فوتو: primeminister.kz
ٷكٸمەتتە ۆيتسە-پرەمەر سەرٸك جۇمانعاريننٸڭ تٶراعالىعىمەن ٶتكەن كەڭەستە جەم-شٶپ دايىنداۋ ناۋقانىنىڭ قورىتىندىسى ايتىلدى, - دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ٶڭٸرلەردە بارلىعى 24,7 ملن توننا جەم-شٶپ دايىندالعان. بۇل مالدى قىستان شىعارۋعا قاجەتتٸ مال ازىعى كٶلەمٸنٸڭ 98,9%-ىن قۇرايدى. جەم-شٶپ قورىنىڭ قۇرامىنا 1,5 ملن توننا شٶپ, 1,9 ملن توننا سٷرلەم, 4,5 ملن توننا سابان, 4,9 ملن توننا قۇنارلى جەم كٸرەدٸ. بيىلعى اۋا رايىنىڭ قولايسىزدىعىنا قاراماستان, مۇنداي نەتيجەلەرگە جەدەل شتابتىڭ ۋاقتىلى ەرەكەت ەتۋٸنٸڭ جەنە مەملەكەتتٸك قولداۋ شارالارىنىڭ ارقاسىندا قول جەتكٸزٸلگەن.
«”ازىق-تٷلٸك كورپوراتسيياسى” اق جەلٸسٸ بويىنشا فەرمەرلەرگە ارزانداتىلعان باعامەن استىق ساتۋعا ارنالعان 235 مىڭ توننا كٶلەمٸندە جەم-شٶپ قورى قالىپتاستىرىلدى. جەمشٶپ دايىنداۋ ٷشٸن قوسىمشا 58 مىڭ توننا جەڭٸلدەتٸلگەن ديزەل وتىنى بٶلٸندٸ. "قازاگروقارجى" اق جەم-شٶپ دايىنداۋ تەحنيكاسىنىڭ جەڭٸلدٸكتٸ ليزينگٸن قارجىلاندىرۋ ٷشٸن 10 جىلعا 6%-بەن 20 ملرد تەڭگە بٶلدٸ. بۇل باعدارلاما بويىنشا 6,9 ملرد تەڭگە يگەرٸلدٸ, بۇل 35%-دى قۇرايدى», — دەدٸ اۋىل شارۋاشىلىعى ۆيتسە-مينيسترٸ امانگاليي بەردالين.
«بەيتەرەك» ۇبح» اق جەلٸسٸ ارقىلى اۋىل شارۋاشىلىعى تاۋارىن ٶندٸرۋشٸلەر نەسيەلەرٸنٸڭ مەرزٸمٸن ۇزارتۋ جەنە قايتا قۇرىلىمداۋ جۇمىستارى جٷرگٸزٸلٸپ كەلەدٸ. قازٸردٸڭ ٶزٸندە 23,5 ملرد تەڭگەگە 574 ٶتٸنٸم ماقۇلداندى, 16 ملرد تەڭگەنٸڭ 224 ٶتٸنٸمٸ قارالىپ جاتىر. سونىمەن قاتار ماڭعىستاۋ وبلىسىنىڭ مالشىلارى ٷشٸن تەمٸرجول كٶلٸگٸمەن مال ازىعىن تاسىمالداۋ تاريفتەرٸ 80%-عا تٶمەندەتٸلدٸ.
«13 ٶڭٸردە مال ازىعىن سۋبسيدييالاۋ ٷشٸن تاۋار ٶندٸرۋشٸلەرگە بارلىعى 27,6 ملرد تەڭگە باعىتتالدى, ونىڭ ٸشٸندە جەدەل شتابتىڭ ۇسىنىسى بويىنشا 12,9 ملرد تەڭگە قوسىمشا بٶلٸندٸ», — دەپ اتاپ ٶتتٸ بەردالين.
وسىلايشا, قابىلدانعان شارالار قىسقا قاجەتتٸ مال ازىعى قورلارىن قالىپتاستىرۋعا مٷمكٸندٸك بەردٸ. سقو, قاراعاندى, ماڭعىستاۋ, پاۆلودار وبلىستارىندا پٸشەن مەن قۇنارلى جەمنٸڭ جەتٸسپەۋشٸلٸگٸ بايقالادى. جيىن قورىتىندىسى بويىنشا سەرٸك جۇمانعارين بارلىق ٶڭٸرلەردە قاجەتتٸ مال ازىعى كٶلەمٸن دايىنداۋدى قامتاماسىز ەتۋدٸ جەنە ولاردى مال قىستايتىن ورىندارعا جەتكٸزۋدٸ ەرەكشە باقىلاۋعا الۋدى تاپسىردى.
