بٷگٸن قر اۋىل شارۋاشىلىعى مينيسترلٸگٸنٸڭ كەڭەيتٸلگەن القا وتىرىسى بٸر مينۋت ٷنسٸزدٸكپەن باستالدى.
ۆەدومستۆو باسشىسى ٶمٸرزاق شٶكەەۆ ٸس-شارادا بروكونەرلەردٸڭ قولىنان قازا تاپقان ەرلان نۇرعاليەۆتٸ ەسكە الدى.
ەسكە سالا كەتسەك, «وحوتزووپروم «ٶب» رەسپۋبليكالىق مەملەكەتتiك قازىنالىق كەسٸپورنى ينسپەكتورلارى پەتر نيتسىك پەن ەرلان نۇرعاليەۆ 2019 جىلى 13 قاڭتاردا شامامەن 18:00-دە قاراعاندى وبلىسى نۇرا اۋدانىنا رەيدكە شىققان. وندا ولار بەس ٶلٸ كيٸكتٸ تاپقان. سونىمەن قاتار, ولار مەملەكەتتٸك تٸركەۋ نٶمٸرٸ جوق Toyota Land Cruiser ماركالى ەكٸ اۆتوكٶلٸكتٸ بايقاپ, بٸرەۋٸن توقتاقان. وسى ورايدا ينسپەكتورلار زاڭسىز اڭ اۋلاۋشىلارمەن قاقتىعىسىپ قالعان. سونىڭ سالدارىنان ينسپەكتور پەتر نيتسىك تٷرلٸ جاراقات السا, ەرلان نۇرعاليەۆ باسىنان اۋىر سوققى العان. استانا قالالىق №1 اۋرۋحاناعا جەتكٸزٸلگەن ينسپەكتور ەكٸ كٷن بويى جانساقتاۋ بٶلٸمٸندە جاتىپ, 15 قاڭتاردا كٶز جۇمدى.
قر پرەزيدەنتٸ نۇرسۇلتان نازارباەۆ قىزمەتتٸك بورىشىن اتقارۋ ٷستٸندە كٶرسەتكەن ەرجٷرەكتٸگٸ مەن جانقييارلىعى ٷشٸن نيتسىك پەتر الەكسەەۆيچ پەن نۇرعاليەۆ ەرلان بالعابەكۇلى (مارقۇم) ٸٸٸ دەرەجەلٸ «بارىس» وردەنٸمەن ناگرادتادى.
