فوتو:primeminister.kz
پرەمەر-مينيستر ولجاس بەكتەنوۆ جۇمىس ساپارىمەن ەلٸمٸزدٸڭ باتىسىنا باردى. باستى ماقسات – مەملەكەت باسشىسىنىڭ سۋ تاسقىنىنان زارداپ شەككەن ازاماتتاردى باسپانامەن قامتاماسىز ەتۋ جٶنٸندەگٸ تاپسىرمالارىنىڭ ورىندالۋ بارىسىن تەكسەرۋ.
جۇمىس كەستەسٸنەن ارتتا قالۋ بايقالعان باتىس قازاقستان جەنە اقتٶبە وبلىستارىنىڭ اۋىلدارى مەن كەنتتەرٸنە باسا نازار اۋدارىلادى (بيىلعى 17 شٸلدەدەگٸ پرەمەر-مينيستردٸڭ تٶراعالىعىمەن ٶتكەن سۋ تاسقىنىنان كەيٸن تۇرعىن ٷيلەر مەن ينفراقۇرىلىمدى قالپىنا كەلتٸرۋ مەسەلەلەرٸ جٶنٸندەگٸ كەڭەس).
باتىس قازاقستان وبلىسىندا ٷكٸمەت باسشىسى تەرەكتٸ اۋدانىنداعى پودستەپنوە اۋىلىندا, دەركٶل كەنتٸندە جەنە ورال قالاسىنداعى «جۇلدىز» ىقشاماۋدانىندا بولدى, مۇندا جالپى سانى 400-گە جۋىق تۇرعىن ٷي قۇرىلىسى جٷرگٸزٸلۋدە. تەكسەرۋ بارىسىندا الداعى سۋىق مەزگٸلدٸ ەسكەرە وتىرىپ, جۇمىس قارقىنى مەن تۇرعىن ٷي ينفراقۇرىلىمىنىڭ قونىستانۋعا دايىندىعىن قامتاماسىز ەتۋ مەرزٸمدەرٸ باعالاندى.
تەرەكتٸ اۋدانى پودستەپنوە اۋىلىندا 3 بٶلمەلٸ 106 تۇرعىن ٷيدٸڭ قۇرىلىسى جٷرٸپ جاتىر. جۇمىس بيىلعى مامىر ايىندا باستالعان بولاتىن. بٷگٸندە ٸرگەتاسىن قۇيۋ جۇمىسى تولىعىمەن اياقتالدى, 43 ٷيدٸڭ قابىرعاسى تۇرعىزىلىپ جاتىر, 62 ٷيدٸڭ شاتىرى جابىلۋدا. نىساندارعا 8 مەردٸگەر ۇيىم, شامامەن 330 ادام جەنە 56 تەحنيكا جۇمىلدىرىلعان. تامىز ايىنىڭ ورتاسىندا پايدالانۋعا بەرۋ كٶزدەلگەن.
فوتو:primeminister.kz
دەركٶل كەنتٸندە 103 تۇرعىن ٷي جاڭا ۋچاسكەلەردە سالىنىپ جاتىر. قازٸرگٸ ۋاقىتتا ٸرگەتاس قۇيۋ جۇمىستارى تولىعىمەن اياقتالدى, 24 نىساندا ٸشكٸ ەرلەۋ جٷرگٸزٸلٸپ جاتىر. وعان 5 مەردٸگەر ۇيىم جۇمىلدىرىلدى. جۇمىس بيىلعى قىركٷيەك ايىندا اياقتالادى دەپ جوسپارلانعان.
ورال قالاسىنىڭ «جۇلدىز» ىقشاماۋدانىندا 191 نىسان جاڭا جەردە سالىنىپ جاتىر. تۇرعىن ٷيلەردٸ ۋاقىتىلى تاپسىرۋ ٷشٸن 17 مەردٸگەر مەكەمە جۇمىسقا تارتىلدى. بٷگٸنگٸ تاڭدا بارلىق ٷيدٸڭ ٸرگەتاسى قۇيىلعان, 178 ٷيدٸڭ قابىرعاسى قالانۋدا, 49 نىساننىڭ شاتىرى جابىلىپ جاتىر.
فوتو:primeminister.kz
پرەمەر-مينيستر سۋ تاسقىنىنان زارداپ شەككەن تۇرعىنداردى جاڭا باسپانامەن ۋاقىتىلى قامتاماسىز ەتۋ ٷشٸن جۇمىس بارىسىن قاتاڭ باقىلاۋ قاجەتتٸگٸن اتاپ ٶتتٸ.
«ٶڭٸر قاجەتتٸ قارقىن الۋى كەرەك. ساپالى, قاۋٸپسٸز جەنە جايلى تۇرعىن ٷيمەن قامتاماسىز ەتۋ مٸندەتٸ – ٷكٸمەتتٸڭ نەگٸزگٸ باسىمدىعى. بارلىق قۇرىلىس نىساندارىندا باقىلاۋدى كٷشەيتۋ قاجەت. وبلىستا باسپانالارىن كٷتٸپ, ۋاقىتشا جەرلەردە تۇرىپ جاتقان وتباسىلار قاتارى كٶپ. قۇرىلىس جۇمىستارىن جەدەلدەتٸپ, 2-3 اۋىسىمدىق جۇمىس كەستەسٸنە كٶشۋ قاجەت. تولىق جۇمىلدىرۋدى قامتاماسىز ەتۋدٸ تاپسىرامىن», — دەدٸ ولجاس بەكتەنوۆ.
سونىمەن قاتار ينجەنەرلٸك جەلٸلەردٸ, جول جەنە ەلەۋمەتتٸك ينفراقۇرىلىمدى قالپىنا كەلتٸرۋ بويىنشا تاپسىرمالار بەرٸلدٸ. سالىنىپ جاتقان اۋدانداردا ٸلەسپە ينفراقۇرىلىم مەن اباتتاندىرۋدى الدىن الا قاراستىرۋ قاجەت. جاڭا تۇرعىن اۋدانداردىڭ جانىندا 1 500 ورىنعا ارنالعان «جايلى مەكتەپتەردٸڭ» قۇرىلىسى جٷرگٸزٸلۋدە. وبلىس ەكٸمدٸگٸنٸڭ مەلٸمەتٸنشە, جۇمىستار بيىلعى كٷزدە اياقتالادى.
فوتو:primeminister.kz
انىقتاما: ٷكٸمەت سۋ تاسقىنى سالدارىن جويۋ جەنە زارداپ شەككەن ازاماتتارعا جان-جاقتى كٶمەك كٶرسەتۋ بويىنشا جۇمىستى جالعاستىرۋدا. 70 مىڭنان استام ادام ٶز ٷيلەرٸنە ورالدى. زارداپ شەككەن ايماقتاردا تۇرعىن ٷيلەردٸڭ 100%-ى تەكسەرٸلدٸ. جالپى سوماسى 44,2 ملرد تەڭگەگە 7 823 وتباسى باسپاناسىن جٶندەۋگە جەنە قالپىنا كەلتٸرۋگە ٶتەماقى الدى. 3 987 وتباسى قيراعان باسپاناسىنىڭ ورنىنا جاڭا ٷي مەن پەتەرلەرگە قونىستاندى. 2 578 ٷي سالىنىپ جاتىر. 34 023 وتباسى 12,5 ملرد تەڭگەدەن استام سوماعا 100 اەك مٶلشەرٸندە بٸرجولعى تٶلەم الدى. 20 913 وتباسىنا جالپى سوماسى 9,5 ملرد تەڭگەگە 150 اەك-كە دەيٸنگٸ مٶلشەردە جوعالعان بٸرٸنشٸ قاجەتتٸلٸكتەگٸ زاتتارىن ساتىپ الۋ ٷشٸن قوسىمشا ٶتەماقى تٶلەندٸ. سۋعا كەتكەن مال ٷشٸن بەرٸلگەن مەملەكەتتٸك كٶمەك كٶلەمٸ 2,8 ملرد تەڭگەدەن استى. زارداپ شەككەن بيزنەسكە كەلتٸرٸلگەن زالالدى ٶتەۋ بويىنشا شوب سۋبەكتٸلەرٸنٸڭ جالپى سوماسى شامامەن 1,5 ملرد تەڭگەگە 252 ٶتٸنٸمٸ قارالىپ, ماقۇلداندى.
فوتو:primeminister.kz
