ەستەرٸڭٸزدە بولسا, قازٸر قالاداعى قوعامدىق كٶلٸكتە قولدانىلۋى ٷيرەنشٸكتٸ دە قالىپتى جاعدايعا اينالىپ بارا جاتقان «وڭاي» ەلەكروندى كٶلٸك كارتاسى ٷستٸمٸزدەگٸ جىلدىڭ 11 قاڭتارىندا قولدانىسقا ەنگٸزٸلگەن بولاتىن. ەرينە, العاشقى كەزدە ەلەكتروندى بيلەتكە ٷيرەنۋ قالا تۇرعىندارىنا وڭاي بولعان جوق. تەك, قالالىق قوعامدىق كٶلٸكتەردە بٸر رەتتٸك جول جٷرۋ بيلەتتەرٸ قايتا جولعا قويىلعان سوڭ عانا, بۇل مەسەلە تٷبەگەيلٸ شەشٸمٸن تاپقانداي بولعان. ٶيتكەنٸ, وسى ورايدا «وڭايمەن» جول جٷرەتٸن جولاۋشىلار سانى دا بٸرتە-بٸرتە ٶسە تٷسٸپ, ودان قالا بيۋدجەتٸنە تٷسكەن پايدا دا ارتا باستادى.
جاسىراتىنى جوق, «وڭاي» ەلەكتروندى كارتاسىمەن بٸر مەزگٸلدە قولما-قول بٸر رەتتٸك «وڭاي» بيلەتتەرٸن قولدانۋ – جول اقىسىنا تٶلەنگەن اقشانىڭ جەكە ادامداردىڭ, ياعني, بيلەت ساتاتىن كوندۋكتورلاردىڭ قالتاسىنا تٷسۋٸنە سەپ بولعانى بايقالا باستاعان ەدٸ. سٶيتٸپ, قوعامدىق كٶلٸكتەردە «قولما-قول بيلەت ساتۋ» ٷردٸسٸ قايتادان جاندانا باستاعانداي بولدى. ال, وسىنى تٷسٸنگەن قالاداعى جولاۋشىلار تاسىمالى قىزمەتتەرٸنٸڭ باسشىلىعى بٸر مەزگٸل «وڭاي» ەلەكتروندى كارتاسىن قولدانۋدى قالدىرىپ, قولما-قول تٶلەمدٸ جولاقى تٶلەۋ قىزمەتٸنەن الىپ تاستاعان بولاتىن. بٸراق, جولاۋشىلار اراسىندا كٶپشٸلٸگٸ «مەن «وڭاي» كارتاسىنا اقشا قۇيۋدى ۇمىتىپ كەتٸپپٸن» نەمەسە «جاڭا عانا وسى اۆتوبۋسقا وتىرۋدىڭ الدىندا «وڭاي» كارتاما اقشا قۇيىپ ەدٸم, ول ەلٸ ەسەپتەلٸپ ٷلگەرمەي جاتقان شىعار» دەگەن سيياقتى نەشە تٷرلٸ سىلتاۋلار ايتا باستادى.
سوندىقتان دا قالالىق جولاۋشىلار كٶلٸگٸ باسقارماسى وسىنداي سىلتاۋ ايتۋشىلاردىڭ پٸكٸرلەرٸن ەسكەرە كەلە, «وڭاي» كارتاسىن تولتىرۋدى «ۇمىتىپ» كەتۋشٸلەرگە قارسى جٷرٸپ, قالا قوعامدىق كٶلٸكتەرٸندە قولما-قول تٶلەم جٷرگٸزۋ قىزمەتٸن قايتا ەنگٸزۋگە مەجبٷر بولدى. سٶيتٸپ, وسىنىڭ سالدارىنان قالاداعى جولاۋشىلار اراسىندا «وڭاي» ەلەكتروندى كارتاسىن پايدالانۋشىلار سانى كٷرت ازايىپ كەتتٸ» دەگەن سٶزدەر قاۋلاپ كەتتٸ. سوعان بايلانىستى, الماتى قالاسى كٶلٸك حولدينگٸ حالىق اراسىندا قاۋلاپ كەتكەن جوعارىداعى پٸكٸرلەردٸ جوققا شىعارا وتىرىپ, ٶز سٶزدەرٸن دەلەلدەۋ ماقساتىندا 2016 جىلعى ون ايداعى الماتى قالاسى جولاۋشىلار تاسىمالداۋ قىزمەتٸ بويىنشا «وڭاي» ەلەكتروندى كارتاسىن ساتۋدان تٷسكەن مەلٸمەتتەردٸ جارييالادى. وسىلايشا 2016 جىلدىڭ باسىنان بەرٸ «وڭاي» كارتاسىن ساتۋدان قالالىق بيۋدجەتكە مىنا مٶلشەردە قارجى تٷسكەن دەيدٸ:
قاڭتار – 750 535 860,00 تەڭگە;
اقپان – 1 821 666 140,00 تەڭگە;
ناۋرىز – 3 179 069 071,77 تەڭگە;
سەۋٸر – 4 508 625 245, 37 تەڭگە;
مامىر – 5 557 979 045, 84 تەڭگە;
ماۋسىم – 6 494 253 554, 89 تەڭگە;
شٸلدە –7 242 829 007, 60 تەڭگە;
تامىز – 8 087 333 025, 06 تەڭگە;
قىركٷيەك – 9 228 838 380, 35 تەڭگە;
قازان – 10 082 056 560, 35 تەڭگە…
كٶرٸپ وتىرعانىمىزداي, «وڭاي» ەلەكتروندى كارتاسىن پايدالانۋ ارقىلى قالالىق بيۋدجەتكە تٷسكەن قارجى اينالىمى اي ٶتكەن سايىن ٶسٸپ وتىرعان. بۇل رەتتە الماتىلىقتاردىڭ جاڭا رەفورماعا قولداۋ تانىتۋلارى دا جاعدايدىڭ جەتٸستٸككە جەتۋٸنە مٷمكٸندٸك بەرگەن. ەرينە, جوعارىدا كەلتٸرٸلگەن تٸزٸمدە قاراشا مەن جەلتوقسان ايلارى كٶرسەتٸلمەگەن. دەگەنمەن, بٸزدٸڭ ٶزٸمٸز دە جولاۋشى رەتٸندە كٶزبەن كٶرگەنٸمٸزدٸ بايانداساق, بۇل ەكٸ ايدا قوعامدىق كٶلٸكتەردە «وڭاي» ەلەكتروندى كارتاسىن پايدالانۋشىلار سانى كەمٸمەگەنٸ تۇرماق, قايتا كٶبەيە تٷسكەنٸن اڭعارعانىمىز جاسىرىن ەمەس.
قۇتتىبەك ايماحان, "الماتى اقشامى" گازەتٸ
