁKIROV
