قازاقستان پرەمەر-مينيسترٸ ولجاس بەكتەنوۆ مەملەكەت باسشىسى قاسىم-جومارت توقاەۆتىڭ تاپسىرمالارىن ورىنداۋ اياسىندا اتىراۋ وبلىسىندا سۋ باسۋ قاۋپٸن ازايتۋ ٷشٸن قابىلدانىپ جاتقان شارالاردىڭ بارىسىن تەكسەردٸ, دەپ حابارلايدى Primeminister.kz.
ولجاس بەكتەنوۆ وبلىس ورتالىعىنداعى تۇرعىن ٷي الاپتارى بەكٸنٸستەرٸن تەكسەرۋ بارىسىندا اتىراۋ قالاسىنىڭ سۋ تاسقىنىنىڭ بولجامدى ەكٸنشٸ تولقىنىنا دايىندىق جۇمىستارىمەن تانىستى. باتىس ٶڭٸردە رەسەي فەدەراتسيياسىنىڭ يريكلين سۋ قويماسىنان سۋدىڭ كەلۋٸنە بايلانىستى, سونداي-اق جايىق ٶزەنٸنە قۇيىلار ساعاداعى ٸرٸ تاسقىن مەن سۋ دەڭگەيٸنٸڭ كٶتەرٸلۋٸ سالدارىنان جاعداي كٷردەلٸ كٷيٸندە قالىپ وتىر.
بۇرىن حابارلانعانداي, باتىس قازاقستان وبلىسىنداعى ٸرٸ سۋ تاسقىنىنان كەيٸن اعىن سۋ ٶزەن ارناسىمەن اتىراۋ وبلىسىنا قاراي جىلجىپ, كاسپيي تەڭٸزٸنە قۇيادى. سوڭعى تەۋلٸكتە بقو تاراپىنان كەلەتٸن سۋدىڭ ەسەرٸنەن اتىراۋ قالاسىندا سۋ دەڭگەيٸنٸڭ 6 سم-گە كٶتەرٸلۋٸ تٸركەلدٸ (سۋ تاسقىنى باستالعاننان بەرٸ جالپى كٶتەرٸلۋٸ 227 سم-دٸ قۇرادى).
تۇرعىن ٷي الاپتارىن نىعايتۋ, سونداي-اق جايىقتىڭ ٶتكٸزۋ قابٸلەتٸن ارتتىرۋ ٷشٸن ٶزەن تٷبٸن تەرەڭدەتۋ جۇمىستارىنىڭ قارقىنى تەكسەرٸلدٸ. تيٸستٸ كٷشتەردٸڭ كٶلەمدٸ سۋدىڭ كەلۋٸنە دايىندىق دەڭگەيٸن قاراپ كٶردٸ.
ٷكٸمەت باسشىسى ولجاس بەكتەنوۆ اتىراۋ وبلىسىنا سۋ تاسقىنى جاعدايى تۇراقتانعان ٶڭٸرلەردەن ەسكەري قىزمەتشٸلەر مەن تەحنيكانى جەدەل جەتكٸزٸپ, كٷشتەردٸ ارتتىرۋدى تاپسىردى.
بٷگٸنگٸ تاڭدا سۋ تاسقىنىنىڭ الدىن الۋ شارالارىنىڭ 92%-ى ورىندالدى. جۇمىستى تيٸمدٸ جٷرگٸزۋ ٷشٸن قالا 111 سەكتورعا بٶلٸنگەن. ۇزىندىعى 482 كم قورعانىس بٶگەتتەرٸ سالىندى, اياقتالعان ۋچاسكەلەر تەحنيكالىق قاداعالاۋ ارقىلى تەكسەرٸلدٸ. جۇمىستارعا تجم, ٸٸم, قورعانىس مينيسترلٸگٸ, ۇلتتىق ۇلاننىڭ 6 مىڭعا جۋىق ەسكەري قىزمەتشٸسٸ, ەكٸمدٸك قىزمەتكەرلەرٸ, 2 مىڭعا جۋىق تەحنيكا جۇمىلدىرىلعان. ەرٸكتٸلەر تاراپىنان بەلسەندٸ كٶمەك كٶرسەتٸلۋدە. ٶتكەن سەنبٸدە جاعالاۋدى نىعايتۋ سەنبٸلٸگٸ اياسىندا قالانى قورعاۋ جۇمىستارىنا 9 مىڭعا جۋىق ەرٸكتٸ قاتىستى.
سونىمەن قاتار جايىق ٶزەنٸنەن كاسپيي تەڭٸزٸنە سۋ ٶتكٸزۋ قابٸلەتٸن ارتتىرۋ ٷشٸن ٶزەن تٷبٸن تەرەڭدەتۋ جۇمىستارى جٷرگٸزٸلۋدە. سۋ جولدارىن تازارتۋ, تەرەڭدەتۋ جەنە كەڭەيتۋ ماقساتىندا ارنايى تەحنيكالىق فلوتتىق كەمەلەر, گيدراۆليكالىق ەكسكاۆاتورلار قولدانىلۋدا.
سونىمەن قاتار سۋارۋ-سۋلاندىرۋ جٷيەلەرٸندە سۋ تاسقىنىنا قارسى جۇمىستار جٷرگٸزٸلۋدە. اتىراۋ وبلىسىندا 15 كانالدىڭ 14-ٸ جايىق ٶزەنٸ بويىندا ورنالاسقان. تٶرت جٷيەدە (سوكولوك, نارىن, چەرنايا رەچكا, باقساي) تاسقىن سۋدىڭ ٶزدٸگٸمەن اعۋىنا مٷمكٸندٸك بار. وسىعان بايلانىستى سۋدى بۇرۋ ٷشٸن جەر بەدەرٸن پايدالانۋ ماقساتىندا ارنالار تازارتىلىپ, كانالدىڭ جيەگٸ بۇزىلادى. مىسالى, NCOC كومپانيياسى قولدانىستاعى قۇرىلىستاردى بٶلشەكتەي وتىرىپ, ۇزىندىعى 24 كم بولاتىن «سوكولوك» قوسىمشا اينالما ارناسىن سالۋ ٷشٸن جەردٸ قازۋ جۇمىستارىن جٷرگٸزۋدە. جالپى العاندا, اتالعان سۋ بۇرۋ ارنالارى تاسقىن سۋدى 139,9 م3/سەك اعىزۋ مٷمكٸندٸگٸنە يە. بارلىق نەگٸزگٸ سۋ قابىلداعىشتاردا سورعى ستانسالارىنىڭ قىزمەتكەرلەرٸ تەۋلٸك بويى كەزەكشٸلٸك اتقارۋدا.
