Ońtústik Koreianyń soltústik-shyǵysyndaǵy Kvandjý qalasynda ǵimarat buzý kezinde opyrylyp qulap, toǵyz adam qaza tapty, segiz adam aýyr jaraqat aldy, dep habarlaidy "Ult aqparat" Yonhap agenttigine silteme jasap.
Ońtústik Koreianyń Kvandjý qalasyndaǵy bes qabatty ǵimarattyń qulaýy týraly habarlama jergilikti ýaqyt boiynsha 16:22-de kelip túsken. Oqiǵa saldarynan qurylys alańynyń janynda turǵan jolaýshylar avtobýsy úiindi astynda qalǵan.
Ǵimarattyń qulaýy saldarynan toǵyz adam qaza tapqan, aýyr jaraqat alǵan segiz adam jaqyn mańdaǵy aýrýhanalarǵa jetkizilgeni habarlandy. Zardap shekkenderdiń barlyǵy – avtobýs jolaýshylary.
Bastapqyda avtobýsta on eki adam bolǵan dep boljanǵan.
Ǵimarat úiindileriniń astynda eki avtokólik bolýy múmkin dep habarlanǵan, biraq videodan olar apat ornynan áreń qashyp shyqqany belgili boldy.
Qulaǵan ǵimarat mańyndaǵy qurylys alańyna qarama-qarsy dúkenniń iesi Iang Ik-chje (Yang Ik-je) syrtqa shyqqannan keiin ol jerdiń dirildegenin sezgenin aitty.
«Jol qalyń tuman basqandai kórinbei qaldy», - dedi ol.
Ǵimarat avtobýsqa opyrylyp túskeni kórsetilgen baqylaý kameralaryndaǵy videony teksergennen keiin dúken iesi oqiǵa týraly dereý bilikke habarlaǵan.
Qutqarýshylar izdestirý jumystaryn júrgizýde.
