كٶلەڭكەلٸ ەكونوميكا مەسەلەسٸن شەشٸپ الساق, اشىقتىق ارقىلى ەكونوميكامىزدىڭ دامۋ ٷردٸسٸن كٶرەر ەدٸك. قر مەجٸلٸسٸنٸڭ دەپۋتاتى ومارحان ٶكسٸكباەۆ مەملەكەت باسشىسىنىڭ بٷگٸنگٸ جولداۋىنا قاتىستى وسىنداي پٸكٸر بٸلدٸردٸ, دەپ حابارلايدى قازاقپارات.
«مەملەكەت باسشىسى ەكونوميكامىزدا كٶلەڭكەلٸ ەكونوميكانىڭ ٷلەسٸ ٷلكەن ەكەنٸن ايتىپ ٶتتٸ. ول ەكونوميكامىزدىڭ ٷشتەن بٸرٸ - كٶلەڭكەلٸ ەكونوميكا ەكەنٸنە, ونىڭ قاۋٸپ-قاتەرٸنە جەنە سىبايلاس جەمقورلىققا ەكەپ وتىرعانىنا باسا نازار اۋداردى. ول قۇقىق قورعاۋ ورگاندارىنىڭ باستى جۇمىسى - كٶلەڭكەلٸ ەكونوميكامەن كٷرەس بولۋى كەرەكتٸگٸن ايتتى. بۇل - ٶتە دۇرىس تاپسىرما. وسى مەسەلەنٸ شەشٸپ الساق, اشىقتىق ارقىلى ەكونوميكامىزدىڭ دامۋ ٷردٸسٸن كٶرەر ەدٸك», - دەيدٸ قر مەجٸلٸسٸنٸڭ دەپۋتاتى ومارحان ٶكسٸكباەۆ.
ول مەملەكەت باسشىسىنىڭ تەڭگەنٸ بٸر قالىپقا كەلتٸرۋ مەسەلەسٸن قوزعاعانىنا توقتالىپ ٶتتٸ.
«تەڭگەنٸڭ تۇراقسىزدىعى بيزنەستٸك ينۆەستيتسييا جاساۋعا ۇمتىلىستىڭ جوقتىعىنا, شەتەلدٸك ينۆەستورلاردىڭ سەنٸمسٸزدٸك تانىتۋىنا ەكەلٸپ وتىرعانى بەلگٸلٸ. وسى مەسەلەنٸڭ بەرٸن دەر كەزٸندە شەشە الساق, بۇل ەرتەڭگٸ كٷنٸ تەڭگەمٸزدٸڭ تۇراقتانۋىنا جەنە ينۆەستيتسييالىق كليماتتىڭ قالىپقا كەلۋٸنە سەپتٸگٸن تيگٸزەر ەدٸ. سونداي-اق, ەلٸمٸزدە زاڭ اياسىندا قىرىققا جۋىق سالىق پەن تٷسٸمدەر بار ەكەنٸ بەلگٸلٸ. مەملەكەت باسشىسىنىڭ تاپسىرماسىمەن ونى وڭتايلاندىرىپ, ناقتىلاپ, ەكونوميكاعا جۇمىس ٸستەيتٸن جەنە بيۋدجەتكە ٶز مۇقتاجىن شەشەتٸن جاعداي تۋعىزۋ كٶزدەلٸپ وتىر», - دەيدٸ ول.
