قر بٸلٸم جەنە عىلىم مينيسترٸ اسحات ايماعامبەتوۆ ەندٸ پەندٸك وليمپيادالار كانيكۋل ۋاقىتىندا ٶتكٸزٸلمەيتٸنٸن مەلٸم ەتتٸ. اتالعان ٶزگەرٸس بيىلدان باستاپ كٷشٸنە ەنەدٸ, دەپ حابارلايدى "ۇلت اقپارات".
«وليمپيادالار ەندٸ كانيكۋل كەزٸندە ٶتكٸزٸلمەيدٸ. ٶيتكەنٸ وعان ساباقتا ٶتە بەلسەندٸ, جاقسى وقيتىن وقۋشىلار قاتىسادى. بٸز ولاردى كانيكۋل ۋاقىتىنداعى دەمالىستان ايىرماۋىمىز كەرەك. بالالار دەمالۋى تيٸس. سوندىقتان, بيىلدان باستاپ وليمپيادالاردى باسقا مەرزٸمدە ٶتكٸزەتٸن بولامىز», – دەدٸ اسحات ايماعامبەتوۆ مينيسترلٸكتٸڭ اپپاراتتىق كەڭەسٸندە.
مينيستر رەسپۋبليكالىق وليمپياداعا قاتىسۋ ٷشٸن وبلىستارعا باراتىن بالالارعا جاقسى جاعداي جاسالۋى كەرەكتٸگٸن ەسكەرتتٸ. سونداي-اق, ول جوو باسشىلارىنا وقۋشىلارمەن كەزدەسۋ جۇمىستارىن ۇيىمداستىرۋدى تاپسىردى.
«رەسپۋبليكالىق وليمپياداعا كەم دەگەندە 1,5 مىڭ دارىندى, بٸلٸمدٸ بالا قاتىسادى. دايىندىق بارىسىن بٶلەك قاراستىرامىز, دەگەنمەن قاراعاندى جەنە الماتى وبلىستارىندا بالالاردىڭ قاۋٸپسٸزدٸگٸ, جاتاتىن جەرٸ, تاماقتانۋى بويىنشا بارلىق جاعداي جاسالسىن. ەكٸنشٸدەن, ۋنيۆەرسيتەت باسشىلارىنا تاپسىرما: 1,5 مىڭ وقۋشى بارادى, ۋنيۆەرسيتەتتەر دە ولارمەن جۇمىس ٸستەۋٸ قاجەت. جاز ايلارىندا عانا ەمەس, مۇنداي جۇمىس ۇدايى جٷرگٸزٸلۋٸ كەرەك», – دەدٸ اسحات ايماعامبەتوۆ.
سٶز سوڭىندا مينيستر مەكتەپ بٸتٸرۋشٸلەرگە ۋنيۆەرسيتەت تاراپىنان 50 گرانت بٶلگەن تارمپۋ ٶزگە جوو-لارعا ٷلگٸ رەتٸندە اتاپ ٶتتٸ.
«مىسالى, تاراز مەملەكەتتٸك پەداگوگيكالىق ۋنيۆەرسيتەتٸنٸڭ رەكتورى ەرٸكتٸلەرگە, دارىندى بالالارعا 50 گرانت بٶلدٸ. مٸنە, وسىنى ٷلگٸ رەتٸندە ايتۋعا بولادى. سوندىقتان, كەسٸپتٸك باعىت-باعدار بەرۋگە بەي-جاي قاراماۋ كەرەك», – دەدٸ ول.
ەستەرٸڭٸزگە سالا كەتەيٸك, وسى جىلدىڭ 6 قاڭتارىندا قر بعم تٷركٸستان وبلىسىنىڭ بٸلٸم بەرۋ سالاسىنداعى ساپانى قامتاماسىز ەتۋ دەپارتامەنتٸ وقۋشىلار اراسىنداعى رەسپۋبليكالىق وليمپيادانىڭ وبلىستىق تۋرىن ٶتكٸزۋ بارىسىندا تٷركٸستان وبلىسىنىڭ ادامي ەلەۋەتتٸ دامىتۋ باسقارماسىندا جوسپاردان تىس تەكسەرۋ جٷرگٸزەن ەدٸ. نەتيجەسٸندە بٸرقاتار ٶرەسكەل بۇزۋشىلىق انىقتالدى. وسىعان وراي, اسحات ايماعامبەتوۆ وليمپيادا, عىلىمي جوبا بايقاۋلارى ەدٸل, تازا ٶتۋٸ كەرەكتٸگٸن باسا ايتتى.
