الماتىدا قازاقستان رەسپۋبليكاسىنىڭ V قىسقى سپارتاكياداسىنىڭ اشىلۋ سالتاناتىنا ارنالعان باسپاسٶز مەسليحاتى ٶتتٸ, دەپ حابارلايدى قازاقپارات.
باسپاسٶز مەسليحاتىنا الماتى قالاسى سپورت باسقارماسىنى باسشىسى رٷستەم بايسەيتوۆ, قر ۇوك سپورت ديرەكتسيياسىنىڭ ديرەكتورى ەلسييار قاناعاتوۆ جەنە كونكيمەن جٷگٸرۋشٸلەر, جاسٶسپٸرٸمدەر وليمپياداسىنىڭ كٷمٸس جٷلدەگەرٸ, قر چەمپيوناتتارى, كۋبوكتارىنىڭ بٸرنەشە دٷركٸن جەڭٸمپازى, 2021 جىلعى ەلەم كۋبوگى كەزەڭٸنٸڭ قولا جٷلدەگەرٸ انۆار مۋحامادەەۆ, «ازييا بالالارى» جارىستارىنىڭ جەڭٸمپازى, قر چەمپيوناتتارى كۋبوكتارىنىڭ بٸرنەشە دٷركٸن جەڭٸمپازى ۆالەريي كليمەنكو مەن باق ٶكٸلدەرٸ قاتىستى.
الماتى قالاسى سپورت باسقارماسىنى باسشىسى رٷستەم بايسەيتوۆ الماتى قالاسى ٷشٸن قازاقستان رەسپۋبليكاسىنىڭ قىسقى سپارتاكياداسىن ٶتكٸزۋ ٷلكەن مەرتەبە ەكەنٸن ايتتى.
«بٸزدٸڭ قالامىزعا قىسقى سپورت تٷرلەرٸنەن ەلٸمٸزدٸڭ ەڭ مىقتى سپورتشىلارى جينالدى. جارىسقا 16 وبلىس پەن رەسپۋبليكالىق ماڭىزى بار 3 قالانىڭ اتىنان 1300-گە جۋىق ادامنان قۇرالعان قۇراما كوماندالار قاتىسۋدا. سپارتاكيادا باعدارلاماسىنا سپورتتىڭ 14 تٷرٸ ەندٸ. ولار: بياتلون, كەرلينگ, كونكيمەن جٷگٸرۋ, مەنەرلەپ سىرعاناۋ, شورت-ترەك, شايبالى حوككەي (ەرلەر), شايبالى حوككەي (ەيەلدەر), تاۋ شاڭعىسى سپورتى, ارالاس شاڭعى, شاڭعىمەن سەكٸرۋ, سنوۋبورد, فريستايل-موگۋل, فريستايل اكروباتيكا. قالانىڭ بارلىق سپورتتىق وبەكتٸلەرٸ جارىستاردى ٶتتكٸزۋگە جارامدى. سپارتاكيادانىڭ اشىلۋ سالتاناتى بٷگٸن «الماتى ارەنا» سپورت سارايىندا ٶتسە, جابىلۋ سالتاناتى 27 جەلتوقسان كٷنٸ «حالىق ارەنا» سپورت سارايىندا ٶتەدٸ», - دەدٸ رٷستەم بايسەيتوۆ.
سونداي-اق, الماتى قالاسى سپورت باسقارماسى باسشىسىنىڭ ايتۋىنشا, قىسقى سپاراتكيادا قالانىڭ نەگٸزگٸ سپورت وبەكتٸلەرٸندە ٶتەدٸ.
«جارىستار «شىمبۇلاق» تاۋ-شاڭعى كۋرورتىندا, «مەدەۋ» مۇز ايدىنىندا, «الماتى ارەنا», «حالىق ارەنا» سپورت سارايلارىندا, «سۇڭقار» حالىقارالىق شاڭعى ترامليندەر كەشەنٸ, «بالۋان شولاق» اتىنداعى سپورت سارايىندا ٶتەدٸ. الماتىنىڭ قۇراما كومانداسىندا 200-دەن استام سپورتشى بار. الماتىلىقتار قىسقى سپورتتىڭ بارلىق تٷرلەرٸنەن قاتىسادى. ولار بارلىق دايىندىقتاردان ٶتتٸ. ەرينە, بٸز ەندٸ سپورتشىلارىمىزدان جوعارى نەتيجەلەردٸ كٷتەمٸز», - دەدٸ رٷستەم بايسەيتوۆ.
قر ۇوك سپورت ديرەكتسيياسىنىڭ ديرەكتورى ەلسييار قاناعاتوۆىڭ ايتۋىنشا, ەلٸمٸزدٸڭ ٶڭٸرلەرٸندە قىسقى سپورتتى دامىتۋعا دۇرىس كٶڭٸل بٶلٸنبەي وتىر.
«قازٸرگٸ تاڭدا ەلٸمٸزدە قىسقى سپورت تٷرلەرٸن دامىتۋعا بارلىق جايدعاي جاسالعانمەن, ەربٸر ٶڭٸردە قىسقى سپورت تٷرلەرٸنە ارنالعان جابىق سپورتتىق كەشەندەر از. ولار بٸزدە ەكٸ قالادا عانا بار. ولار: نۇر-سۇلتان مەن الماتىدا. مىسالى, كونكي سپورتىنا بايلانىستى ەشقانداي ٶڭٸردە بٸردە-بٸر جابىق سپورتتىق كەشەنٸ جوق. بٸز قوستاناي, سولتٷستٸك قازاقستان, اقمولا, قاراعاندى وبلىستارىنان شىققان كونكي سپورتىنىڭ جاقسى سپورتىشالارىن بٸلەمٸز, بٸراق, ولاردىڭ ٶز جەرلەرٸندە جابىق سپورتتىق كەشەندەرٸ جوق. سوندىقتان بۇل مەسەلەنٸ قولعا الىپ, وبلىستاردا قىسقى سپورت تٷرلەرٸنەن جابىق سپورتتىق كەشەندەردٸ كٶبەيتۋ كەرەك دەپ ويلايمىن. جالپى, الماتىدا بٷگٸن ٶتٸپ جاتقان سپارتاكيادا ٶڭٸرلەردە قىسقى سپورتتىڭ قانشالىقتى دامىپ كەلە جاتقانىن كٶرسەتەتٸن بولادى», - دەدٸ ەلسييار قاناعاتوۆ.
جاسٶسپٸرٸمدەر وليمپياداسىنىڭ كٷمٸس جٷلدەگەرٸ, قر چەمپيوناتتارى, كۋبوكتارىنىڭ بٸرنەشە دٷركٸن جەڭٸمپازى, 2021 جىلعى ەلەم كۋبوگى كەزەڭٸنٸڭ قولا جٷلدەگەرٸ انۆار مۋحامادەەۆ ەلٸمٸزدە قىسقى سپورت تٷرلەرٸ دامىسا دەگەن تٸلەگٸن جەتكٸزدٸ.
«ەرينە, ەلٸمٸزدە سپورت جاقسى دامىپ كەلەدٸ. بٸراق, بۇدان دا جاقسى دامىسا ەكەن دەگٸم كەلەدٸ. سەبەبٸ, قازاقستاندا جازعى سپورت تٷرلەرٸ جاقسى دامىعان, ال قىسقى سپورت تٷرلەرٸ دەل سولاي دامىپ كەلە جاتىر دەپ ايتا المايمىن. دەگەنمەن, بٸزگە قولداۋ كٶرسەتٸلەدٸ, جاقسى نەتيجەلەرٸمٸز دە بار. مەنٸڭ العاشقى سايىسىم 22 جەلتوقسان كٷنٸ باستالادى. مەن «مەدەۋ» مۇز ايدىنىندا كونكيمەن 500 جەنە 5000 مەترگە جٷگٸرەمٸن. بٸز جارىسقا جاقسى دايىندىقپەن كەلدٸك. اۋا رايى جاقسى بولىپ, جاقسى نەتيجە كٶرسەتەمٸز دەپ ويلايمىن», - دەدٸ سپورتشى.
ال «ازييا بالالارى» جارىستارىنىڭ جەڭٸمپازى, قر چەمپيوناتتارى كۋبوكتارىنىڭ بٸرنەشە دٷركٸن جەڭٸمپازى ۆالەريي كليمەنكو سپورتتاعى جەتٸستٸكتەرٸنە كٶپ جاتتىعۋلار ارقىلى جەتكەنٸن ايتتى.
«بۇل سپارتاكياداعا جاقسى دايىندىقپەن كەلدٸك. بٸزدٸڭ وقۋ-جاتتىعۋ جيىندارىنىڭ ٶتۋٸنە قولداۋ جاسالدى. بۇل مەنٸڭ العاشقى سپارتاكيادام. ماعان مۇندا بەرٸ قىزىق, بەرٸ جاڭا. مەن 23-25 جەلتوقسان كٷندەرٸ «بالۋان شولاق» سپورت سارايىندا قىسقا قاشىقتىقتا كونكيمەن جٷگٸرەمٸن», - دەدٸ ۆالەريي.
ەستەرٸڭٸزگە سالساق, 8-27 جەلتوقسان ارالىعىندا الماتىدا قازاقستان رەسپۋبليكاسىنىڭ V قىسقى سپارتاكياداسى ٶتۋدە. جارىستى ۇيىمداستىرۋشىلار قازاقستان رەسپۋبليكاسىنىڭ مەدەنيەت جەنە سپورت مينيسترلٸگٸ مەن الماتى قالاسىنىڭ سپورت باسقارماسى.
