استانادا ولجاس سٷلەيمەنوۆتٸڭ نەمەرەسٸ, 27 جاستاعى ەسكەندٸر سٷلەيمەنوۆ قازا تاپقان جول اپاتىنا قاتىستى سوت وتىرىسى جالعاسۋدا, دەپ حابارلايدى Sputnik قازاقستان تٸلشٸسٸ.
قىزىلوردا وبلىسى ٸشكٸ ٸستەر دەپارتامەنتٸ باستىعىنىڭ قىزى ماليكا مۇحيتوۆا 22 ماۋسىم كٷنٸ استانادا موتوتسيكلمەن كەلە جاتقان 27 جاستاعى ەسكەندٸر سٷلەيمەنوۆتٸ كٶلٸگٸمەن قاعىپ كەتكەن ەدٸ. ولجاس سٷلەيمەنوۆتٸڭ نەمەرەسٸ وقيعا ورنىندا جان تاپسىردى.
جول اپاتىنا قاتىستى العاشقى سوت وتىرىسى استانا قالاسى ەسٸل اۋدانىنىڭ ەكٸنشٸ قالالىق سوتىندا 12 قازاندا باستالدى. العاشقى وتىرىسقا جەبٸرلەنۋشٸ تاراپتان تەك ادۆوكات قانا قاتىسقان بولاتىن. بۇل جولى سوت وتىرىسىنا مارقۇم ەسكەندٸر سٷلەيمەنوۆتٸڭ ەكەسٸ دە كەلدٸ.
جاۋاپ الۋ بارىسىندا ايىپتالۋشى ماليكا مۇحيتوۆا جەبٸرلەنۋشٸ تاراپتان جىلاپ كەشٸرٸم سۇرادى.
"سٸزدەردەن كەشٸرٸم سۇرايمىن. بۇعان دەيٸن مٷمكٸندٸك بولعان جوق. كٷن سايىن اللادان مەنٸ كەشٸرۋلەرٸڭٸزدٸ سۇرايمىن. مەن بۇلاي بولعانىن قالاعان جوقپىن. سٸزدەرگە قانشالىقتى اۋىر ەكەنٸن بٸلەمٸن, بەرٸمٸز ٷشٸن اۋىر. مەنٸ كەشٸرٸڭٸزدەر, ٶتٸنەمٸن. شىن ايتامىن. بارلىقتارىڭىزدان كەشٸرٸم سۇرايمىن", — دەپ جىلاپ كەشٸرٸم سۇرادى ول.
ماليكانىڭ ايتۋىنشا, ول جول اپاتى بولعان كٷنٸ جۇمىستان شىعىپ, ٷيٸنە بارا جاتقان. سول كٷنٸ ولاردى جۇمىستان ەرتە بوساتىپتى.
"جولشىباي مەڭگٸلٸك ەل مەن كەرەي مەن جەنٸبەك حاندار كٶشەسٸنٸڭ قيىلىسىنداعى ازىق-تٷلٸك دٷكەنٸنە كٸردٸم. شىققاننان كەيٸن كٶلٸككە وتىرىپ, كەرەي مەن جەنٸبەك حاندار كٶشەسٸنە بۇرىلۋ ٷشٸن سول جاققا قاراي ىڭعايلانا باستادىم. جان-جاعىما قارادىم, ەشتەڭە كٶرٸنگەن جوق. سولعا بۇرىلا باستاعان كەزدە, وڭ جاعىمنان بٸر نەرسە زۋ ەتٸپ, مەنٸڭ كٶلٸگٸمە سوعىلدى.
مەن شوشىپ كەتتٸم, دەل سول سەتتە نە بولعانىن تٷسٸنبەي دە قالدىم. كٶلٸكتەن شىقتىم, قاراسام, اسفالتتا بٸر جٸگٸت جاتىر. بارلىعى جٷگٸرٸپ كەلدٸ, سول كٷنٸ ٶتە كٶپ ادام بولدى…جەدەل جەردەم شاقىرماقشى بولدىم, بٸراق قاسىمدا تۇرعان جٸگٸت شاقىرىپ قويىپتى", — دەدٸ ماليكا.
جول اپاتىنان كەيٸن بٸردەن ەكەسٸنە حابارلاسقان. ايتۋىنشا, كٶلٸكتٸ 2012 جىلدان باستاپ جٷرگٸزەدٸ.
"وقيعا ورنىندا سوڭىنا دەيٸن بولدىم. كەيٸن مەنٸ ٸشٸمدٸك ٸشكەن-ٸشپەگەنٸمدٸ تەكسەرۋ ٷشٸن الىپ كەتتٸ. ودان سوڭ جاۋاپ الۋ ٷشٸن بٶلٸمشەگە الىپ كەتتٸ", — دەدٸ ول.
ماليكا مۇحيتوۆا ٶزٸنٸڭ كٸنەسٸن تولىعىمەن مويىندادى.
