قر پرەمەر-مينيسترٸنٸڭ ورىنباسارى رومان سكلياردىڭ جەتەكەشٸلٸگٸمەن تٷركٸستان وبلىسىنىڭ اۋىل شارۋاشىلىعى تاۋارلارىن ٶندٸرۋشٸلەردٸ قولداۋ مەسەلەسٸنە قاتىستى سەلەكتورلىق جيىن ٶتتٸ. ٶڭٸرلەردٸڭ ەكٸمدٸكتەرٸنە تٷركٸستان وبلىسىنداعى قىرىققاباتتى جاپپاي ساتىپ الۋ تۋرالى تاپسىرما بەرٸلدٸ, دەپ حابارلايدى "ۇلت اقپارات" primeminister.kz-كە سٸلتەمە جاساپ.
وتىرىس قورىتىندىسى بويىنشا ٷكٸمەت رەزەرۆٸنەن زارداپ شەككەن فەرمەرلەرگە ەكٸنشٸ كٶكتەمگٸ ەگٸس جۇمىستارى ٷشٸن 1,6 ملرد تەڭگە نەسيە بٶلۋ تۋرالى شەشٸم قابىلداندى.
سونداي-اق وبلىستاردىڭ, نۇر-سۇلتان جەنە الماتى قالالارىنىڭ ەكٸمدٸكتەرٸنە ەلەۋمەتتٸك-كەسٸپكەرلٸك كورپوراتسييالار ەسەبٸنەن قاراجاتتى تٷركٸستان وبلىسىنىڭ فەرمەرلەرٸنەن ەرتە پٸسەتٸن قىرىققاباتتى ساتىپ الۋعا جۇمساۋ تۋرالى تاپسىرما بەرٸلدٸ.
ەستەرٸڭٸزگە سالا كەتسەك, تٷركٸستان وبلىسىندا 10 سەۋٸردە باستالعان ەرتە پٸسەتٸن قىرىققاباتتى جيناۋ ناۋقانى مامىر بويى جالعاسادى. فەرمەرلەر ەگٸستەن 300 مىڭ توننا كٶلەمٸندە ٶنٸم الۋدى جوسپارلاپ وتىر.
تٶتەنشە جاعداي كەزەڭٸندە اۋىلشارۋاشىلىعى تاۋارلارىن ٶندٸرۋشٸلەر ٶز ٶنٸمدەرٸن ٶتكٸزۋدە بٸرقاتار پروبلەمالارعا تاپ بولدى. ولار قىرىققابات ٶنٸمدەرٸن تمد ەلدەرٸنە جٶنەلتۋدٸ جوسپارلاعان ەدٸ, الايدا, دٷكەندەر مەن بازارلاردىڭ جابىلۋىنا بايلانىستى, اتالمىش ٶنٸمگە دەگەن سۇرانىس ازايدى.
وسىعان وراي, پرەمەر-مينيستر اسقار مامين زارداپ شەككەن فەرمەرلەرگە قولداۋ كٶرسەتۋدٸ تاپسىردى.
30 سەۋٸردە تٷركٸستان وبلىسىنىڭ ەكٸمٸ ٶمٸرزاق شٶكەەۆ ٷكٸمەتتەن ٶڭٸردەگٸ شارۋالاردىڭ قىرىققاباتىن ٶتكٸزٸپ بەرۋگە كٶمەك سۇرادى. ونىڭ ايتۋىنشا ايماقتا قازٸر ساتىلماي جاتقان 250 مىڭ توننا قىرىققابات بار. ال اۋىلشارۋاشىلىق مينيسترلٸگٸنٸڭ مەلٸمدەۋٸنشە, شەت ەلدە قازاقستاندىق قىرىققاباتقا دەگەن سۇرانىس تٶمەندەپ كەتكەن.
