قازاقستاننىڭ حالىق جازۋشىسى, اقىن, قوعام قايراتكەرٸ ولجاس سٷلەيمەنوۆ ەيەلٸمەن بٸرگە كوروناۆيرۋستان ەمدەلٸپ جاتىر, دەپ حابارلايدى "ۇلت اقپارات".
الماتى قالالىق قوعامدىق دەنساۋلىق باسقارماسىنىڭ حابارلاۋىنشا, ولجاس سٷلەيمەنوۆ پەن جارى مارگاريتا ۆلاديميروۆنا 2021 جىلدىڭ 5 قاڭتارىنان باستاپ الماتى قالالىق كلينيكالىق ينفەكتسييالىق اۋرۋحانادا ەمدەلٸپ جاتىر. ولارعا جەڭٸل دەرەجەدەگٸ كوروناۆيرۋس دياگنوزى قويىلعان.
"ناۋقاستار جاعدايىنىڭ جاقسارۋىنا بايلانىستى 15 قاڭتاردا ٷيدە ەمدەلۋگە شىعارۋ جوسپارلانعان", - دەدٸ باسقارمانىڭ باسپاسٶز قىزمەتٸ.
سٷلەيمەنوۆ پەن جارىنىڭ كوروناۆيرۋس جۇقتىرعانى تۋرالى Facebook جەلٸسٸندە بيگەلدٸ عابدۋللين جازدى.
"ولجاس ومارۇلى سٷلەيمەنوۆ جەنە ونىڭ جۇبايى مارگاريتا ۆلاديميروۆنا ورتالىق كلينيكالىق اۋرۋحانادا بٸر اپتا بويى پروفيلاكتيكادا جاتتى, شاماسى ولار قارعىس اتقان ۆيرۋستى سول جەردە جۇقتىردى. بٷگٸن ارنايى بريگادا ولاردى كوروناۆيرۋس جۇقتىرعاندارعا ارنالعان اۋراحاناعا اپاردى. ول جاققا كٸرگٸزبەيدٸ. مارگاريتا ۆلاديميروۆنا ولجەكەڭە قاراعاندا اۋىر حالدە جاتىر. دەرٸگەرلەر قولدان كەلگەننٸڭ بەرٸن جاساۋدا. ولاردىڭ قىزى مەدينامەن سٶيلەستٸم. ول الاڭداۋعا نەگٸز جوق ەكەنٸن, ەمدەۋ قالىپتى جٷرٸپ جاتقانىن ايتتى", - دەدٸ عابدۋللين.
ايتا كەتەيٸك, اقىن, ەدەبيەتتانۋشى, لينگۆيست-زەرتتەۋشٸ, تٷركولوگ, مەملەكەت جەنە قوعام قايراتكەرٸ ولجاس سٷلەيمەنوۆ 1936 جىلى 18 مامىردا الماتى قالاسىندا دٷنيەگە كەلگەن. 2020 جىلدىڭ جەلتوقسانىندا سٷلەيمەنوۆ يۋنەسكو اياسىندا قۇرىلعان مەدەنيەتتەردٸ جاقىنداستىرۋ حالىقارالىق ورتالىعىنىڭ ديرەكتورى بولدى.
