ٶڭٸرلٸك مەدەنيەت ۇيىمدارىنىڭ قىزمەتٸن ٷيلەستٸرۋ ماقساتىندا ٶڭٸرلٸك كٶركەمدٸك كەڭەستەر قۇرىلادى. بۇل تۋرالى مەجٸلٸستٸڭ جالپى وتىرىسىندا قر مەدەنيەت جەنە سپورت مينيسترٸ اقتوتى رايىمقۇلوۆا ايتتى, دەپ حابارلايدى قازاقپارات.
«قولدانىستاعى «مەدەنيەت تۋرالى» زاڭعا ەنگٸزٸلگەن نورمالارعا سەيكەس مينيسترلٸك جانىنداعى مەملەكەتتٸك مەدەنيەت ۇيىمدارىنىڭ قىزمەتٸن ٷيلەستٸرۋ ماقساتىندا مەدەنيەت سالاسىنداعى قىزمەتتٸڭ بارلىق باعىتتارى بويىنشا رەسپۋبليكالىق كٶركەمدٸك كەڭەستەر جۇمىس ٸستەيتٸندٸگٸ ٶزدەرٸڭٸزگە بەلگٸلٸ. كٶركەمدٸك كەڭەستەردٸڭ جۇمىسى ٶز جەمٸسٸن بەرۋدە, تەاترلاردىڭ رەپەرتۋارى جاقسارىپ, كينوجوبالاردىڭ ساپاسى ارتتى, ەدەبيەت پەن ٶنەر شىعارمالارىنىڭ دا دەڭگەيٸ ارتىپ وتىر. تۇراقتى نەگٸزدە سالانىڭ داۋلى مەسەلەلەرٸ تالقىلاۋعا شىعارىلىپ, ٶز شەشٸمٸن تابۋدا», - دەدٸ مينيستر «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە مەدەنيەت مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن تانىستىرۋ بارىسىندا.
سونىمەن قاتار ول رەسپۋبليكالىق كٶركەمدٸك كەڭەس اياسىندا بارلىق سالالاردىڭ كٶپتەگەن پروبلەمالىق مەسەلەلەرٸن قامتۋدىڭ مٷمكٸن ەمەستٸگٸن تەجٸريبە كٶرسەتٸپ وتىرعاندىعىن جاسىرمادى.
«وسىعان وراي, زاڭ جوباسىنىڭ نەگٸزگٸ مٸندەتٸ ٶڭٸرلٸك مەدەنيەت ۇيىمدارىنىڭ قىزمەتٸن ٷيلەستٸرۋ ماقساتىندا ۇسىنىستار ەزٸرلەۋ ٸسپەتتٸ ٶڭٸرلٸك كٶركەمدٸك كەڭەستەر قۇرۋدى كٶزدەپ وتىر», - دەدٸ اقتوتى رايىمقۇلوۆا.
