تٷركٸستان وبلىسىنىڭ ەكٸمٸ ٶمٸرزاق شٶكەەۆ جاڭادان قۇرىلعان ساۋران اۋدانى تۋرالى ايتىپ بەردٸ, دەپ حابارلايدى قازاقپارات.
«ٶڭٸردە ساۋران اۋدانى جاڭادان قۇرىلعان ەدٸ. ونداعى تۇرعىندار مەن قىزمەتكەرلەر قانداي مەسەلەلەرگە تاپ بولدى?», - دەپ سۇراق قويدى تٸلشٸلەر ورتالىق كوممۋنيكاتسييالار قىزمەتٸندە.
«شىنىندا دا, ٷكٸمەت جەنە پرەزيدەنت تٷركٸستان وبلىسىندا جاڭا اۋدان قۇرۋ تۋرالى شەشٸم قابىلدادى. بۇل ٶتە نەگٸزدٸ. سەبەبٸ تٷركٸستان وبلىسىن قۇرۋدا تٷركٸستان قالاسىنىڭ بارلىق ٸرگەلەس اۋىلدىق وكرۋگتەرٸ كەنتاۋ قالاسىنا بەرٸلدٸ. كەنتاۋ دا قيىن جاعدايعا تاپ بولدى – نە قالا, نە اۋىل, نە اۋدان ورتالىعى ەكەنٸ تٷسٸنٸكسٸز بولدى. اۋىلدىق وكرۋگتەر اۋدان ورتالىعىنان ٶتە الىس ورنالاسقان. كٶپتەگەن قولايسىزدىقتار بولدى. وعان قوسا, ٷلكەن اۋىلداردا مىسالى, 12 مىڭ تۇرعىنى بار شورناقتا ٸس جٷزٸندە بيلٸك قۇرىلىمدارى بولمادى. 12 مىڭ تۇرعىنعا بەرٸلگەن بٸر ۋچاسكەلٸك ينسپەكتور مەسەلەنٸ شەشە المايتىن ەدٸ. سوندىقتان جانجالدى وقيعالار بولعانىن بٸلەسٸزدەر. قازٸر اۋدان جاڭادان قالىپتاسۋدا. شەشٸم قابىلدانعاننان بەرٸ جەتٸ اي ٶتتٸ. اۋدان ەكٸمدٸگٸ تولىقتاي جۇمىس ٸستەۋدە. قازٸر بۇل اۋداندا 35 ەلدٸ مەكەن بار. شورناق اۋدان ورتالىعى بويىنشا دامىتۋدىڭ باس جوسپارى ەزٸرلەندٸ. ەكٸمشٸلٸك ورتالىق سالۋ ٷشٸن كەنت ٸشٸندە 38 گەكتار جەر بٶلٸندٸ. بۇل ماقساتقا رەسپۋبليكالىق بيۋدجەتتەن قاراجات وبلىستىق بيۋدجەت ارقىلى بٶلٸنەدٸ. كەلەسٸ جىلى ٷلكەن قۇرىلىس جۇمىستارى بولادى. جالپى, تۇرعىندار ٷشٸن بۇل ٶتە ىڭعايلى بولدى», - دەپ جاۋاپ بەردٸ ٶ. شٶكەەۆ.
