فرانتسييادا سەزٸمدٸ وي تۇنشىقتىرادى. بٸزدٸڭ ٶنەرٸمٸزدٸ ٸلگەرٸ باستىرمايتىن قىرسىقتىڭ بارلىعى وسى ۇلتتىق كەمشٸلٸكتٸڭ كەسٸرٸنەن پايدا بولادى. بٸز مودا تالاپ ەتكەن تەاترعا نەمەسە سالونعا بارىپ, تاماشالاپ, قول سوعىپ, قىزىعا تالقىلاپ جەنە سول جەردەن شىعا سالىپ, ٶزٸمٸزدٸڭ تەسٸك استاۋىمىزعا قايتىپ ورالامىز. جٷز ادامنىڭ تٶرتەۋٸ عانا تريو مەن كاۆاتيننەن تاڭعاجايىپ ەسەر الىپ, مۋزىكادان ٶز ٶمٸرٸنٸڭ پاراقتارىن وقىپ, ماحاببات جايلى ويلاپ, جاستىق شاعىن ەسٸنە الىپ, تەتتٸ قييالدارعا بەرٸلٸپ, پوەزييانى جان-جٷرەگٸمەن سەزٸنەدٸ.
تالانتتى ادام حالىقتىڭ اراسىنان شىعادى. ولاردىڭ قوعامعا جات ەكٸ تٷرلٸ قىلىقتارىن كٶپ ادامدار تٷسٸنبەيدٸ: بٸرٸنشٸدەن, ريشەلەنٸڭ ايتۋىنشا, ولار جاعىمپازدانىپ كٷن كٶرە المايدى جەنە دٷنيەگە قىزىقپايدى, بايلىقتىڭ ارتىنا تٷسپەيدٸ, اقشاسى بولسا, جۇمساپ, تاۋىسقانشا اسىعادى. ولاردىڭ سونشالىقتى قايىرىمدى جان دٷنيەسٸندە كەز-كەلگەن ساۋداگەردٸڭ ويىن جاۋلاپ الاتىن دٷنيەقورلىق, ساراڭدىق سيياقتى جامان ەدەتتەرگە ورىن جوق. ولارعا كٶپ جاعدايدا تۇراتىن ورىن جەنە جەيتٸن نان عانا قاجەت. ولاردىڭ دانىشپاندىعى – مەڭگٸلٸككە بەرٸلگەن سىيلىق. تالانتتى ادامداردى كٷنٸنە ون رەت كٶرسەڭٸز دە قاراپايىم بولىپ كٶرٸنەدٸ. دٷنيەسٸ تٷگەل ادامدار ولار تۋرالى دٷكەندە ارتەلشٸ بولىپ جۇمىس ٸستەۋ عانا قولدارىنان كەلەدٸ دەپ ويلايدى. شىن مەنٸندە, ويدى مەڭگەرگەن ادام – ەلەمنٸڭ ەمٸرشٸسٸ. پاتشالار حالىقتى بەلگٸلٸ بٸر مەرزٸمدە عانا باسقارادى, ال سۋرەتكەر حالىقتى عاسىرلار بويى باسقارادى, ولار زاتتاردىڭ بەت-بەينەسٸن ٶزگەرتٸپ, جەر شارىنا تەرتٸپ ورناتادى. ەكٸنشٸدەن, ولار توبىردىڭ كٶزٸمەن قاراعاندا – جالقاۋ, ەرٸنشەك. ال شىندىعىندا, ولاردىڭ ميلارى ٷزدٸكسٸز جۇمىس ٸستەيدٸ. ولاردىڭ جاندارىن قيناپ جۇمىس ٸستەگەن ساعاتتارى ەرٸككەننٸڭ ەرمەگٸ, ٸستەيتٸن باسقا ٸسٸ قالماعان جاتىپ ٸشەر جالقاۋدىڭ ٸس-ەرەكەتٸ سيياقتى بولىپ كٶرٸنەدٸ. راسىندا, يدەيانىڭ سوڭىنا تٷسكەن كەزدەرٸندەگٸ ولاردىڭ باقىتتى سەتتەرٸن ايتىپ جەتكٸزۋ قيىن. نيۋتون تاڭەرتەڭ تەرەڭ ويعا بەرٸلٸپ وتىرادى. كەلەسٸ كٷنٸ تاڭەرتەڭ ادامدار ونى ەش ٶزگەرٸسسٸز سول قالپىندا كٶرەدٸ. ال ول ٶزٸنٸڭ بٸر تەۋلٸك ٶتكەنشە ويعا باتىپ وتىرعانىن بايقاماعان. لافونتەن مەن كاردانو جايلى دا وسىنداي ەڭگٸمەلەر ايتادى. ولاردىڭ تٶبەسٸ اسپانعا تيەدٸ, اياعى جەردٸ باسىپ تۇرادى. ٶنەر – ويدىڭ بايلىعى. ولاردىڭ مٸنەزدەرٸندە تۇراقتىلىق بولمايدى, شىعارماشىلىق ويلارىمەن بٸرگە مٸنەزدەرٸ ٶزگەرٸپ تۇرادى. سۋرەتكەر ٶزٸنٸڭ جانىن كٷللٸ ەلەمدٸ كٶرە الاتىن ايناعا اينالدىرىپ, سول اينادان ٶزٸنٸڭ قالاۋى بويىنشا ەرتٷرلٸ ەلدەردٸ سالت-دەستٷر, ەدەت-عۇرىپتارىمەن, ادامداردىڭ وبرازدارىن قۇمارلىق-قۇشتارلىقتارىمەن قوسا كٶرە الاتىن بولعاندىقتان مٸنەز دەپ اتالاتىن قالىپقا سىيمايدى. ولار سوعىستا قورقاق, ەشافوتتا (كٷنەكاردىڭ باسىن كەسٸپ الۋعا ارنالعان سەكٸ, ورىن) باتىل, بٸرەۋدٸ جان-تەنٸمەن بەرٸلٸپ سٷيەدٸ جەنە ەشبٸر سەبەپسٸز سٷيگەن ادامىن تاستاپ كەتەدٸ, ولار اقىماقتاردىڭ سىيىنعان باستىقتارىنىڭ اقىلعا سىيمايتىن قىلىقتارىن بايقاپ قالسا, اقجارقىن, جايدارى كٶڭٸل كٷيلەرٸن بۇزباي, ٶز پٸكٸرلەرٸن ولاردىڭ بەتٸنە ايتا سالادى, ولار ەش ويلانباستان كەز كەلگەن ٷكٸمەتتٸ جاقتاپ شىعا كەلەدٸ نەمەسە قايسار رەسپۋبليكاشىل بولا سالادى. ولار بەرٸن تٷسٸنەدٸ, بالاعا ۇقساپ, بارلىق نەرسەگە قىزىعادى, بەرٸن كٶزٸمەن كٶرٸپ, قولىمەن ۇستاعىسى كەلەدٸ. ولار ەرٸ بالا, ەرٸ الىپ, ٸرٸ تۇلعا. ٶمٸردە مەدالدىڭ ەكٸ جاعىن دا كٶرە الاتىن ولاردىڭ وسىنداي مٷمكٸندٸكتەرٸن توبىر ٶتٸرٸككە شىعارادى. سۋرەتكەردٸڭ تەنٸ تٸرشٸلٸكتٸڭ كەزدويساق وقيعالارىنىڭ ەركٸنە وڭاي كٶنە سالادى, ال جانى ٷنەمٸ بۋلانىپ تۇرادى. جۇرتتىڭ قىزىل دەگەنٸ ولارعا كٶگٸلدٸر بولىپ كٶرٸنەدٸ. قۇپييا سەبەپتەرگە تەرەڭ ەنە الاتىندىقتان تالانتتى ادام باقىتسىزدىققا قۋانادى, سۇلۋلىقتى جوققا شىعارادى, ولقىلىق-كەمٸستٸكتٸ ماقتايدى, قىلمىستى جاقتايدى, ول اقىماقتىقتىڭ بارلىق بەلگٸلەرٸن كٶرسەتەدٸ, قولدانعان ٸس-شارالارى ماقساتتان الىستاعانداي بولادى, ال شىن مەنٸندە ماقساتقا جاقىندايدى. ولار قول سوزىم جەردە تۇرعان باقىتتى الىستا دەپ ويلايدى. ولاردىڭ اقىلى الىستان كٶرەدٸ, بولاشاقپەن سٶيلەسٸپ تۇرىپ, اينالاسىنداعىلارعا اسا ماڭىزدى بولىپ كٶرٸنەتٸن ۇساق-تٷيەكتەردٸ بايقامايدى. سول ٷشٸن ونىڭ ٶز ەيەلٸ (نەمەسە ٶز كٷيەۋٸ) ونى اقىماق دەپ قابىلدايدى. سۋرەتكەر جۇبايىنىڭ ايتقانىنا كٶنٸپ, ايداۋىنا جٷرمەگەنٸ ابزال. ٶزدەرٸنٸڭ ەلەمنٸڭ بيلەۋشٸسٸ ەكەندٸكتەرٸن بٸلە الماي, بٸر ٷزٸم نانعا زار بولىپ ٶمٸردەن ٶتەتٸن, اتاق-داڭققا ٶلگەننەن كەيٸن يە بولاتىن وسىنداي داڭقتىڭ ۇلدارىنا, «سوقىرلارعا» شىن نيەتٸمەن بەرٸلٸپ, ٶز ٶمٸرلەرٸن سولارعا قىزمەت ەتۋگە ارناعان اقىن, جازۋشى, سۋرەتشٸ, مٷسٸنشٸ, كومپوزيتوردىڭ, جالپى ٶنەر ادامدارىنىڭ جۇبايلارىنىڭ ادامگەرشٸلٸگٸ – ادام دەگەن اتقا لايىقتى ەرلٸك. سۋرەتكەر ٶنەرگە سول ٶنەردٸڭ ٶزٸ ٷشٸن قىزمەت ەتۋٸ قاجەت ەكەنٸن, ٶنەردٸڭ ٶزٸ سىيلاعان قۋانىشتان ارتىق قۋانىش بولمايتىنىن, تىنىشتىق پەن وڭاشالىقتان اسقان قازىنا جوق ەكەنٸن ەسٸنەن شىعارماۋى كەرەك. ٶلمەستٸڭ كٷنٸن كٶرٸپ, نان تاۋىپ جەۋ ٷشٸن تٸرشٸلٸك ەتەتٸندەرگە, بولماسا, ٶمٸردەگٸ بار جاقسىنى اقشاعا ساتىپ الىپ, لەززەت الۋ ٷشٸن بەس كٷنگٸ جالعاننىڭ قىزىعىنا تويمايتىندارعا, كوممەرتسييامەن اينالىساتىندارعا, باسشىلىق قىزمەتتە, جۇمساق كرەسلودا وتىرعاندارعا مەڭگٸ ٶلمەيتٸن ٶنەر تۋىندىلارىنىڭ ەرقايسىسىنىڭ جەكە-جەكە, سونشالىقتى قيىن جاعدايدا, زور قينالىس ٷستٸندە تۋاتىنىن قالاي دەلەلدەيسٸز? ۇلى سۋرەتكەر «بۇ دٷنيەگە» ورالعاندا ٶزٸنٸڭ ارتىقشىلىعىن ەسٸكتٸڭ ارعى جاعىندا قالدىرىپ, ٶزٸن-ٶزٸ قورعاماعانى جٶن, ۋاقىتتان دا, تٸپتٸ بٸزدٸڭ ٶزٸمٸزدەن دە كٷشتٸ كٶمەكشٸمٸز, جاراتقان يەمٸز بار ەكەنٸن ەستەن شىعارماعانىمىز دۇرىس. ٶنەر تۋىندىلارىن تۋدىرۋ جەنە ٶمٸر سٷرۋ ٷشٸن كٷرەسۋ – بۇل ەكەۋٸن قاتار الىپ جٷرۋ ٷشٸن ەكٸ ادامنىڭ ٶمٸرٸ قاجەت, ال بٸز بٸر مەزگٸلدە ەكٸ ادامنىڭ ٶمٸرٸن قاتار سٷرە المايمىز, ٶيتكەنٸ, ەشقاشان سونشالىقتى كٷشتٸ بولا المايمىز. جابايىلار مەن قاراپايىم حالىق ٶركەنيەتتٸ, مەدەنيەتتٸ ۇلتتارمەن سالىستىرعاندا تابيعاتقا جاقىن تۇرعاندىقتان كٶرنەكتٸ ادامداردىڭ ۇلىلىعىن دەرٸپتەيدٸ, ٶنەرٸن تٷسٸنٸپ, باعالايدى, ٶزدەرٸن قۇرمەتتەپ, تٶبەلەرٸنە كٶتەرٸپ, ارداقتايدى. مەدەنيەتتٸ ۇلتتاردىڭ اراسىندا ۇلىلاردى وسىلاي قادٸرلەۋ سيرەك كەزدەسەدٸ, كٶپ جاعدايدا, جارق ەتٸپ جانعان جارىقتى تەزٸرەك ٶشٸرۋگە اسىعادى, ٶيتكەنٸ ٶرت شىعىپ كەتەدٸ دەپ قورقادى.
تٷزۋ – شەكسٸزدٸكتٸڭ ەرەكشە بەلگٸسٸ, شەكسٸزدٸكتٸ الدىن-الا سەزەتٸن ادام ونى ٶزٸنٸڭ شىعارماشىلىعىندا ۇدايى قولدانادى. ادام بالاسىنىڭ جاراتىلىسىندا قيسىق از, تٷزۋ كٶپ. ادام عانا تٷزۋ سىزىقتى سەزە الادى. سٸزدٸڭ تٶسەگٸڭٸزدەن ەلەمنٸڭ شەكاراسىنا دەيٸن بار بولعانى ەكٸ-اق ادىم: ەركٸندٸك – سەنٸم. ەركٸندٸك دەگەنٸمٸز – قوزعالىسقا قابٸلەتتٸ بارلىق تٸرشٸلٸك يەلەرٸنە تەن فليۋيد -اعىس. ەلەم ٷش سفەراعا (ٶرٸسكە) بٶلٸنەدٸ: ينستينكت, ابستراكتسييا جەنە كٶرٸپكەلدٸك. ادامزاتتىڭ ەڭ ەلسٸز بٶلٸگٸ – ينستينكت سفەراسىندا ٶمٸر سٷرەدٸ. ينستينكتٸڭ ادامدارى تۋادى, تٸرشٸلٸك ەتەدٸ جەنە ٶلەدٸ, ولار ادامزات اقىلىنىڭ ەكٸنشٸ ساتىسى – ابستراكتسييا سفەراسىنا كٶتەرٸلمەيدٸ. ابستراكتسييا سفەراسىندا قوعام باستالادى. ينستينكتپەن سالىستىرعاندا ابستراكتسييا قول جەتپەستەي كٷشتٸ بولىپ كٶرٸنگەنٸمەن, كٶرٸپكەلدٸكپەن سالىستىرعاندا ول شەكسٸز ەلسٸز بولىپ قالادى; كٶرٸپكەلدٸكتٸڭ كٶمەگٸمەن عانا قۇدايدىڭ قۇدٸرەتٸن تٷسٸنۋگە بولادى. ابستراكتسييادان زاڭدار, ٶنەر, ٸستەرگە قىزىعۋشىلىق, ەلەۋمەتتٸك يدەيالار تۋىندايدى. ەلەمنٸڭ داڭقىن شىعاراتىن دا, قايىرشىلىق كٷيگە تٷسٸرەتٸن دە – ابستراكتسييا. داڭقىن شىعاراتىن سەبەبٸ: ول قوعامدى جاسادى, كەدەيلٸككە ۇشىراتاتىن سەبەبٸ: ول ادامدى شەكسٸزدٸككە الىپ باراتىن جولداردىڭ بٸرٸ – كٶرٸپكەلدٸك سفەراسىنا ٶتۋ قاجەتتٸلٸگٸنەن بوساتادى. ادام بارلىعىن – جاقسىلىقتى, زالىمدىقتى, قايىرىمدىلىقتى, قىلمىستى ٶزٸنٸڭ ابستراكتسيياسىمەن ۇعىنىپ, ساراپتايدى. ول بارلىعىن ٶزٸنٸڭ قۇقىعىنىڭ فورمۋلالارىنىڭ تارازىسىنا سالىپ ٶلشەيدٸ, ونىڭ ٶلشەۋٸ بەرٸبٸردەي دۇرىس بولمايدى. قۇدايدىڭ ەدٸلەتتٸلٸگٸ عانا كٶرەگەن. كٶرٸپكەلدٸكتٸڭ نەگٸزٸ ماتەريالدىق ەلەمدەگٸ زاتتاردى دا, رۋحاني ەلەمدەگٸ نەرسەلەردٸ دە ەرتٷرلٸلٸگٸمەن قوسا سوڭىندا قالاي بولاتىنىن دا كٶرە الاتىندىعىندا جاتىر. ادامزاتتىڭ ەڭ كەرەمەت دانىشپاندارى – ولار ابستراكتسييانىڭ قاراڭعى سفەراسىنان قۇتىلىپ شىعىپ, كٶرٸپكەلدٸكتٸڭ جارىعىنا ۇمتىلعاندار. ابستراكتسييا مەن ينستينكتتٸڭ ارالىعىندا سيياقتى, كٶرٸپكەلدٸك پەن ابستراكتسييانىڭ ارالىعىندا دا ەرەكشە جاراتىلىستار بولادى, ەكٸ پاتشالىقتىڭ ەرتٷرلٸ قاسيەتتەرٸنٸڭ بٸر-بٸرٸنە قۇيىلۋىنان ارالاس تٸرشٸلٸك يەلەرٸ دٷنيەگە كەلەدٸ: ولار – دانىشپان ادامدار. كٶرٸپكەلدٸك ينتۋيتسييانى تۋدىرادى. كٶرٸپكەل كٶرٸنەتٸن ەلەمدٸ سىرتقى ەلەمدەرمەن بايلانىستىرۋ ورتالىعى بولىپ تابىلادى: ول كٶرەدٸ جەنە ٶزٸنٸڭ ٸشكٸ ورگاندارىمەن سەزەدٸ. ابستراكتيۆتٸ ادام ويلايدى, ينستينكتيۆتٸ ادام ەرەكەت ەتەدٸ. وسىدان ادامزات ٷشٸن قاجەتتٸ ٷش باسپالداق ايقىندالادى: ينستينكتيۆتٸ ورتا دەڭگەيدەن تٶمەن, ابستراكتيۆتٸ ورتا دەڭگەيدە, كٶرٸپكەل جوعارعى دەڭگەيدە. كٶرٸپكەلدٸك ادامنىڭ تۋرا جولىن اشادى, ودان شەكسٸزدٸك ويانا باستايدى, جەنە سول جەردە ول ٶزٸنٸڭ تاعدىرىن ايقىندايدى. ٷش ەلەم بار: تابيعي, رۋحاني, قۇدايشىل. ادامزات ٶزٸنٸڭ كٷن كٶرٸسٸندە دە, كٶرٸنٸپ-بٸلٸنۋٸندە دە تۇراقتى بولىپ قالمايتىن تابيعي ەلەمنەن ٶتەدٸ. رۋحاني ەلەمنٸڭ تٸرشٸلٸك ەتۋٸ تۇراقتى بولعانىمەن, كٶرٸنٸپ-بٸلٸنۋٸ قوزعالىسقا نەگٸزدەلگەن. قۇدايلىق ەلەم ٶمٸر سٷرۋدە دە, ٶزٸن كٶرسەۋدە دە مىزعىمايتىن بەرٸك قاسيەتكە يە. عيبادات ەتۋدٸڭ ٷش تٷرٸ بار: ماتەريالدىق, رۋحاني, قۇدايشىل. وعان ٸس-ەرەكەتپەن, سٶزبەن, دۇعامەن بٸلدٸرٸلەتٸن, باسقاشا ايتقاندا, فاكت, تٷسٸنۋ جەنە ماحاببات دەپ اتالاتىن ٷش فورما سەيكەس كەلەدٸ. فاكتٸلەر ەشتەڭەگە جارامايدى, بٸزدەن كەيٸن يدەيالار عانا قالادى. ينستينكتيۆتٸ ادام فاكت ٸزدەيدٸ, ابستراكتيۆتٸ ادام يدەيامەن اينالىسادى, كٶرٸپكەل ماقساتتىڭ سوڭىن كٶرەدٸ: ول بار ىنتا-ىقىلاسىمەن قۇدايعا ۇمتىلادى, ول ونى الدىن-الا سەزٸنەدٸ نەمەسە پايىمدايدى.
جەر بەتٸندەگٸنٸڭ بارلىعى قوزعالىس پەن ساندارعا نەگٸزدەلگەن. قوزعالىس – بەلگٸلٸ بٸر مٶلشەردە ەرەكەت ەتەتٸن – سان. قوزعالىس – ەدٸس-امال, سان – نەتيجە. قوزعالىس بارلىق جاعدايدا جەمٸستٸ بولادى, ول ەرقاشان سانداردى تۋدىرادى. ساندار بٷتٸن مەن بٶلشەكتەردٸ بايلانىستىراتىن گارمونييا تٷزەدٸ. قوزعالىس بولماسا, بارلىعى بٸر بٷتٸن بولىپ قالار ەدٸ. سٶزدٸ تانىپ-بٸلۋدٸ ٷيرەتەتٸن جالعىز سانالى كۋەگەر – ول سان. جٷرەگٸن جۋماعان, جانى مەن تەنٸن تازالاماعان ادام اتتاپ ٶتە المايتىن سان بار. ول سان ٶنەر تۋىندىلارىن تۋدىرۋمەن اياقتالادى. رۋحاني ەلەم ٷشٸن ەڭ ماڭىزدى ساندار – ٷش جەنە جەتٸ ساندارى. ەكٸ سانى كٶبەيۋدٸڭ نەگٸزٸ. ٷش سانى شەڭبەردٸڭ ماتەريالدىق بەلگٸسٸ سيياقتى, تۋدىرۋدىڭ رۋحاني بەلگٸسٸ. قۇداي وسىنىڭ بارلىعىنان جوعارى, ول – بٸر.
ەربٸر ادامنىڭ قولىندا جاستىق شاعىندا ٶزٸنٸڭ بولاشاعىن ٶلشەيتٸن تسيركۋلٸ بولادى, ەگەر ونىڭ ەرٸك-جٸگەرٸنٸڭ مىقتىلىعى مەن قولىنداعى تسيركۋلٸنٸڭ بارىنشا باتىل, شامادان تىس كەڭ اشىلۋى سەيكەس كەلسە, ول ادام ەلەمنٸڭ قوجاسىنا اينالادى.
جاقسى كٸتاپ جازۋ ٷشٸن قالامنىڭ ەربٸر سەرپٸلٸسٸمەن, قالامۇشتىڭ ەربٸر سٸلكٸنٸسٸمەن جٷرەكتٸڭ قۋاتىن, كٷشٸن, نەزٸكتٸگٸن تەرەڭنەن تارتىپ شىعارىپ, ولاردى قۇشتارلىققا, سەزٸمگە, سٶزگە اينالدىرۋعا تۋرا كەلەدٸ.
پروزادا بٸز قاتتى جەردە قالامىز, ال پوەزييادا ٶلشەۋگە كەلمەيتٸن بيٸكتەرگە كٶتەرٸلۋگە تيٸسپٸز.
مەنٸڭ قاشىپ قۇتىلا المايتىن قييالدارىم مەنٸ اسپانعا جيٸ كٶتەرٸپ الىپ كەتەدٸ جەنە كەنەتتەن وراسان زور بيٸكتەن جەرگە تاستاپ جٸبەرەدٸ.
سورىما قاراي, مەن پەرٸشتەلەر ايتقان حوردى ەستٸدٸم جەنە بارلىق ادامدار وسى حوردى ەستٸپ, تٷسٸنە الادى دەپ ويلادىم. مۇنداي جاعدايلار كٶبٸنەسە ەيەلدەردٸڭ باسىندا بولادى: ولاردىڭ ماحابباتى اسپانعا دەگەن ماحابباتقا اۋىسقاندا ەركەكتەر ونداي ەيەلدەردٸ تٷسٸنە المايدى.
بۇلتتار اسپاندا قاپتاپ تۇرعانىمەن, اسپاننىڭ كٸرشٸكسٸز تازالىعىنا ەشبٸر داق تٷسٸرە المايدى.
ٶزٸڭە-ٶزٸڭ كٶمەكتەس, سوندا اسپان ساعان كٶمەكتەسەدٸ.
كٶزدٸڭ جاۋىن الىپ, جالتىلداعان اسىل تاستاردى تاققاننان گٶرٸ مٶلدٸر سەزٸمدەردەن تۇراتىن كٶزگە كٶرٸنبەيتٸن مونشاق تاققان جاقسى. كٸرشٸكسٸز تازالىقتان جاسالعان سەزٸمدەردەن ەشەكەي تاققاندا عانا مەن بارلىق ادامداردىڭ كٶزٸنە تۋرا قاراي الامىن.
ماعان جالعىز سٷيەنٸش بولا الاتىن نەرسە – مەنٸڭ مٸنسٸز تەرتٸبٸم عانا.
العاشقى ماحاببات – ول ەكٸنشٸ بالالىق شاق, بٸزدٸڭ جۇمىس پەن ەڭبەككە تولى تٸرشٸلٸگٸمٸزگە ەرقاشان جارىق سەۋلە شاشىپ, نۇر سەبەلەپ تۇراتىن.
جاستىق شاعىمداعى مۇڭدانعان سەتتەرٸم جاسىم ٸلگەرٸلەگەن سايىن مۇڭداناتىن كەزدەرٸمنٸڭ حابارشىسى بولدى.
شٶل دالادا اجىراسىپ, وپەرادا كەزدەستٸك.
ەيەلدٸڭ دەۆيزٸ – «ەسٸڭدە مە?» دەگەن سٶز.
تەڭٸزشٸ اشىق تەڭٸزدٸ قالاي بٸلسە, شىن سٷيگەن ەيەل سٷيٸكتٸسٸنٸڭ بەتٸندەگٸ ٶزگەرٸستٸ سولاي بٸلەدٸ.
يتالييانىڭ ۇلى اقىنى اليگەرە دانتە العاش كٶرگەندە بەاتريچە پورتيناري بار بولعانى ون ەكٸ جاستاعى كٸشكەنتاي قىز بولعان. قالعان ٶمٸرٸندە دانتە ول قىزدى ەشقاشان كەزدەستٸرمەگەن. وندا بەاتريچە بەاتريچە بولار ما ەدٸ? بەاتريچەنٸڭ وبرازى اقىننىڭ جٷرەگٸندە مەڭگٸ قالىپ قويدى.
رافاەلدٸڭ ٷلگٸسٸن, اريوستو جاساعان اندجەليكانىڭ, دانتە جاساعان بەاتريچەنٸڭ بەينەسٸن بٸز بٸلە الامىز با? جوق! بٸزگە ول ەيەلدەردٸڭ سۋرەتكەرلەر جاساعان بەينەسٸ عانا جەتكەن.
ماحاببات تالانت سيياقتى, ەركٸمگە بەرٸلە بەرمەيدٸ جەنە وعان دا قابٸلەتتٸلٸك, سەزٸم, ينتۋيتسييا قاجەت.
ماحاببات – جاننىڭ سىيلىعى. ٶزارا سٷيٸسپەنشٸلٸككە ەشقانداي ٷمٸت بولماعان جاعدايدا دا ماحاببات – باقىت.
ٶنەگەلٸ ادامدار ٷشٸن ماحاببات – جەر ٷشٸن كٷن سيياقتى.
اقىن كٶزٸمەن كٶرگەندەرٸن كٶڭٸلٸندە تٸرٸ بەينەگە اينالدىرۋ ٷشٸن سەزٸمگە بەرٸلەدٸ, باسقالار بٸر مەزگٸلدە كٶرٸپ, سەزٸپ, تالقىلاپ تاستاعاندى ول الدىمەن سەزٸم ەلەگٸنەن ٶتكٸزٸپ, ەڭ سوڭىنان تالقىلايدى.
اقىن دٷنيەنٸ تەرٸس جاعىنان, قاز-قالپىندا كٶرە الادى.
سۋعا لاقتىرىلعان تاس سۋدىڭ بەتٸندە دە, سۋدىڭ تٷبٸندە دە تولقىن تۋعىزاتىنى سيياقتى كەز-كەلگەن ۇساق-تٷيەك نەرسە اقىن جانىن جارالايدى.
اقىن جٷرەگٸنٸڭ كٷشٸ مەن ەلسٸزدٸگٸ تەڭ بولادى.
مەنٸڭ ارقامدا باسقا ەلەمنەن كەلگەن كٷشتٸ بٸرەۋ تۇرادى.
ارقاننىڭ بويىمەن جٷرەتٸن ارتيست پەن اقىننىڭ ەڭبەگٸن بٸردەي قيىن دەپ باعالاپ, ول ەكەۋٸنە قۇنى بٸردەي اقشا تٶلەۋگە بولمايدى.
اقىننىڭ قولىندا سيقىرلى تاياعى بولادى, ونىڭ ۇشى تيگەن جەردٸڭ بەرٸ اقىن ٷشٸن كەرەمەتكە, عاجايىپقا اينالادى.
ارماندارىنىڭ ٸسكە اسىرىلعانىن الدىن-الا كٶرەتٸن ادام اقىن ەمەي كٸم?
جاننىڭ قاتتى جابىرقاۋىنىڭ سالدارىنان ادامنىڭ باۋىرى اۋىرادى.
جٷرەگٸ ٶتە سەزٸمتال ادامداردىڭ اسقازانى اۋىرادى.
كٶزگە كٶرٸنبەيتٸن ٶمٸر بولادى, ول – جٷرەكتٸڭ ٶمٸرٸ. جٷرەكتٸڭ ٶمٸرٸمەن ٶمٸر سٷرەتٸن ادامدار ٶتە قاراپايىم, ەرەكشە مەيٸرٸمدٸ بولادى.
جٷرەكتٸڭ ادامىنىڭ سەنٸمٸ مىقتى بولادى.
جٷرەك قانا ەشقاشان قارتايمايدى.
ەركٸمنٸڭ ٶز تاعدىرى بار. ەڭ بيٸك ٶسكەن اعاشتارعا تىڭايتقىش پەن سۋ جەتٸسپەگەندٸكتەن, ولار ەرتە ٶلەدٸ. جٷرەگٸ ٷلكەن ادامدار دا جارىق پەن جىلۋ جەتٸسپەگەندٸكتەن ٶمٸردەن ەرتە قايتادى.
بٸرٸنە-بٸرٸ دەلمە-دەل, سەيكەس كەلٸپ, سونداي تاماشا بٸرٸگٸپ, تۇتاسىپ, بٸرگە سوعاتىن ەكٸ جٷرەكتٸ قايدان كەزدەتٸرۋگە بولادى? تٸپتٸ ولار بٸرٸن-بٸرٸ ٸزدەپ تاپقان كٷندە تابيعات نەمەسە كەزدەيسوقتىق ولاردى اجىراتىپ, ەشقاشان بٸرٸگە المايتىن ەتٸپ, بٸرەۋٸن باتىسقا, بٸرەۋٸن شىعىسقا لاقتىرىپ تاستايدى, ولار بٸرٸن-بٸرٸ تىم كەش تانىپ-بٸلەدٸ نەمەسە ولاردى اجال ەرتە ايىرادى. تابيعات جانداردىڭ وداقتاسۋىن ەسەپكە المايدى, ونىڭ ماقساتى – ۇرپاق جالعاستىرۋ.
كەيبٸر ادامدار ٷشٸن جان ازىعى تەن ازىعىنان كٶرٸ ماڭىزدىراق. باسقاشا جاعدايدا, ەركەك پەن ەيەلدٸڭ مٸنەزدەرٸندە ۇقساستىق بولعانىمەن, ەكەۋٸنٸڭ جان قالاۋلارى ەكٸ بٶلەك بولۋى مٷمكٸن.
سەزٸمتال, ەسەرلەنگٸش اقىندار بولادى جەنە ويىنداعى سٶزدەردٸ ەدەمٸلەپ ايتىپ, جەتكٸزە الاتىن اقىندار بولادى. العاشقىلارى ەلدەقايدا باقىتتىراق.
پوەزييا – اقىننىڭ ٶزٸ.
سٶز ٶنەرٸ بەرٸلگەن ادامدار تىڭداۋشىسىن اڭسايدى, ۇزاق سٶيلەۋدٸ ۇناتاتىن ولار تىڭداۋشىسىنا كەزدەسپەگەندە قاجىپ, شارشاعان ادامعا ۇقسايدى.
سۋرەتكەردٸڭ جانى ٶزٸنە ۇقساس جاندى ٸزدەيدٸ. ٶز بويىنداعى جينالىپ قالعان تۆورچەستۆولىق كٷش-قۋاتتى ٶزٸ سيياقتى جانعا حابارلاۋ ٷشٸن. ادامداردىڭ بٸر-بٸرٸنە ٷيٸر بولۋىن باسقاراتىن بۇل زاڭنىڭ نەگٸزٸندە «قاسقىرلارمەن تۇرساڭ, قاسقىرشا ٶمٸر سٷر. بالىقشى بالىقشىنى الىستان تانيدى» دەگەن حالىق مەتەلدەرٸ جاتىر.
ٶنەر تابالدىرىعىن جاڭادان اتتاعان, اقشاسىز, قولداۋشىسى دا, قورعاۋشىسى دا بولماعان دارىندى ادام ٶمٸر جولىندا مىقتى شەبەرمەن, ۇلى سۋرەتكەرمەن كەزدەسكەندە جٷرەگٸ اتتاي تۋلاپ, دٸرٸلدەپ, قالتىراپ, قالشىلداماسا, ٶمٸر بويى جانىندا بٸر شەك, بٸر بوياۋ, تۆورچەستۆوسىندا بٸر سەزٸم, ۇستاتپايتىن بٸر پوەتيكالىق رەڭ جەتٸسپەي تۇرادى.
ماحابباتتىڭ گٷلدەرٸ سولادى, جالعان دٷنيەدە بارلىعى ۋاقىتشا: قازٸر بار نەرسە قازٸر جوق, ٶنەردٸڭ جەمٸستەرٸ عانا اجالسىز, ٶنەر – مەڭگٸلٸك.
سىرتقى جاعدايلاردىڭ, ماحابباتتىڭ, قارسىلاستارىنىڭ, جەككٶرۋشٸلٸكتٸڭ جەنە ٶزٸنٸڭ اتاق-داڭقىن شىعارۋعا دەگەن ىنتىزارلىعىنىڭ ەسەرٸنەن تۇتانعان وتتىڭ جالىنىنا سۋرەتكەر ٶزٸ عانا جانادى.
ٷلكەن اقىل يەلەرٸنٸڭ باقىتسىزدىعىنىڭ بٸرٸ – ولار اينالاسىنداعىلارعا نە بەرٸ جاقسى, كەرەمەت, عاجايىپ دەپ قارايدى; نە تٷككە تۇرعىسىز, ەسەپكە العىسىز, كەمشٸلٸك-ولقىلىققا تولى, بەرٸ جامان دەپ تٷسٸنەدٸ, جاقسى مەن جاماننىڭ ورتاسىنداعى دٷنيەلەر ولاردىڭ نازارىنا ٸلٸنبەيدٸ.
شىنايى تالانتتار: ەڭبەك پەن ادالدىقتىڭ ادامدارى, ولار ٶز جولدارىندا ەشتەڭەدەن قورىقپاي, سەسكەنبەي, ەركٸن جٷرەدٸ, جوقشىلىققا, جەتٸسپەۋشٸلٸككە كٶنەدٸ جەنە ونى جاساندىلىقپەن جۇرت كٶزٸنەن جاسىرمايدى.
ٸزٸنە تٷسٸپ, اڭدىپ, كٶزٸن قۇرتىپ, جويىپ, قورلاپ, نامىسىنا تيٸپ, تالانتتى ادامداردى دەر كەزٸندە تانىماي, مويىنداماي قويۋدىڭ ورنىنا انگلييا اريستوكراتتارى تالانتتاردى ٸزدەستٸرٸپ, سۇراستىرىپ, قادٸرلەپ, قۇرمەتتەپ, ناگرادتاپ جەنە ٷنەمٸ ولارعا لايىقتى جۇمىس تاۋىپ بەرەدٸ.
ۇلى ادامدار تاماقتى ەرقاشان تارتا ٸشەتٸن بولعان.
ماعان اسا ماڭىزدى مەسەلەلەردٸ شەشۋگە رۇقسات ەتٸلمەگەن, ٶيتكەنٸ, مەن مەملەكەت باسىندا وتىرعان ادام ەمەسپٸن.
ەدەبيەتتە جيٸ قولدانىلىپ جٷرگەن كٶپ نٷكتە –تايعاناق جەرلەردە وقىرماننىڭ قييالىن ٶتە قاۋٸپتٸ تەرەڭ, تۇڭعيىقتان سىرعىتىپ الىپ ٶتەتٸن تاقتايدىڭ رولٸن اتقارادى. سۇراق بەلگٸسٸ – عىلىمدى اشۋ ٷشٸن قولدانىلاتىن كٸلت بولىپ سانالادى.
ەگەر جٷزٸم ساباعىن تامىرىمەن بٸرگە جۇلىپ تاستاسا, بٸرنەشە جىلدان كەيٸن ورنىنا قايتادان ٶسكٸندەرٸ ٶسٸپ شىعادى.
تۇراقتىلىق – ماحابباتتاعى كەمەڭگەرلٸك, اقىننىڭ ٸشكٸ كٷشٸنٸڭ مىقتىلىعىنىڭ بەلگٸسٸ.
انا جٷرەگٸ عانا شەكسٸز ماحابباتقا تولى جەنە ەرقاشان كەشٸرۋگە دايىن.
ۇلتتىڭ بولاشاعى – انالاردىڭ قولىندا.
ماحاببات –جالعان اقشا جاساۋشى, ٷنەمٸ مىستى التىنعا اينالدىرىپ وتىرىپ, كەيدە التىندى مىسقا اينالدىرادى.
تٸستٸ جۇلىپ تاستاعان سيياقتى ماحابباتتى جٷرەكتەن جۇلىپ تاستاۋعا بولمايدى.
سٷيۋ باقىت, سٷيٸكتٸ بولۋ – جاي عانا نەرسە.
ادامعا تيەسٸلٸ جەنە قۇدايعا لايىقتى ماحاببات بولادى, بۇل ەكەۋٸن قاتار الىپ جٷرە الاتىندار بولادى, بٸراق بۇل كٶپ ادامداردىڭ قولىنان كەلمەيدٸ.
بٸز باقىتتى قالاي سەزٸنٸپ, قابىلداساق, باقىت دەگەن سول.
قاتال تاعدىر – جۇبايلىق مٸندەت پەن ماحابباتتىڭ ورتاسىندا قالعان ەيەل تاعدىرى.
ەيەل كەيدە ٶمٸردەگٸ ماڭىزدى وقيعالاردى ۇمىتىپ قالادى, ونىڭ ەسەسٸنە سەزٸم ەلەمٸنە قاتىستى وقيعالار ونىڭ ەسٸندە مەڭگٸ ساقتالادى.
ەيەل كەيدە كەلەڭسٸز قىلىقتارعا بارادى, بٸراق ونىڭ جانىندا ەركەك ەشقاشان تٷسٸنبەيتٸن جەنە باعالامايتىن ۇلىلىق ساقتالعان.
قۇشتارلىق سەزٸمدەر ەيەلدٸڭ جٷيكە جٷيەسٸن شەكسٸز شاتتىق سەزٸمگە بٶلەيدٸ, نە بولاتىنىن الدىن-الا سەزٸپ-بٸلۋ مەن كٶرٸپكەلدٸكتٸڭ ٶزارا تەڭەلۋٸ سيياقتى.
ەيەلدٸڭ ٶمٸرٸ ٷنەمٸ قۇرباندىقتا بولعاندا عانا ەركەكپەن تەڭەسە الادى.
ەيەل جٷرەگٸنٸڭ ٶز كەرەمەتتەرٸ بولادى.
كٶپ ەيەلدەردە اقىلعا باراتىن جول جٷرەك ارقىلى ٶتەدٸ.
ول ليتارگييالىق ۇيقىدان ويانعانداي بولدى. ول باقىتقا ۇقسايتىن بٸرنەرسەنٸ باسىنان كەشكەندەي بولدى. سول ۋاقىتتا «سٷيۋ مەڭگٸلٸك» دەپ ويلادى ول.
ەيەلدٸڭ ەستە ساقتاۋ قابٸلەتٸ ەكٸ تٷرلٸ: پەرٸشتەلٸك جەنە ەزەزٸلدٸك.
بارلىق ەيەلدەر ماحابباتتىڭ مەڭگٸ ٶمٸر سٷرۋٸن قالايدى.
ەيەلدەر عانا ەشقاشان ەشنەرسەگە ريزا ەمەس.
ەيەل سۇلۋلىعى – دٷنيەدەگٸ ەڭ ٷلكەن بايلىق.
ەيەل سۇلۋلىعى – قول جەتپەس قازىنا.
ساقال-مۇرت ەر ادامداردا كەشٸگٸپ شىقسا, ول ادامدار ۇزاق جاسايدى.
جۇمىر مىقىندى ەيەلدەر ٶكتەم, بيلەپ-تٶستەۋشٸ, ٶز دەگەنٸن ٸستەيتٸن بٸربەتكەي مٸنەزدەرٸمەن ەرەكشەلٸنەدٸ, ولاردا نەزٸكتٸكتەن گٶرٸ قۇمارلىق سەزٸمدەر باسىم. كەرٸسٸنشە, جالپاق مىقىندى ەيەلدەر جارىنا ادال بەرٸلگەن, سەرگەك, سەزٸمتال, مەلونحوليياعا بەيٸمدٸ, بٸرٸنشٸلەرگە قاراعاندا ولاردا ەيەلگە تەن نەزٸكتٸك جاقسى دامىعان. جالپاق مىقىن يٸلگٸش, يكەمدٸ, كٶنبٸس, كٶنگٸش, جۇمىر مىقىن قايتپاس, قاجىماس, جٸگەرلٸ جەنە قىزعانشاق تەمپەرامەنتكە يە.
قىزعانىش- -كٷمان, قورقىنىش – جاننىڭ جۇتاڭدىعى.
تومپاق بۇعاقتى ەيەلدەر ماحابباتتا تالاپ قويعىش بولادى.
سۋرەتكەرلەر عانا ەيەلدٸڭ قويعان تالابىن ورىنداپ, كٶڭٸلٸنەن شىعا الادى, شىنايى راحاتقا بٶلەيدٸ, ٶيتكەنٸ, ولاردىڭ جان دٷنيەسٸندە ەيەلگە ۇقساس بٸرنەرسە بار.
سٶيلەۋگە دە, ٷندەمەۋگە دە ٷيرەنگەن ەيەل ەشنەرسەگە رەنجٸمەيدٸ جەنە ەشكٸممەن تالاسپايدى. ول تٶڭٸرەگٸندەگٸلەردٸڭ بارلىعىن قۇدايدىڭ جاراتقان قالپىندا قابىلدايدى. ونى ەشنەرسە تاڭعالدىرمايدى. ٶيتكەنٸ, ول بولاشاقتا نە بولاتىنىن الدىن-الا سەزٸپ, بٸلٸپ تۇرادى.
ەيەلدٸڭ پوەزيياسى – ونىڭ امان-ساۋ جٷرگەن كەزٸندە.
ەيەل – ول كٸم ويناي السا, سوعان عانا ٶز قۇپييالارىن سىيلايتىن مۋزىكالىق اسپاپ (ليرا).
ەيەل – تٷسٸنۋٸ قيىن جاراتىلىس.
ەيەلدٸڭ ساۋساعىنداعى التىن ساقينا – نەكە تازالىعىنىڭ سيمۆولى, ول اۋىر شىنجىردى ەشقانداي كٷش ٷزە المايدى.
ەيەلدٸڭ ەركەلەگەنٸ ەردايىم مۋزانى ٷركٸتەدٸ جەنە تىنباي ەڭبەك ەتۋگە دەگەن قاتال ەركٸندٸكتٸ ەلسٸرەتەدٸ.
ەدەپتٸ ەيەل ەكٸ ويلى سٶزدەردٸ ەستٸمەيدٸ.
ەيەلگە كٶپ سٶيلەۋدٸڭ قاجەتٸ جوق, ونىڭ شەشەندٸگٸ – داۋىس ىرعاعىندا, قيمىل-قوزعالىسىندا, جٷرٸس-تۇرىسىندا جەنە كٶزقاراسىندا.
ەيەل جەنە تازا قاعاز, ول ەكەۋٸ بەرٸنە شىدايدى.
ەيەلدەر مەن قارت ادامداردىڭ قايعىسىنداي جانتٷرشٸكتٸرەرلٸك كٶرٸنٸس جوق.
ەر ەيەلدٸڭ ستولىندا «القاپتاعى ليلييا گٷلٸ» تۇرماسا, وندا مەن جازۋشى ەمەسپٸن.
باسىنا قيىنشىلىق ٸس تٷسكەن پاريجدٸك ەيەلگە جيىرما تٶرت ساعات ۋاقىت بەرسەڭٸز, ول كەز كەلگەن مينيسترلٸكتٸ قۇلاتىپ تاستايدى.
ادامدى جاقسى تانۋ ٷشٸن ونىمەن بٸرگە بٸر پۇت تۇزدى جەۋ كەرەك.
سٸز ٶزٸڭٸزدٸ جاقسى كٶرەدٸ دەپ ويلاعان ادامىڭىز سٸزدٸ جەك كٶرەدٸ. بۇل جەككٶرۋشٸلٸكتٸڭ قايدان پايدا بولعانىن تٷسٸنە الماي, جانىڭىز قينالادى. ال ول تەك ٶزٸن عانا جاقسى كٶرەدٸ جەنە ەشكٸمگە سەنبەيدٸ. سٸزدٸڭ ٶزٸن قۇدايداي كٶرٸپ, ٶلٸپ-ٶشٸپ سٷيەتٸنٸڭٸزگە كٶزٸ جەتكەن سوڭ سٸزدٸڭ ەسەرلەنگەنٸڭٸزگە ريزا بولعان كەيٸپتە سٸزگە ٶزٸن-ٶزٸ ۇمىتارداي دەرەجەدە قۋانا قاراپ تۇرادى جەنە سول سەتتە «ماكاروندى تويعانشا جەپ العانىم قانداي جاقسى بولدى» دەپ ويلاپ تۇرادى.
ەركەكتەر ەرتٷرلٸ سەبەپتەرمەن مەيٸرٸمدٸ بولا الادى: بٸرەۋدٸ كەمسٸتٸپ, ەلەمەي, مەنسٸنبەۋدٸڭ, بٸرەۋگە قىزىعىپ, ەلٸگٸپ, ەسەرلەنۋدٸڭ كٷشتٸلٸگٸنەن, ٸشكٸ ەسەبٸ بويىنشا جەنە مٸنەزدەرٸندەگٸ ەلسٸزدٸكتەن.
شىنايى قۇشتارلىق بار جەردە ينستينكت قاتەلەسپەيدٸ.
وسى ٶمٸردە باقىتسىزدىق قانا تولىعىمەن ورىندالادى.
مەنٸڭ كٷنەمدٸ جەڭٸلدەتۋدٸڭ بٸر عانا جولى بار, ول – مەڭگٸ كٷنەلٸ بولىپ قالۋ.
كٶرنەكتٸ ادامدار جارتاسقا ۇقسايدى, ال ول جارتاسقا جابىسىپ تۇرۋ قابٸلەتٸ ۇلۋعا عانا بەرٸلگەن.
اقىماقتى باسقارعاننان كٶرٸ تالانتتى ادامعا بوي ۇسىنىپ, باعىنعان ارتىق.
قايىرىمدىلىقتار ٶز-ٶزٸنەن جاسالمايدى, بارلىعى جاعدايعا تەۋەلدٸ.
كەز كەلگەن جەردە كەك الۋ جايلى ەڭگٸمە قوزعاۋعا بولادى.
باقىتتى بولۋ ەركٸمنٸڭ قولىنان كەلەدٸ, بٸراق مىنا ٶمٸردە باسقا ادامنىڭ كٶمەگٸنسٸز ٶسٸپ, ٶركەندەۋ مٷمكٸن ەمەس.
شەكسٸز سەنٸم – ۇلى ادامداردىڭ جان دٷنيەسٸنٸڭ ەرەكشەلٸگٸ.
قانشاما وتباسىنىڭ ٶز انريەتتاسى بار.
قانشاما جاقسى ادامدار ٶزدەرٸنٸڭ ٶمٸر جولىندا جٷرەگٸنٸڭ تەرەڭدەگٸ سىرلارىن تٷسٸنە الاتىن, قادٸرٸنە جەتٸپ, سٷرٸنگەندە قولتىعىنان سٷيەيتٸن باقىلاۋشىسىن كەزدەستٸرە الماي, دٷنيەدەن ٶتٸپ كەتەدٸ. امال نە, ادام ٶمٸرٸ سولاي جاراتىلعان, كٶپ جاعدايدا انا بالالارىن تٷسٸنبەيدٸ, بالالار اتا-انالارىن تٷسٸنبەيدٸ, مۇنداي جاعدايلار ەرلٸ-زايىپتىلار مەن تۋىس ادامداردىڭ باسىندا دا جيٸ ۇشىراسادى.
ادام بالاسى سونشالىقتى جاقسى كٶرۋگە لايىقتى ەمەس, ناپالەون ولاردى شىبىن قۇرلى كٶرگەن جوق.
سورعىش كەمپيتتەردٸ دايىنداۋ ٷشٸن قولدانىلاتىن قۇلپىناي ٶڭدەۋدەن ٶتكٸزٸلگەننەن كەيٸن باستاپقى تابيعي قالپىنان ايرىلىپ, كەمپيت دەگەن اتقا يە بولادى. ادامداردىڭ باسىندا دا وسىنداي جاعدايلار بولۋى مٷمكٸن.
ەگەر سەنٸڭ بويىڭداعى قايسارلىق پەن تاباندىلىق تەمٸردەي مىقتى بولعاندا, ەگەر سەندەگٸ اقىندىق قۋات-كٷش سونشالىقتى كەش ويانباعاندا, وندا سەن ادامدارعا اياقتىڭ استىنداعى كٸلەمگە قاراعانداي قارار ەدٸڭ.
دانىشپان ادامدار ەرقاشان جۇرتتىڭ بەرٸنٸڭ قولىنان كەلەتٸن سيياقتى بولىپ كٶرٸنەتٸن قاراپايىم شەشٸم تاۋىپ الا قويادى. الايدا, دانىشپان ادامنىڭ باسقالاردان ەرەكشەلٸگٸ – ول بارلىق ادامداردىڭ جاي-كٷيٸن, جان سىرىن تٷسٸنەدٸ, بٸراق, ونىڭ ٶزٸن ەشكٸم تٷسٸنبەيدٸ.
بالا كەزٸمنەن كٶپ دوس ەمەس, بٸر عانا جاقسى دوسىم بولسا دەپ ارمانداۋشى ەدٸم.
باقىتسىزدار عانا بٸرٸن-بٸرٸ تٷسٸنەدٸ, ەرٸ قولدايدى.
كٶڭٸل-كٷيٸمنٸڭ جيٸ ٶزگەرٸپ تۇرۋىنا قاراي مەن بٸردە باقىتتىمىن, بٸردە باقىتسىزبىن.
ەرتە مە, كەش پە, سٸزدٸڭ جٷرەگٸڭٸزگە تابيعاتتىڭ مەڭگٸلٸك ەكەنٸن مويىنداتاتىن تاڭعاجايىپ جەنە جان كٷيزەلتەرلٸك سەزٸمدەر ۇيالايدى, سول ۋاقىتتان باستاپ سٸز ٶزٸڭٸزدٸڭ ويلارىڭىزدى قۇدايعا قۇلشىلىق ەتۋگە بۇراسىز, جاراتۋشىنى جان-جٷرەگٸڭٸزبەن سەزٸنەتٸن بولاسىز.
ۇياتىڭىز بەن ٸشكٸ داۋىسىڭىز جالعان جاعىمپازدىق پەن شىنايى سىپايىلىقتىڭ اراسىنداعى شەكارانى جاڭىلماي ايتىپ بەرە الادى.
بەيٸتتەر ٶلٸمدٸ, قاراۋسىز قالعان اۋىلدار ٶمٸردٸڭ قيىنشىلىعىن, ٶلٸم بٸز الدىن-الا كٶرٸپ-بٸلەتٸن باقىتسىزدىقتى ويعا تٷسٸرەدٸ, ٶمٸر قيىنشىلىقتارى تاۋسىلمايدى.
بٸزدٸڭ سەزٸمدەرٸمٸزدٸڭ بارلىعىنان ەڭ شىدامدىسى, ەڭ تٶزٸمدٸسٸ – قايعى.
بٷكٸل ۇلتپەن سالىستىرعاندا جەكە ادام اقىلدى. حالىقتىڭ جٷرەگٸ بار, كٶزٸ جوق, ولار سەزە الادى, بٸراق, كٶرە المايدى.
تابيعات قوزعالىسقا نەگٸزدەلگەن. اجال دا قوزعالىس, بٸراق, بٸز ونىڭ قانداي ماقساتپەن قوزعالاتىنىن ەشقاشان دا بٸلە المايمىز.
اجالدىڭ بەتٸنە تايسالماي تۋرا قاراپ, ونىمەن بەتپە-بەت كەلٸپ, جەكپە-جەككە شىققاندا قايران قالۋعا تۇرارلىق ەرلٸك پەن ٶنەر كٶرسەتە الاتىن رۋحى كٷشتٸ ادامدار ايتارلىقتاي كٶپ ەمەس.
دانىشپاندار عانا جىلان قابىنا ۇقسايتىن كيٸم كيە الادى, ولاردىڭ كەسكٸن-كەيپٸ ٶزگەرگەنٸمەن, جٷرەكتەرٸ قارتايمايدى, قاراپايىمدىلىعىن ساقتايدى.
بالالاردىڭ جىلاعانى – قالىپتى جاعداي, ال قارت ادامدار جىلاعاندا – بۇل سۇمدىق.
اقشا – بٸزدٸڭ بەس سەزٸمٸمٸزدٸ قاناعاتتاندىرۋ ٷشٸن قاجەت بولاتىن التىنشى سەزٸمٸمٸز.
ٶزٸنٸڭ تۋعان ۇلىنىڭ جٷرەگٸندە ەكٸنشٸ ورىن الۋدىڭ قانشالىقتى جان تٶزگٸسٸز ازاپ ەكەنٸن, كٸممەن بولسا دا ٶز بالاسىن بٶلٸسۋدٸڭ قانشالىقتى اۋىر قاسٸرەت ەكەنٸن كەز-كەلگەن انادان سۇراساڭىز, ايتىپ بەرەدٸ.
شەكتەن شىققان وتباسىلىق تراگەدييالار باسقالار ٷشٸن كٷلكٸ مەن ٶسەكتەن ٶزگە ەشتەڭە ەمەس.
ۋاقىت – قىتىمىر, ساراڭ باي.
نولگە ۇقسايتىن ادامدار بولادى, ولار ٶزدەرٸنٸڭ الدىندا ەردايىم تسيفرلار تۇرعانىن قالاپ تۇرادى.
جەككٶرۋشٸلٸك ٶمٸر سٷرۋگە كٶمەكتەسەدٸ.
كەز-كەلگەن جەر اۋدارىلعان ادام ليون توقىماشىلارىنا قاراعاندا باقىتتى.
سوقىرلار پاتشالىعىندا قيسىققا دا قۇرمەت كٶرسەتٸلەدٸ.
پرينتسيپ ٶزگەرمەيدٸ, جاعداي ٶزگەرەدٸ.
ٶزٸمشٸلدٸك – دوستىق ٷشٸن ۋ.
گەنەرالدار سولداتتارعا قالاي مۇقتاج بولسا, باسپاسٶز ارميياسىندا ەركٸم دوسقا مۇقتاج.
ليۋسەن لۋستوعا قاراپ تۇرىپ, «مٸنە ناعىز دوس» دەپ ويلادى. لۋستونىڭ ٶزٸن ەڭ قاۋٸپتٸ قارسىلاس دەپ ويلاپ, قورقا باستاعانىنا ەشبٸر نازار اۋدارماستان.
ەگەر سٸز تٷبٸ كٶرٸنبەيتٸن تۇڭعيىق تەرەڭدٸككە كٶپ ۋاقىت قارايتىن بولساڭىز, كەزەگٸ كەلگەندە تٷپسٸز تەرەڭدٸك (بەزدنا) سٸزگە ٶزٸ قارايتىن بولادى.
تاڭەرتەڭ ۇيقىدان ويانعاندا سىرتىنان قاراعاندا تٷك ەمەستەي كٶرٸنەتٸن, بٸر ايتقانىن كٷن سايىن قايتالاپ ايتا بەرۋدەن جالىقپايتىن مۇعالٸمنٸڭ سابىرلىلىعىنداي سيرەك سابىرلىق قورىن ٶز بويىڭىزدان تابۋدى ەدەتكە اينالدىرعانىڭىز جٶن.
قوعام جەڭٸمپازداردى عانا ەسٸندە ساقتايدى, جەڭٸلگەندەردٸ تەز ۇمىتىپ قالادى.
كٶپتەگەن اتاقتى ادامدار سٷيٸكتٸ بولعانىمەن قاراپايىم ادامدار سيياقتى ولار دا جٷرەدٸ, تٷشكٸرەدٸ, ۇيىقتايدى جەنە تاماق ٸشەدٸ.
تابيعات مەنٸ سٷيۋ ٷشٸن جەنە سٷيٸكتٸ بولۋ ٷشٸن نەزٸك جان يەسٸ ەتٸپ جاراتتى, الايدا, تاعدىردىڭ ەركٸنە باعىنعان مەن جٷرەك قالاۋىمدى قاناعاتتاندىرۋدىڭ ورنىنا ولاردى سۋرەتتەپ, ەڭگٸمەلەپ وتىرمىن.
نە ٸستەسەڭ دە, تٸپتٸ اقىماقتىق جاساساڭ دا, بەرٸن جاقسى ٸستەۋٸڭ كەرەك.
ادامنىڭ اقىماقتىعىنا ەم قونبايدى, اقىماقتىق – جازىلمايتىن اۋرۋ.
اقىماقتى ٷيرەتۋ – ٶلگەندٸ تٸرٸلتۋ سيياقتى مٷمكٸن ەمەس نەرسە.
و, قۇداي, ودان دا مەنٸڭ ٶمٸرگە كەلمەي-اق قويعانىم جاقسى ەدٸ. جالعىز قالعان كەزٸمدە دە, ادامداردىڭ ورتاسىندا جٷرگەن كەزٸمدە دە, مەن ٶزٸمنٸڭ سونشالىقتى باقىتسىز جان ەكەنٸمدٸ سەزٸنەمٸن.
ەربٸر گٷلدٸڭ ٶز قۇرتى بولادى. ال مەنٸكٸ كلەوپاترانىڭ قۇرتىنا, اسپيدكە ۇقسايدى.
ادامدى ٶتٸرٸك قانا قورلايدى.
ٶتٸرٸكتٸڭ ارتىندا شىندىق جاسىرىنىپ تۇرادى.
شىندىق – دەمٸ جاعىمسىز, ۋداي اششى سۋسىن, بٸراق دەنساۋلىقتى جاقسارتىپ, قالپىنا كەلتٸرەدٸ.
شىندىقتىڭ كٶمەگٸمەن تابىسقا جەتۋدٸڭ سونشالىقتى قيىن ەكەنٸن ەندٸ تٷسٸندٸم.
سوت تا كٶپ, ەدٸلەتسٸزدٸك تە كٶپ.
فرانتسۋز وقىرمانى – نەزٸك جاندى, كٶپ بٸلەتٸن وقىرمان, ونى الداۋ وڭاي ەمەس.
شىنايى ماحاببات ەرقاشان جالعىز. بٸز بٶتەن ادامدى جاقسى كٶرەمٸز دەپ ٶزٸمٸزدٸ ٶزٸمٸز الداپ, شىن مەنٸندە تەك قانا ٶزٸمٸزدٸ جاقسى كٶرەمٸز.
اقىلدىلىق پەن سۇلۋلىق بٸر ادامنىڭ بويىندا سيرەك كەزدەسەدٸ.
ەدەبيەت ايدىنىنا سەكٸرگەنشە سۋعا سەكٸرگەن جاقسى.
دالا مەن تاۋ بارلىق جەردە بار. دالا جالىقتىرادى, تاۋ شارشاتادى. تابيعاتتىڭ ەسەرٸ ادام جانىنا ەسكەرتۋ سيياقتى. بٸز مۇڭايعاندا سۋدىڭ جاعاسىنا بارعىمىز كەلەدٸ. تەز ەسەرلەنگٸشتٸگٸمٸزدٸڭ نەگٸزٸندە تاۋدا سەزٸمدەرٸمٸز تازارادى. تاۋدا البىرت, قىزبا قۇمارلىق سەزٸمدەر ازايادى, ونىڭ ەسەسٸنە تەرەڭ قۇشتارلىق سەزٸمدەر كٶبەيەدٸ.
كەز كەلگەن ۇساق-تٷيەك نەرسە تاڭداۋلى جاندار ٷشٸن اسا ماڭىزدى.
بٸزدٸڭ تالعامدارىمىز نەتكەن ەرتٷرلٸ! سٸز ٷشٸن مىنا كٸشكەنە بۇرىش – بار بولعانى بٸر بوس قۋىس, ال مەن ٷشٸن – جەر ٷستٸندەگٸ جۇماق.
باقىتسىزدىق مەنٸ كٶپ نەرسەگە ٷيرەتتٸ.
ەگەر مەن ٶمٸردٸ قايتادان باسىنان باستاپ سٷرەتٸن بولسام, تۋرا وسىنداي ٶمٸر سٷرەر ەدٸم.
بٸرەۋ ٷشٸن ٶلۋ: ول – جاي عانا قۇرباندىق. بٸر عانا ماحابباتقا دەگەن سەنٸممەن ٶمٸر سٷرۋ جەنە سول جالعىز ماحابباتقا ادال بولۋ: ول – ەرلٸك.
ەڭ ۇلى جەڭٸس – تٷسٸنٸسكەن جانداردىڭ جاقىندىعى.
جالعىزدىق – تاماشا نەرسە, بٸراق ونى سٸزگە باسقا بٸرەۋ ايتسا, تٸپتٸ تاماشا.
جانى بيٸككە كٶتەرٸلە الاتىن ادامدار جالعىزدىقتى قالايدى.
ٶزٸمنٸڭ جالعىزدىعىمدا مەن كٶز جاسىما شىلانعان ناندى جەپ وتىرمىن, الايدا, مەنٸڭ بۇل ايانىشتى تٷرٸمدٸ دە, كٶزٸمنٸڭ جاسىن دا ەشكٸم كٶرمەيدٸ.
سەنگٸش, دٶرەكٸ, جىلاۋىق بولماڭىز, سۋ استىنداعى وسى ٷش تاستان قاشىق جٷرٸڭٸز! ٶتە قاتتى سەنگٸشتٸك قادٸرٸڭٸزدٸ تٶمەن تٷسٸرەدٸ, دٶرەكٸلٸك بٸزگە باسقالاردىڭ جەككٶرۋشٸلٸگٸن تۋعىزادى, ارتىق جىلاپ-سىقتاۋ بٸرەۋلەردٸڭ بٸزدٸ كٶندٸرٸپ, باعىندىرۋىنا جول اشىپ بەرەدٸ. ٶمٸردە سٸزدٸڭ ەكٸ-ٷش قانا شىنايى دوستارىڭىز بولادى جەنە سٸزدٸڭ تولىق سەنٸمدٸلٸگٸڭٸز سولارعا تيەسٸلٸ, سٸز جان سىرىڭىزدى كٶپشٸلٸككە جايىپ سالعانىڭىزدا سول قيماس دوستارىڭىزدى ىڭعايسىز جاعدايدا قالدىراتىنىڭىز جايلى ويلاڭىز. دٶرەكٸلٸك – ەلسٸزدەردٸڭ پانالايتىن ورنى. قوعام تۋعان شەشەدەن گٶرٸ ٶگەي شەشەگە كٶبٸرەك ۇقسايدى, ول ٶزٸنٸڭ اتاعىن شىعاراتىن جاعىمپاز بالالارىن جاقسى كٶرەدٸ. جىلاعىڭىز كەلسە, ادامدارعا ەمەس, قۇدايعا جىلاڭىز. تەرتٸپتٸڭ اسا ماڭىزدى ەرەجەلەرٸنٸڭ بٸرٸ – ٶزٸڭٸز تۋرالى از سٶيلەڭٸز. ٶزٸڭٸزگە ٶزٸڭٸز قاتال بولا بٸلٸڭٸز. ەگەر سٸز ٶزٸڭٸزگە ٶزگەلەردٸڭ نازار اۋدارعانىن قالاساڭىز, سىپايى, ٶتكٸر تٸلدٸ, اقىلدى, سەنٸمدٸ بولىپ كٶرٸنگٸڭٸز كەلسە, ادامدارمەن سٶيلەسكەندە ولار تۋرالى كٶبٸرەك ايتىڭىز, ولاردى ماقتاڭىز, تٸپتٸ ولارعا تانىس ەمەس سۇراقتار تٶڭٸرەگٸندە سٶز قوزعاپ, ولارعا قولايلى جاعىن قاراستىرىڭىز, سول سەتتە ولاردىڭ ماڭدايىنداعى ەجٸمدەرٸ جازىلىپ, ەزۋلەرٸنە كٷلكٸ ٷيٸرٸلٸپ, ريزا بولعاندارىن بايقايسىز, سٸز كەتٸپ قالعان سوڭ سٸزدٸ وڭدى-سولدى ماقتاي باستايدى.
ەگەر مەنٸ ەمدەپ, جازاتىن دەرٸگەر بار بولسا, ول – بيانشون.
بارلىق دەرٸگەرلەر وقىپ, ٷيرەنٸپ, ٸس-تەجٸريبەنٸڭ نەتيجەسٸندە دەرٸگەر بولا الادى. ال حيرۋرگ (وتاشى) بولۋ ٷشٸن تالانت بولۋ قاجەت. حيرۋرگتەردٸڭ اتاق-داڭقى ەرتٸستەردٸڭ اتاق-داڭقى سيياقتى تٸرٸ كەزدەرٸندە شىعادى, ٶلگەننەن كەيٸن ولاردىڭ ەڭبەگٸن باعالاۋ قيىن.
مەن – ٶلگەننەن كەيٸن اتاعىم شىعاتىن اداممىن.
جابايى سەزٸم تٷيسٸگٸنٸڭ جەتەگٸمەن جٷرەدٸ. ٶركەنيەتتٸ ادامداردىڭ سەزٸمٸ, وي-ساناسى بولادى. جابايى تاعىنىڭ سەزٸمٸ ٶز-ٶزٸنەن پايدا بولادى. ٶركەنيەتتٸ ادامداردىڭ سەزٸمٸ اقىل-ويعا باعىنادى.
تاڭىرقاپ, تاڭقالۋدان كٶرە الماۋشىلىققا دەيٸن بار بولعانى بٸر-اق ادىم, كٶرە الماۋشىلىقتان جەككٶرۋشٸلٸككە دەيٸن تاعى دا بٸر ادىم.
ماعان تيەسٸلٸ جالعىز قۋانىش – ٶزٸمنٸڭ تۋعان ەلٸمە پايدامدى تيگٸزەتٸنٸمە دەگەن سەنٸمدٸلٸك.
ەگەر ماعان پرومەتەي مەن فاۋستىڭ بٸرەۋٸنٸڭ تاعدىرىن تاڭداۋ مٷمكٸندٸگٸ بەرٸلسە, مەن سٶز جوق, پرومەتەيدٸ تاڭدار ەدٸم.
مەنٸڭ ٶمٸرٸمنەن دە وسى كٸتاپتىڭ ٶمٸرٸن ۇزارتا كٶر دەپ قۇدايدان سۇرايمىن.
تسيتسەروندا بٸزدٸڭ ٶمٸرٸمٸزدەگٸ وقيعالاردى انىق باياندايتىن پاراقتار بار.
ول – اقىنجاندى ادام, بٸراق اقىن ەمەس, ول ارماندايدى, بٸراق ەشتەڭە جازبايدى.
ول قينالدى, ازاپتاندى, جاپا شەكتٸ, «مەن قينالامىن, ازاپتانامىن» دەپ ايتۋعا مٷمكٸندٸگٸ بولمادى.
ول قاراپايىم, قايىرىمدى, ناعىز حالات كيگەن دانىشپان بولدى.
ماقتان, ٶزٸمشٸلدٸك, اتاققۇمارلىق – قازٸرگٸ سوتسيالدىق «مەننٸڭ» ٷش ۇلى قۇراما بٶلٸكتەرٸ.
ازاپتى جەنە قۋانىشتى ٶز باسىنان كەشكەن ادام ازاپ پەن قۋانىشتىڭ قاسيەتٸن جاقسى بٸلەدٸ.
پاريج – تاڭقالارلىق قالا.
بٸرٸن-بٸرٸ باقىلاعان ەكٸ ەيەلدٸڭ قىلىعىن تاماشالاعاننان اسقان قىزىقتى كومەدييا جوق.
– سٸز قالاي كٸتاپ جازاسىز?
– سٸز قالاي كەستە تٸگەسٸز, توقيسىز, سول سيياقتى مەن جازامىن. ەگەر جازۋعا نيەتٸڭٸز بار بولسا, جازۋدان وڭاي نەرسە جوق.
ٶتٸرٸك – ەيەلدەر مەن يمپەرييانى قۇتقارۋ ٷشٸن تەز ارادا تابىلاتىن قارۋ.
مەن تەك قانا جٷرەكتٸڭ ەمٸرٸندە ٶمٸر سٷرە الامىن.
كٸم كٶپ قيىنشىلىق كٶرسە, سول كٶپ ٶمٸر سٷرگەن ادام.
بار تابيعات مەنٸمەن بٸرگە قايعىرادى.
كەز كەلگەن ۇشتالماعان قارىنداش بٸزدٸڭ ەستە ساقتاۋ قابٸلەتٸمٸزدەن ٶتكٸر.
تابيعاتتا بٸزدٸ اسا ماڭىزدى پروبلەمالاردان دا ارتىق ويلاندىرىپ, تولقىتاتىن كٶرٸنٸس بار, ول – شىق تامشىلارى.
ارسىز ادامدار ٶزدەرٸنٸڭ يگٸ جاقسى قارسىلاستارىنا ٶزدەرٸ باتقان بالشىقتى شاشىراتقىلارى كەلەدٸ.
بارلىق قۋلىق پەن الداۋ اقىر اياعىندا ادامعا زييان كەلتٸرەدٸ, تۋرا, اشىق شىندىقتى ايتقان ادامنىڭ جاعدايى سونشالىقتى قاۋٸپتٸ ەمەس.
ادام ماتەرييا مەن رۋحتان جاراتىلعان, ونداعى اڭ ٶلەدٸ, پەرٸشتە تۋادى.
ورىس تٸلٸنەن اۋدارعان
جەنييا ەراليەۆا.
