ولجاس سٷلەيمەنوۆتٸڭ نەمەرەسٸ ەسكەندٸر سٷلەيمەنوۆتٸڭ جول اپاتىنان كٶز جۇمۋ جاعدايى بويىنشا جەبٸرلەنۋشٸ تاراپتىڭ سوت وتىرىسىن شەگەرۋ تۋرالى ٶتٸنٸشٸ ماقۇلداندى, دەپ حابارلايدى قازاقپارات تٸلشٸسٸ.
ايتا كەتسەك, استانا قالاسىنىڭ ەسٸل اۋداندىق №2 سوتىندا ولجاس سٷلەيمەنوۆتٸڭ 26 جاستاعى نەمەرەسٸ ەسكەندٸر سٷلەيمەنوۆتٸڭ جول اپاتىنان كٶز جۇمۋ جاعدايى بويىنشا سوت پروتسەسٸ بٷگٸن باستالعان بولاتىن.
جەبٸرلەنۋشٸ تاراپ كۋەگەرلەردٸڭ بەرٸ سوتقا كەلە الماعاندىقتان, سوت وتىرىسىن كەيٸنگە شەگەرۋدٸ سۇرادى.
«سوت جەبٸرلەنۋشٸ تاراپىنىڭ ٶكٸلٸ ساندينوۆ دامير نۇراحمەتۇلىنىڭ ٶتٸنٸشٸن ماقۇلداي وتىرىپ, قىلمىستىق ٸستٸ قاراۋدى 17 قازان كٷنٸ ساعات 15:00-گە اۋىستىرادى», - دەدٸ سۋديا قانات توباعاليۇلى.
ەسكە سالا كەتسەك, وسى جىلدىڭ ماۋسىمىندا استاناداعى جان تٷرشٸگەرلٸك جول اپاتىندا ولجاس سٷلەيمەنوۆتٸڭ 26 جاستاعى نەمەرەسٸ ەسكەندٸر سٷلەيمەنوۆ مەرت بولعان ەدٸ. اپات 22 ماۋسىم كٷنٸ استاناداعى «مەڭگٸلٸك ەل» داڭعىلى مەن «كەرەي مەن جەنٸبەك حاندار» كٶشەسٸنٸڭ قيىلىسىندا بولعان. موتوتسيكل تٸزگٸندەگەن ەسكەندٸردٸ بەلگٸسٸز كٶلٸك قاققان جەنە ول وقيعا ورنىنان قاشىپ كەتكەن.
ارادا كٶپ ٶتپەي استانا قالالىق ٸشكٸ ٸستەر دەپارتامەنتٸ اپاتقا سەبەپكەر بولۋى مٷمكٸن «Hyundai» اۆتوكٶلٸگٸنٸڭ يەسٸ, 29 جاستاعى استانالىق ەيەلگە قاتىستى تەرگەۋ امالدارى جٷرٸپ جاتقانىن حابارلاعان ەدٸ.
سونداي-اق استانا قالاسىنىڭ ٸشكٸ ٸستەر دەپارتامەنتٸ ولجاس سٷلەيمەنوۆتٸڭ نەمەرەسٸ - ەسكەندٸر سٷلەيمەنوۆتٸ كٶلٸگٸمەن قاعىپ ٶلتٸرگەن جٷرگٸزۋشٸ قىزىلوردا وبلىستىق ٸشكٸ ٸستەر دەپارتامەنتٸ باستىعىنىڭ قىزى ەكەنٸن راستاعان.
