وڭتٷستٸك كورەيادا كٸشكەنتاي بالانى كٶلٸگٸمەن قاعىپ كەتكەن قازاقستان ازاماتىنا قاتىستى العاشقى سوت وتىرىسى قاراشا ايىنىڭ ورتاسىندا ٶتەدٸ. بۇل تۋرالى قر سٸم رەسي ٶكٸلٸ ايبەك سماديياروۆ مەلٸم ەتتٸ, دەپ حابارلايدى "ۇلت اقپارات".
«ونىڭ ٸسٸ بويىنشا تەرگەۋ امالدارى اياقتالدى. ٸس سوتقا جەتتٸ. العاشقى وتىرىس قاراشا ايىنىڭ ورتاسىنا جوسپارلانىپ وتىر. ەرتەڭ ايىپتالۋشى قازاقستاندىق ازامات ٶزٸ جالداعان جەكە ادۆوكاتىمەن كەزدەسەدٸ», - دەدٸ ايبەك سماديياروۆ ۆەدومستۆودا ٶتكەن بريفينگتە.
ايبەك سماديياروۆتىڭ ايتۋىنشا, كٶلٸك قاعىپ كەتكەن بالانىڭ جاعدايى جاقسى.
«بالا ەسٸن جيعان. ٶزٸ جٷرٸپ جٷر. اياق-قولى ساۋ. تەك باسىنا كٸشكەنە زاقىم كەلگەن. سونى ەمدەپ جاتىر», - دەدٸ ول.
ەسكە سالا كەتسەك, 16 قازان كٷنٸ قازاقستاندىق ازامات وڭتٷستٸك كورەيادا كٸشكەنتاي بالانى كٶلٸگٸمەن قاعىپ, ەلدەن كەتٸپ قالعان. ول بۇل مەملەكەتتە بٸر جىلدام استام ۋاقىت بويى زاڭسىز تۇرىپ كەلگەن ەدٸ. بٷگٸنگٸ تاڭدا ول چانۆون قالاسىنداعى تەرگەۋ يزولياتورىندا جاتىر.
سونداي-اق, وڭتٷستٸك كورەيادا كٶلٸگٸمەن بالا قاققان قازاقستاندىققا بٸرنەشە ايىپ تاعىلعان بولاتىن.
