فوتو: ريا نوۆوستي
ەلوردادا رەسپيراتورلىق ۆيرۋستىق اۋرۋلاردىڭ ٶسۋٸ ەرەكشە بايقالىپ وتىر, ەسٸرەسە كوروناۆيرۋستىق ينفەكتسييا ەرٸكسٸز الاڭداۋشىلىق تۋدىرۋدا. دەرٸگەرلەر ٷشٸن ەرەسەكتەرگە دە, بالالارعا دا بٸردەي ەسەر ەتەتٸن جاڭا «وميكرون» شتامىنىڭ پايدا بولۋى قيىندىق تۋدىرىپ وتىر. بالالار جۇقپالى اۋرۋلارى كافەدراسىنىڭ مەڭگەرۋشٸسٸ, دەرٸگەر-ينفەكتسيونيست ديناگٷل باەشەۆا ينفەكتسييانىڭ قاۋپٸ جەنە ونىڭ تارالۋىنىڭ الدىن الۋ جولدارى تۋرالى ايتتى, دەپ حابارلايدى نۇر-سۇلتان ەكٸمدٸگٸنٸڭ رەسمي سايتى.
ديناگٷل باەشەۆانىڭ ايتۋىنشا قازٸر رەسپيراتورلىق ۆيرۋستىق اۋرۋلار دەڭگەيٸنٸڭ كٶتەرٸلۋٸ كەزەڭٸندە تۇماۋمەن قاتار كوروناۆيرۋستىق ينفەكتسييا ەرەكشە الاڭداۋشىلىق تۋدىرۋدا.
«بۇل پروبلەما ەلٸ دە ٶزەكتٸ بولىپ سانالادى, ٶيتكەنٸ ەلٸمٸزدە اسا جۇقپالى «وميكرون» شتامى پايدا بولدى. ونىڭ بەرٸلۋ جىلدامدىعى «دەلتا» شتامىنان بٸرنەشە ەسە جوعارى. كەز كەلگەن جاستاعى ادامعا, ونىڭ ٸشٸندە بالالارعا دا وڭاي تيٸپ جاتقان جوق. شەتەلدٸك دەرٸگەرلەردٸڭ مەلٸمەتٸنشە, «وميكرون» بالالاردا دا اۋىر ٶتٸپ جاتىر, ونى بٸز دە ٶز كٶزٸمٸزبەن كٶرٸپ وتىرمىز. كوروناۆيرۋستىڭ قانداي شتامى بولماسىن يممۋنوكومپرومەتيرلەنگەن ادامداردا, قوسىمشا اۋرۋى بار ناۋقاستاردا, سول سيياقتى ونكولوگييالىق اۋرۋلارمەن, يممۋن تاپشىلىعى جاعدايلارىمەن جەنە ٶزگە دە ٸلەسپە اۋرۋلارمەن اۋىراتىن ناۋقاستاردا ەرەكشە اۋىر ٶتەدٸ», - دەپ تٷسٸندٸردٸ دەرٸگەر.
ونىڭ ايتۋىنشا اۋرۋدىڭ ەكسپونەنتسيالدى تٷردە ٶسٸپ كەتپەۋٸ جەنە كٷنٸنە مىڭ نەمەسە ودان دا كٶپ ادام اۋىرماۋى ماڭىزدى.
ول ٷشٸن ازاماتتار ەپيدەميياعا قارسى ٸس-شارالاردى قاتاڭ ساقتاۋى تيٸس: ەلەۋمەتتٸك قاشىقتىق, ماسكا رەجيمٸ, قول جۋۋ, قولدى كٶزدٸڭ جەنە مۇرىننىڭ شىرىشتى قاباتىنا تيگٸزبەۋ, ادام كٶپ جينالاتىن ورىندارعا بارماۋ.
«ٶكٸنٸشكە قاراي, بٸز كٸشكەنتاي بالاسى بار اتا-انالاردىڭ ساۋدا ورتالىقتارىندا الاڭسىز سەرۋەندەپ جٷرگەنٸن جيٸ كٶرەمٸز. قازٸرگٸدەي جاعدايدا مۇنداي ورىنداردا دەمالۋ ورىنسىز. ەگەر بالاڭىزدىڭ دەنساۋلىعىن ويلاساڭىز, بارىنشا تٷسٸنٸستٸكپەن قاراپ, وقشاۋلانعان ورىنداردا دەمالعانىڭىز جٶن. بٸز ەلٸمٸزدەگٸ بارلىق ستاتسيونارلار بويىنشا تالداۋ جٷرگٸزٸپ, 2021 جەنە 2020 جىلدارى كوروناۆيرۋستىق ينفەكتسييامەن اۋىرعانداردىڭ سانىن سالىستىردىق. نەتيجەسٸندە 2021 جىلى كۆي-مەن اۋىراتىندار سانى 5 ەسە, ال اۋىر ناۋقاستار سانى 20 ەسە ٶسكەنٸن كٶردٸك», - دەدٸ ينفەكتسيونيست.
ول اتا-انالاردى بالالارىنىڭ رەسپيراتورلى اۋرۋ بەلگٸلەرٸ بار تۋىستارىمەن, جاقىندارىمەن, تانىستارىمەن قارىم-قاتىناستا بولماۋ كەرەكتٸگٸن ايرىقشا اتاپ ٶتتٸ. سەبەبٸ كوروناۆيرۋستىڭ بەلگٸلەرٸ ۇقساس: جۇتقىنشاقتىڭ اۋىرۋى, جٶتەل جەنە ت. ب.
دەرٸگەر ۆاكتسيناتسييانى COVID-19-دان قورعانۋدىڭ وڭتايلى جەنە تيٸمدٸ شاراسى دەپ اتادى.
«بٷكٸل ەلەمدٸك قاۋىمداستىق ۆاكتسيناتسييانىڭ تيٸمدٸلٸگٸنە كٶز جەتكٸزدٸ. ەگەر بالامىزدى اۋىر اسقىنۋلاردان ساقتاعىمىز كەلسە مٸندەتتٸ تٷردە ۆاكتسيناتسييالاۋىمىز كەرەك. 2021 جىلى ۆاكتسيناتسييانى ۋاقىتىلى العانداردى قۇتقارۋ مٷمكٸن بولدى, ال ۆاكتسينانىڭ تٶلقۇجاتىن ساتىپ العانداردان ايىرىلىپ قالدىق. بالالار بۇل اۋرۋدى وڭاي ٶتكەرسە دە ۆيرۋستىڭ كەيٸنگٸ سالدارى قانداي بولارىن بٸلمەيمٸز. كوروناۆيرۋسقا قارسى ۆاكتسيناتسييا بٷگٸنگٸ تاڭدا ەڭ تيٸمدٸ الدىن الۋ شارالارىنىڭ بٸرٸ بولىپ سانالادى», - دەپ قورىتىندىلادى ديناگٷل باەشەۆا.
