CLAAS تراكتورلارى مەن كومبايندارىنىڭ قۇرامداس بٶلٸكتەرٸن شىعارۋ, AMAZONE تۇقىم سەبۋ كەشەندەرٸن ٶندٸرۋ جەنە KamLit پەن KIA كومپانييالارىمەن سەرٸكتەستٸك اياسىندا قازاقستاندا العاشقى لوكاليزاتسييالىق ورتالىق ٸسكە قوسىلدى. قوستاناي ماشينا جاساۋشىلارىنىڭ بٸلٸكتٸلٸگٸ ارقاسىندا AGROMASH زاۋىتى بيىل ەلەمدٸك ٸرٸ كومپانييالارمەن جۇمىس ٸستەۋدٸ باستادى, دەپ حابارلايدى Ult.kz.
2024 جىلدىڭ قورىتىندىسى
ٶندٸرٸس 20%-عا ٶستٸ
«2023 جىلى كەسٸپورىن 1250 بٸرلٸك اۋىلشارۋاشىلىعى تەحنيكاسىن شىعارسا, 2024 جىلى بۇل كٶرسەتكٸش 1500 بٸرلٸككە جەتتٸ. سونىمەن قاتار تراكتورلار ٶندٸرٸسٸ ايتارلىقتاي ارتتى: ولاردىڭ سانى 1 100 بٸرلٸكتەن استى. LOVOL تراكتورلارى ٷش جىل قاتارىنان ەلدەگٸ ەڭ كٶپ ساتىلاتىن تراكتورلاردىڭ قاتارىندا بولسا, بيىل ESSIL برەندٸ كومبايندار اراسىندا كٶش باستاپ تۇر», – دەدٸ كوممەرتسييالىق ديرەكتور نيكولاي پارحومەنكو.
ٶندٸرٸس: CLAAS تەحنيكاسى جەنە AMAZONE كەشەندەرٸ
جىل سايىن لوكاليزاتسييالىق ورتالىقتا 250 مىڭنان استام توراپتار مەن كومپونەنتتەر ٶندٸرٸلەدٸ, ولاردىڭ بٸر بٶلٸگٸ زاۋىتتىڭ ٶز قۇيۋ تسەحىندا دايىندالادى.
قوستانايلىق ماشينا جاساۋشىلاردىڭ ايتۋىنشا, زاماناۋي جابدىقتار مەن بٸلٸكتٸ مامانداردىڭ بولۋى قازاقستاندىق اۋىل شارۋاشىلىعى جەنە كوممەرتسييالىق تەحنيكا ٶندٸرۋشٸلەرٸنە ٶنەركەسٸپتٸك قۇراستىرۋ كەلٸسٸمدەرٸن ورىنداۋعا مٷمكٸندٸك بەرەدٸ. بٷگٸندە LOVOL جەنە DEUTZ-FAHR تراكتورلارى مەن كومبايندارى, ESSIL كومبايندارى, سونداي-اق باسقا دا تٸركەمەلەر مەن قوندىرمالار AGROMASH ٶندٸرٸستٸك جەلٸسٸنەن شىعارىلادى. بۇدان بٶلەك, كەسٸپورىن CLAAS, AMAZONE جەنە KIA سىندى ەلەمدٸك برەندتەرگە قاجەتتٸ بٶلشەكتەردٸ جاساپ جەتكٸزەدٸ.
«لوكاليزاتسييالىق ورتالىقتىڭ مٷمكٸندٸكتەرٸ ارقاسىندا كومپانييا CLAAS تراكتورلارى مەن كومبايندارىنا تاسىمالداۋشى اربالار, الدىڭعى جٷك كٶتەرگٸشتەر, ساتىلار, تۇتقالار جەنە باسقا دا بٶلشەكتەر شىعارادى. كەلەسٸ جىلى بۇل تٸزٸمدٸ كەڭەيتۋ جوسپارلانعان. سونىمەن بٸرگە, قىركٷيەك ايىندا AMAZONE كومپانيياسىمەن تٸركەمەلٸ جەنە سوقپالى تەحنيكا ٶندٸرۋ بويىنشا كەلٸسٸم جاسالدى. بٸزدٸڭ ماماندار نەمٸس ەرٸپتەستەرٸمٸزدەن وقىتۋ باعدارلاماسىن ٶتتٸ, ال ٶندٸرٸس زاۋىت اۋماعىندا باستالدى. جاڭا ماۋسىمدا قازاقستاندىق فەرمەرلەر 12 جەنە 15 مەترلٸك تۇقىم سەبۋ كەشەندەرٸن وتاندىق ٶندٸرٸستەن الا الادى. 2025 جىلعا جوسپار بويىنشا – 50 كەشەن ٶندٸرۋ كٶزدەلٸپ وتىر. سونىمەن قاتار, KIA زاۋىتى بٸزبەن بٸرگە قازاقستان اۋماعىندا جاڭا ٶندٸرٸس ورنىن قۇرۋ ٷشٸن قۇرامداس بٶلشەكتەردٸ دايىنداۋ بويىنشا كەلٸسٸم جاساستى. بٸز قۇيۋ, دەنەكەرلەۋ, بوياۋ جەنە دايىن بٶلشەكتەر شىعارۋ تسيكلٸن تولىقتاي قامتيتىن ٶندٸرٸس قىزمەتتەرٸن ۇسىنامىز», – دەدٸ AGROMASH زاۋىتىنىڭ وپەراتسييالىق تيٸمدٸلٸك جٶنٸندەگٸ ديرەكتورى باحتييار بالگۋجين.
2025 جىل – قىزمەت كٶرسەتۋ جىلى
AGROMASH كومپانيياسى 2025 جىلدى رەسمي تٷردە قىزمەت كٶرسەتۋ جىلى دەپ جارييالادى. بۇل شەشٸم سەرۆيستٸك قىزمەت كٶرسەتۋ سالاسىن كەڭەيتۋ جەنە جاقسارتۋ ماقساتىندا قابىلداندى.
سەرۆيستٸك قىزمەتتٸ تٷرلەندٸرۋ جۇمىستارى وسى ماۋسىمدا باستالدى. قازاقستاندىق ٶندٸرٸستەگٸ 100-گە جۋىق JAC T6 اۆتوكٶلٸگٸ حولدينگتٸڭ فيليالدارىنا ساتىپ الىندى. بۇل كٶلٸكتەر سەرۆيستٸك مامانداردىڭ فەرمەرلەر سۇرانىسىنا جەدەل جاۋاپ بەرۋٸن قامتاماسىز ەتەدٸ. كومپانييا ينفراقۇرىلىمدى جاڭعىرتۋعا جەنە تەحنيكالىق جابدىقتارىن جاقسارتۋعا 5 ميلليارد تەڭگە كٶلەمٸندە ينۆەستيتسييا بٶلدٸ.
«بيىل بٸز 100-دەن استام اۆتوكٶلٸك ساتىپ الدىق. ەربٸر كٶلٸك زاماناۋي جابدىقتارمەن قامتىلعان. بۇل بٸزدٸڭ ماماندارعا فەرمەرلەردٸڭ سۇرانىسىن جىلدام قاناعاتتاندىرۋعا جەنە اۋىل شارۋاشىلىعى تەحنيكاسىنا قىزمەت كٶرسەتۋ ساپاسىن ارتتىرۋعا مٷمكٸندٸك بەرەدٸ. قازٸرگٸ ۋاقىتتا 4 مىڭنان استام تراكتور مەن كومباين بٸزدٸڭ كەپٸلدٸ جەنە كەپٸلدٸكتەن كەيٸنگٸ قىزمەت كٶرسەتۋ جٷيەمٸزدە تۇر. ساتۋ كٶلەمٸ ماۋسىم سايىن ارتىپ كەلەدٸ, سوندىقتان بٸز تەحنيكالىق جاڭعىرتۋ جۇمىستارىن ٷزدٸكسٸز جٷرگٸزۋٸمٸز قاجەت», – دەدٸ قىزمەت كٶرسەتۋ جەنە قوسالقى بٶلشەكتەر بٶلٸمٸنٸڭ ديرەكتورى سامات جامبەتاۋلين.
2025 جىلى كومپانييا ەلٸمٸزدٸڭ باستى استىقتى ايماقتارىندا – قوستاناي, ٶسكەمەن, استانا, شىمكەنت, پاۆلودار, الماتى جەنە قاراعاندى قالالارىندا سەرۆيستٸك فيليالدارىن مودەرنيزاتسييالاپ, جاڭا نٷكتەلەر اشۋدى جوسپارلاپ وتىر. بۇل فيليالدار تولىققاندى شەبەرحانالار مەن قوسالقى بٶلشەكتەر قويمالارىمەن جابدىقتالاتىن بولادى.
