جۋىردا ون ادامدى ٶرتتەن قۇتقارعان قازاق جٸگٸتٸنە وڭتٷستٸك كورەيا بيلٸگٸ ارنايى ۆيزا بەرەتٸن بولدى, دەپ حابارلايدى "ۇلت اقپارات".
«بٷگٸن كورەيانىڭ ەدٸلەت مينيسترلٸگٸنٸڭ ٶكٸلدەرٸ جۋىردا ٶرت شىققان تۇرعىن ٷيدەن ون شاقتى ادامدى قۇتقارىپ العان بٸزدٸڭ ەليمەن كەزدەستٸ. كەزدەسۋ بارىسىندا وتانداسىمىزدىڭ سول ەلدە تۇرۋ مەرتەبەسٸنە ٶزگەرٸس ەنگٸزۋ پروتسەدۋراسى تالقىلاندى. ەلي تيٸستٸ ٶتٸنٸمدٸ بەرگەن ەدٸ. كورەيا تاراپى ونىڭ قۇجاتتارىنىڭ بەرٸن قاراپ, ەليگە ارنايى ۆيزا بەرۋ تۋرالى شەشٸم قابىلدادى», - دەپ حابارلايدى قر سٸم رەسمي ٶكٸلٸ ايبەك سماديياروۆ.
قر سىرتقى ٸستەر مينيسترلٸگٸ رەسمي ٶكٸلٸنٸڭ حابارلاۋىنشا, ەليگە الداعى ۋاقىتتا تۇراقتى تۇراتىنداي مەرتەبە بەرۋ مەسەلەسٸ دە تالقىلانادى. وڭتٷستٸك كورەيا بيلٸگٸ بەرگەن مۇنداي ارتىقشىلىقتى ەلي پايدالانا ما, جوق پا – ٶزٸ شەشەدٸ.
«سونىمەن قاتار كورەيلٸك LG Welfare Foundation قورى ەليدٸ ارنايى LG Personnel Award سىيلىعىمەن ماراپاتتاۋدى ۇسىندى. ول سىيلىق باسقا ادامداردى قۇتقارىپ قالعان باتىل جاندارعا بەرٸلەدٸ», - دەيدٸ ايبەك سماديياروۆ.
ايتا كەتەيٸك, وڭتٷستٸك كورەيادا قازاقستان ازاماتى ٶرت كەزٸندە 10 ادامدى قۇتقارىپ, مەملەكەتتٸك ماراپاتقا ۇسىنىلعانىن بۇعان دەيٸن حابارلاعان ەدٸك. تٷركٸستاندىق ەلي وتباسىمەن بٸرگە 2017 جىلى يان يان شيپاجايلى قالاشىعىنا جۇمىس ٸزدەپ كەلگەن.
وقيعا ٶتكەن ايدا بولعان. ول 23 ناۋرىز تٷنگٸ ساعات 11-دە تٷتٸن يٸسٸن سەزگەن. سٶيتسە, كٶرشٸ پەتەرلەردٸڭ بٸرٸندە ٶرت شىققان.
ٶرت بولعان بٶلمە ٸشٸندە ەيەل قالىپ قالعان. ەلي ول بٶلمەنٸڭ ەسٸگٸن اشا الماي, پەتەرگە گاز قۇبىرىمەن جەنە تەلەكابەلمەن ٶرمەلەپ شىعىپ, ٸشٸنە كٸرگەن. ٶكٸنٸشكە قاراي, ٶرت شىققان پەتەردە بولعان ەيەل كەيٸننەن اۋرۋحانادا كٶز جۇمعان. وتانداسىمىز ٶزگە كٶرشٸلەرٸن وياتىپ ٷلگەرگەن. سونىڭ ارقاسىندا ولار دەر كەزٸندە سىرتقا شىعىپ, امان قالعان.
جەرلەسٸمٸز ەرلٸگٸ جايلى دا, ٶرت كەزٸندە دەنەسٸن كٷيٸك شالعانى تۋرالى دا تۋىستارىنا تٸس جارماپتى. مەديتسينالىق كٶمەكتەن دە باس تارتقان. الايدا كٶرشٸلەرٸ بوي بەرمەي, ونى اۋرۋحاناعا جەتكٸزٸپ, ەمگە كەتەتٸن شىعىندى ٶزدەرٸ تٶلەگەن.
