قىتايداعى «جازعى داۆوس» دٷنيەجٷزٸلٸك ەكونوميكالىق فورۋمىنىڭ 17-شٸ جىل سايىنعى كەزدەسۋٸ اياسىندا قازاقستان رەسپۋبليكاسىنىڭ پرەمەر-مينيسترٸ ولجاس بەكتەنوۆ ٶنەركەسٸپ پەن تسيفرلاندىرۋ سالاسىندا جەتەكشٸ ورىندارعا يە قىتايلىق ٸرٸ كومپانييالاردىڭ باسشىلارىمەن كەزدەسۋلەر ٶتكٸزدٸ. ولاردىڭ ٸشٸندە, Yulin Irrigation باس ديرەكتورى تسي يۋبو, Xiamen Wanli Stone ديرەكتورلار كەڭەسٸنٸڭ تٶراعاسى حۋ تسزينپەي, SuperX AI Technology Limited ديرەكتورلار كەڭەسٸنٸڭ تٶراعاسى ەرٸ CEO حۋان چەنحۋن, Jinyi Holding Group ديرەكتورلار كەڭەسٸنٸڭ تٶراعاسى تسزين پەن, Guangzhou Automobile Group ديرەكتورلار كەڭەسٸنٸڭ تٶراعاسى فەن سينيا, CATL كومپانيياسىنىڭ نەگٸزٸن قالاۋشى جەنە ديرەكتورلار كەڭەسٸنٸڭ تٶراعاسى تسەن يۋيتسيۋن, CISDI Engineering ۆيتسە-پرەزيدەنتٸ يۋن ليۋ بار.
قازاقستان ٷشٸن باسىم سالالاردا – اٶك, ٶنەركەسٸپ, كٶمٸر حيميياسى, اۆتوموبيل جاساۋ جەنە داتا-ورتالىقتار قۇرۋدا جاڭا شەتەلدٸك جوبالاردى ٸسكە قوسۋ پەرسپەكتيۆالارىنا نازار اۋدارىلدى. مەملەكەت باسشىسى قاسىم-جومارت توقاەۆ قويعان مٸندەتتەر شەڭبەرٸندە شەتەل ينۆەستيتسييالارىن تارتۋ, ٶندٸرٸستەردٸ لوكاليزاتسييالاۋ جەنە تەحنولوگييالار ترانسفەرتٸنٸڭ مٷمكٸندٸكتەرٸ قارالدى.
Yulin Irrigation كومپانيياسىنىڭ باس ديرەكتورى تسي يۋبومەن كەزدەسۋدە قازاقستاندا زاماناۋي يرريگاتسييالىق تەحنولوگييالاردى ەنگٸزۋ مەسەلەلەرٸ تالقىلاندى, ونىڭ ٸشٸندە قىزىلوردا وبلىسىندا يرريگاتسييالىق جابدىقتاردى قۇراستىرۋ جوباسى دا بار. سۋ رەسۋرستارىن ۇتىمدى پايدالانۋ جەنە يرريگاتسييالىق ينفراقۇرىلىمدى دامىتۋ – قازاقستاننىڭ اۋىل شارۋاشىلىعى سالاسىنداعى مەملەكەتتٸك ساياساتىنىڭ نەگٸزگٸ باسىمدىقتارىنىڭ بٸرٸ. ەلٸمٸز زاماناۋي سۋارۋ تەحنولوگييالارىن ەنگٸزۋ ارقىلى اگرارلىق سەكتوردىڭ ٶنٸمدٸلٸگٸن ارتتىرۋعا مٷددەلٸ. Yulin Irrigation – قازٸرگٸ زامانعى سۋارۋ جٷيەلەرٸن ەزٸرلەۋگە, ٶندٸرۋگە, ەنگٸزۋگە جەنە سەرۆيستٸك قولداۋعا ماماندانعان قحر-داعى يرريگاتسييالىق جابدىقتاردى جەتەكشٸ ٶندٸرۋشٸلەردٸڭ بٸرٸ.
Xiamen Wanli Stone ديرەكتورلار كەڭەسٸنٸڭ تٶراعاسى حۋ تسزينپەيمەن كٶمٸر حيميياسى, مەتاللۋرگييا جەنە مينەرالدى شيكٸزاتتى تەرەڭ ٶڭدەۋدەگٸ ىنتىماقتاستىق پەرسپەكتيۆالارى قاراستىرىلدى. جوبادا كٶمٸردٸ جارتىلاي كوكس, سۋتەگٸ جەنە جوعارى ساپالى مۇناي ٶنٸمدەرٸنە اينالدىراتىن, سونداي-اق موليبدەن, گەرمانيي جەنە رەنيي سيياقتى سيرەك مەتالداردى تەرەڭ ٶڭدەيتٸن قوسىلعان قۇنى جوعارى «كٶمٸر–ەلەكتر ەنەرگيياسى–حيمييا–مەتاللۋرگييا» ينتەگراتسييالانعان تٸزبەگٸن قۇرۋ كٶزدەلگەن.
SuperX AI Technology Limited ديرەكتورلار كەڭەسٸنٸڭ تٶراعاسى ەرٸ CEO حۋان چەنحۋنمەن قازاقستاندا زاماناۋي دەرەكتەر ورتالىقتارىن قۇرۋ جوسپارى تالقىلاندى.
كومپانييا جي-ينفراقۇرىلىمدارعا جەنە جوعارى تىعىزدىقتاعى دەرەكتەردٸ ٶڭدەۋ ورتالىقتارىنا ارنالعان شەشٸمدەردٸ دامىتۋمەن اينالىسادى ەرٸ قازاقستاندا 2026-2029 جىلدارى كەزەڭ-كەزەڭٸمەن ٸسكە قوسىلاتىن, قۋاتى 1 گۆت-قا دەيٸن جەتەتٸن AI Data Center كلاستەرٸن قۇرۋعا مٷددەلٸ. جي-كامپۋس سالۋ, ەنەرگييامەن جابدىقتاۋدى جەنە تسيفرلىق ينفراقۇرىلىمدى دامىتۋ, سونداي-اق دەرەكتەردٸ ٶڭدەۋ ورتالىقتارى ٷشٸن سەرۆەرلٸك جابدىقتار مەن تەحنولوگييالىق شەشٸمدەردٸ جەتكٸزٸپ بەرۋ كٶزدەلٸپ وتىر.
ەكونوميكانىڭ بارلىق سەكتورلارىنا جاساندى ينتەللەكتٸنٸ ەنگٸزۋ جەنە تسيفرلاندىرۋ قازاقستان ٷشٸن ستراتەگييالىق ماڭىزعا يە. پرەزيدەنت قاسىم-جومارت توقاەۆتىڭ تاپسىرماسى بويىنشا 2026 جىل تسيفرلاندىرۋ جەنە جاساندى ينتەللەكت جىلى بولىپ جارييالاندى. سونداي-اق پرەزيدەنتتٸڭ جارلىعىمەن ەلٸمٸزدٸڭ تەحنولوگييالىق دامۋىنىڭ جاڭا باسىمدىقتارىن ايقىندايتىن 2029 جىلعا دەيٸنگٸ «تسيفرلىق قازاقستان» جالپىۇلتتىق ستراتەگيياسى بەكٸتٸلدٸ. كەزدەسۋ قورىتىندىسى بويىنشا پرەمەر-مينيستر ۇسىنىستى ەگجەي-تەگجەيلٸ زەردەلەۋ جەنە ينۆەستورمەن ٶزارا ٸس-قيمىلدى ٷيلەستٸرۋ ٷشٸن جۇمىس توبىن قۇرۋدى تاپسىردى.
Jinyi Holding Group ديرەكتورلار كەڭەسٸنٸڭ تٶراعاسى تسزين پەنمەن ارنايى يندۋستريالدى ايماق قۇرۋ جەنە ينۆەستيتسييالىق ىنتىماقتاستىقتى كەڭەيتۋ مەسەلەلەرٸ قارالدى. حولدينگ ٶنەركەسٸپتٸك ينۆەستيتسييالار, لوگيستيكا جەنە جاڭا ەنەرگەتيكا سالاسىندا جۇمىس ٸستەيدٸ. Jinyi Holding Group قازاقستاندا ەكٸ ينۆەستيتسييالىق جوبانى جٷزەگە اسىرۋدا, ولار – اقتٶبەدەگٸ «جاسىل» مىس ٶنەركەسٸبٸ زاۋىتى جەنە باتىس قازاقستان وبلىسىنداعى يندۋسترييالىق-لوگيستيكالىق حاب.
اقتٶبە وبلىسىندا شەتەلدٸك ٶندٸرۋشٸلەردٸ جەدەل لوكاليزاتسييالاۋ ٷشٸن دايىن ينجەنەرلٸك ينفراقۇرىلىمى بار ٸرٸ يندۋسترييالىق-لوگيستيكالىق پاركٸن قۇرۋ باستاماسى بٶلەك تالقىلاندى. تەرەڭ ٶڭدەۋدٸ جەنە ٶنەركەسٸپتٸك كووپەراتسييانى دامىتۋعا ىقپال ەتەتٸن جوعارى قوسىلعان قۇنى بار دايىن ٶنٸمدٸ شىعارۋعا باعىتتالعان ٶندٸرٸسكە باسا نازار اۋدارىلدى.
Guangzhou Automobile Group ديرەكتورلار كەڭەسٸنٸڭ تٶراعاسى فەن سينيامەن كەزدەسۋگە قازاقستاندا اۆتوموبيل ٶندٸرٸسٸن لوكاليزاتسييالاۋ پەرسپەكتيۆالارى ارقاۋ بولدى. GAC كومپانيياسى – Fortune Global 500 رەيتينگٸنە كٸرەتٸن قىتايدىڭ ٸرٸ اۆتوموبيل ٶندٸرۋشٸسٸ.
جوبانى جٷزەگە اسىرۋ GAC اۆتوموبيلدەرٸن قازاقستان نارىعىنا ديستريبۋتسييالاۋدان جەرگٸلٸكتٸ ٶندٸرٸسكە كٶشۋگە مٷمكٸندٸك بەرەدٸ. 2026-2028 جىلدارى ٸشتەن جانۋ قوزعالتقىشتارى مەن گيبريدتٸ كٷشتٸك قوندىرعىلارى بار مودەلدەردٸ قوسا العاندا, 17 مىڭ ماشينا شىعارۋ جوسپارلانۋدا.
قازاقستان ٷشٸن اككۋمۋلياتورلىق باتارەيالار مەن ەنەرگييا جيناقتاۋ جٷيەلەرٸنٸڭ جاڭا تەحنولوگييالىق ٶندٸرٸسٸن قۇرۋ مٷمكٸندٸكتەرٸ CATL كومپانيياسىنىڭ نەگٸزٸن قالاۋشى جەنە ديرەكتورلار كەڭەسٸنٸڭ تٶراعاسى تسەن يۋيتسيۋنمەن تالقىلاندى.
شيكٸزاتتى قايتا ٶڭدەۋدەن باستاپ دايىن اككۋمۋلياتورلاردى, ەنەرگييانى ساقتاۋ جٷيەلەرٸن شىعارۋعا, سونداي-اق پايدالانىلعان باتارەيالاردى كەدەگە جاراتۋعا دەيٸن قوسىلعان قۇنى جوعارى بٸرلەسكەن جوبالاردى جٷزەگە اسىرۋ پەرسپەكتيۆالارى قارالدى. CATL – ەلەكتروموبيلدەر مەن ەنەرگييانى ساقتاۋ جٷيەلەرٸنە ارنالعان ەلەمدەگٸ ەڭ ٸرٸ اككۋمۋلياتور ٶندٸرۋشٸسٸ, ول تارتقىش اككۋمۋلياتورلار نارىعىندا 39,2% جاھاندىق ٷلەستٸ الادى.
CISDI Engineering ۆيتسە-پرەزيدەنتٸ يۋن ليۋمەن كەزدەسۋدە وتاندىق مەتاللۋرگييانى تەحنولوگييالىق جاڭعىرتۋ جەنە وزىق ينجەنەرلٸك شەشٸمدەردٸ ەنگٸزۋ مەسەلەلەرٸ تالقىلاندى. قازاقستاننىڭ مەتاللۋرگييالىق ەلەۋەتٸن نىعايتۋداعى ماڭىزدى قادام بولاتىن شويىندى ارتىق كٷكٸرتتەن ارىلتۋ جٶنٸندەگٸ جوبانى ساپالى ەرٸ ۋاقتىلى جٷزەگە اسىرۋعا ەرەكشە نازار اۋدارىلدى. تاراپتار سونداي-اق CISDI Engineering كومپانيياسىنىڭ ەلٸمٸزدە جاڭا قۇيۋ-جايمالاۋ كەشەنٸن سالۋعا ينجينيرينگتٸك ەرٸپتەس رەتٸندە قاتىسۋ مٷمكٸندٸگٸن قاراستىردى. كومپانييا – مەتاللۋرگييالىق ينجينيرينگ, اۋقىمدى مەتاللۋرگييالىق نىسانداردى كەشەندٸ جوبالاۋ جەنە جٷزەگە اسىرۋ سالاسىنداعى مويىندالعان ەلەمدٸك كٶشباسشىلاردىڭ بٸرٸ.
بيزنەسپەن كەزدەسۋلەر قورىتىندىسىندا ولجاس بەكتەنوۆ قازاقستان ۇزاق ۋاقىت جۇمىس ٸستەۋگە, ٶندٸرٸستٸ لوكاليزاتسييالاۋعا, تەحنولوگييالار ترانسفەرتٸ مەن قوسىلعان قۇنى جوعارى ٶنٸم شىعارۋعا باعدارلانعان ينۆەستورلار ٷشٸن اشىق ەكەنٸن اتاپ ٶتتٸ. پرەمەر-مينيستر قازاقستان قىتاي كومپانييالارىنىڭ ەلٸمٸزدٸڭ ەكونوميكاسىنا ينۆەستيتسييا سالۋعا دەگەن قىزىعۋشىلىعىن ۇزاقمەرزٸمدٸ ستراتەگييالىق ەرٸپتەستٸكتٸڭ نەگٸزٸ رەتٸندە قاراستىراتىنىن ايتتى. ٷكٸمەت جوبالاردىڭ تۇراقتى جۇمىس ٸستەۋٸ جەنە ولاردىڭ ودان ەرٸ كەڭەيۋٸ ٷشٸن قاجەتتٸ جاعدايلار جاساۋعا دايىن. سالالىق مەملەكەتتٸك ورگاندارعا جەنە Kazakh Invest ۇلتتىق كومپانيياسىنا ينۆەستيتسييالىق باستامالاردى ودان ەرٸ سٷيەمەلدەۋ جەنە ولاردى جٷزەگە اسىرۋدىڭ پراكتيكالىق مەسەلەلەرٸن پىسىقتاۋ تاپسىرىلدى.
