Ońtústik Koreiada kishkentai balany kóligimen qaǵyp ketken Qazaqstan azamatyna qatysty alǵashqy sot otyrysy qarasha aiynyń ortasynda ótedi. Bul týraly QR SIM resi ókili Aibek Smadiiarov málim etti, dep habarlaidy "Ult aqparat".
«Onyń isi boiynsha tergeý amaldary aiaqtaldy. Is sotqa jetti. Alǵashqy otyrys qarasha aiynyń ortasyna josparlanyp otyr. Erteń aiyptalýshy qazaqstandyq azamat ózi jaldaǵan jeke advokatymen kezdesedi», - dedi Aibek Smadiiarov vedomstvoda ótken brifingte.
Aibek Smadiiarovtyń aitýynsha, kólik qaǵyp ketken balanyń jaǵdaiy jaqsy.
«Bala esin jiǵan. Ózi júrip júr. Aiaq-qoly saý. Tek basyna kishkene zaqym kelgen. Sony emdep jatyr», - dedi ol.
Eske sala ketsek, 16 qazan kúni qazaqstandyq azamat Ońtústik Koreiada kishkentai balany kóligimen qaǵyp, elden ketip qalǵan. Ol bul memlekette bir jyldam astam ýaqyt boiy zańsyz turyp kelgen edi. Búgingi tańda ol Chanvon qalasyndaǵy tergeý izoliatorynda jatyr.
Sondai-aq, Ońtústik Koreiada kóligimen bala qaqqan qazaqstandyqqa birneshe aiyp taǵylǵan bolatyn.
