وڭتٷستٸك كورەيانىڭ سولتٷستٸك-شىعىسىنداعى كۆاندجۋ قالاسىندا عيمارات بۇزۋ كەزٸندە وپىرىلىپ قۇلاپ, توعىز ادام قازا تاپتى, سەگٸز ادام اۋىر جاراقات الدى, دەپ حابارلايدى "ۇلت اقپارات" Yonhap اگەنتتٸگٸنە سٸلتەمە جاساپ.
وڭتٷستٸك كورەيانىڭ كۆاندجۋ قالاسىنداعى بەس قاباتتى عيماراتتىڭ قۇلاۋى تۋرالى حابارلاما جەرگٸلٸكتٸ ۋاقىت بويىنشا 16:22-دە كەلٸپ تٷسكەن. وقيعا سالدارىنان قۇرىلىس الاڭىنىڭ جانىندا تۇرعان جولاۋشىلار اۆتوبۋسى ٷيٸندٸ استىندا قالعان.
عيماراتتىڭ قۇلاۋى سالدارىنان توعىز ادام قازا تاپقان, اۋىر جاراقات العان سەگٸز ادام جاقىن ماڭداعى اۋرۋحانالارعا جەتكٸزٸلگەنٸ حابارلاندى. زارداپ شەككەندەردٸڭ بارلىعى – اۆتوبۋس جولاۋشىلارى.
باستاپقىدا اۆتوبۋستا ون ەكٸ ادام بولعان دەپ بولجانعان.
عيمارات ٷيٸندٸلەرٸنٸڭ استىندا ەكٸ اۆتوكٶلٸك بولۋى مٷمكٸن دەپ حابارلانعان, بٸراق ۆيدەودان ولار اپات ورنىنان ەرەڭ قاشىپ شىققانى بەلگٸلٸ بولدى.
قۇلاعان عيمارات ماڭىنداعى قۇرىلىس الاڭىنا قاراما-قارسى دٷكەننٸڭ يەسٸ يانگ يك-چجە (Yang Ik-je) سىرتقا شىققاننان كەيٸن ول جەردٸڭ دٸرٸلدەگەنٸن سەزگەنٸن ايتتى.
«جول قالىڭ تۇمان باسقانداي كٶرٸنبەي قالدى», - دەدٸ ول.
عيمارات اۆتوبۋسقا وپىرىلىپ تٷسكەنٸ كٶرسەتٸلگەن باقىلاۋ كامەرالارىنداعى ۆيدەونى تەكسەرگەننەن كەيٸن دٷكەن يەسٸ وقيعا تۋرالى دەرەۋ بيلٸككە حابارلاعان.
قۇتقارۋشىلار ٸزدەستٸرۋ جۇمىستارىن جٷرگٸزۋدە.
