قر پرەمەر-مينيسترٸ اسقار مامين ٷكٸمەتتٸڭ تسيفرلىق كەڭسەسٸندە ورتالىق مەملەكەتتٸك ورگاندار باسشىلارىنىڭ جەنە ٶڭٸرلەر ەكٸمدەرٸنٸڭ قاتىسۋىمەن ەلەۋمەتتٸك ماڭىزى بار ازىق-تٷلٸك تاۋارلارىنىڭ (ەمات) باعالارىن رەتتەۋ مەسەلەلەرٸ جٶنٸندە كەڭەس ٶتكٸزدٸ, دەپ حابارلايدى primeminister.kz سايتى.
قازٸرگٸ جاعداي مەن اتقارىلىپ جاتقان جۇمىستار تۋرالى ساۋدا جەنە ينتەگراتسييا مينيسترٸ باقىت سۇلتانوۆ, اۋىل شارۋاشىلىعى مينيسترٸ ەربول قاراشٶكەەۆ, بەسەكەلەستٸكتٸ قورعاۋ جەنە دامىتۋ اگەنتتٸگٸ تٶراعاسىنىڭ بٸرٸنشٸ ورىنباسارى رۋستام احمەتوۆ, نۇر-سۇلتان قالاسىنىڭ ەكٸمٸ التاي كٶلگٸنوۆ, شىعىس قازاقستان وبلىسىنىڭ ەكٸمٸ دانيال احمەتوۆ, سولتٷستٸك قازاقستان وبلىسىنىڭ ەكٸمٸ قۇمار اقساقالوۆ, قىزىلوردا وبلىسىنىڭ ەكٸمٸ گٷلشارا ەبدٸقالىقوۆا, پاۆلودار وبلىسىنىڭ ەكٸمٸ ەبٸلقايىر سقاقوۆ, الماتى وبلىسىنىڭ ەكٸمٸ قانات بوزىمباەۆ جەنە ت. ب. باياندادى.
ٶتكەن اپتادا قازاقستاندا ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسى 0,1%-عا تٶمەندەدٸ. تٷركٸستان وبلىسىندا 0,6%-عا, ەلوردادا 0,3%-عا, شىمكەنت قالاسىندا جەنە ماڭعىستاۋ وبلىسىندا 0,2%-عا, الماتى قالاسىندا جەنە قاراعاندى وبلىسىندا 0,1%-عا باعانىڭ تٶمەندەۋٸ تٸركەلدٸ.
جالپى, رەسپۋبليكا بويىنشا كٶكٶنٸستەر باعاسىنىڭ تٶمەندەۋٸ جالعاسۋدا. قالعان باسقا ٶنٸمدەردٸڭ باعالارى تۇراقتى.
2021 جىلى 769,3 مىڭ توننا ٶنٸمگە, ونىڭ ٸشٸندە 684 مىڭ توننا جۇمساق بيدايعا كەلٸسٸمشارت جاسالدى. قازٸرگٸ ۋاقىتتا 559 مىڭ توننا نەمەسە كەلٸسٸمشارت جاسالعان كٶلەمنٸڭ 72,7% جەتكٸزٸلدٸ.
قازٸرگٸ تاڭدا بەسەكەلەستٸكتٸ قورعاۋ جەنە دامىتۋ اگەنتتٸگٸ نارىق سۋبەكتٸلەرٸنٸڭ اتىنا 113 حابارلاما جٸبەردٸ, 16 تەرگەۋ جٷرگٸزدٸ, ٶندٸرۋشٸلەرمەن, كٶتەرمە جەتكٸزۋشٸلەرمەن جەنە ساۋدا جەلٸلەرٸمەن ساۋدا ٷستەمەسٸن 15%-دان 10%-عا دەيٸن تٶمەندەتۋ تۋرالى مونوپوليياعا قارسى كومپلاەنستٸڭ 192 اكتٸسٸن جاسادى. ساۋدا ٷستەمەسٸن كٶتەرۋدٸڭ 75 فاكتٸسٸ انىقتالدى.
بيىلعى 10 جەلتوقساننان باستاپ قازاقستاننىڭ جۇمىرتقا ٶندٸرۋشٸلەر قاۋىمداستىعى رەسپۋبليكانىڭ بارلىق قۇس فابريكالارى بويىنشا تاۋىق جۇمىرتقاسىنىڭ باعاسىن 16%-عا – بٸر داناسىنا 37 تەڭگەدەن 32-31 تەڭگەگە دەيٸن تٶمەندەتتٸ.
پرەمەر-مينيستر ورتالىق مەملەكەتتٸك جەنە جەرگٸلٸكتٸ اتقارۋشى ورگاندارعا قولدانىستاعى بارلىق قۇرالداردى پايدالانۋ ارقىلى ەلەۋمەتتٸك ماڭىزى بار ازىق-تٷلٸك ٶنٸمدەرٸنٸڭ باعاسىن تۇراقتاندىرۋ جەنە تٶمەندەتۋ جۇمىسىن ودان ەرٸ جالعاستىرۋدى تاپسىردى.
