بٷگٸن اقتٶبە وبلىسىنىڭ ەكٸمٸ وڭداسىن ورازالين توكيو وليمپياداسىنا جولداما العان مەيرامبەك ايناعۇلوۆ پەن نۇريسلام ساناەۆتى قابىلدادى, دەپ حابارلايدى "ۇلت اقپارات" ايماق باسشىسىنىڭ باسپاسٶز قىزمەتٸنە سٸلتەمە جاساپ.
كەزدەسۋگە وبلىستىق دەنە شىنىقتىرۋ جەنە سپورت باسقارماسى باسشىسىنىڭ مٸندەتٸن اتقارۋشى نۇربول سىدىقوۆ جەنە گرەك-ريم كٷرەسٸنەن قر ەڭبەك سٸڭٸرگەن باپكەرلەر راقىمجان باقىتجانوۆ پەن باۋىرجان نۇرماحانوۆ, «ەر باقىت» ەسكەري-پاتريوتتىق كلۋبىنىڭ تٶراعاسى, اۋعان سوعىسىنىڭ ارداگەرٸ مارات قويلىباەۆ قاتىستى.
ٶڭٸر باسشىسى بالۋانداردى جەڭٸستەرٸمەن قۇتتىقتاپ, العىسىن بٸلدٸردٸ. «ەركٸن جەنە گرەك-ريم كٷرەسٸنەن اقتٶبە ٶڭٸرٸنٸڭ سپورتشىلارى رەسپۋبليكادا الدىڭعى قاتاردان كٶرٸنٸپ جٷر. حالقىمىزدا "باق شابا ما, باپ شابا ما" دەگەن جاقسى سٶز بار. سپورت - رۋح پەن نامىستىڭ بٸردەي كٶرٸنەتٸن ەڭ ٷزدٸك سالاسى. وسىنداي باتىر بالۋاندارىمىزدى دايارلاپ جٷرگەن باپكەرلەردٸڭ جۇمىسىنا ٷلكەن ريزاشىلىعىمدى بٸلدٸرەمٸن. جيناعان مول تەجٸريبە مەن بٸلٸكتٸڭ ارقاسىندا وسىنداي دەرەجەگە جەتتٸك. ەتكەن ەڭبەك, تٶككەن تەر اقتالىپ, بٷگٸن مٸنە, ٷلكەن دوداعا جولداما الىپ كەلٸپ وتىرسىزدار. وسى ارقىلى سٸزدەر اقتٶبە ٶڭٸرٸنٸڭ عانا ەمەس, ەل ماقتانىشى, كەيٸنگٸ جاس بۋىنعا ٷلگٸسٸزدەر. نامىستى قولدان بەرمەي تۋعان جەردٸڭ اتىن شىعارعاندارىڭىز ٷشٸن العىس بٸلدٸرەمٸن», - دەدٸ وبلىس ەكٸمٸ. ن.ورازالين سپورتشىلاردىڭ جاتتىعۋلارىنا بارلىق جاعداي جاسالاتىنىن اتاپ ٶتتٸ.
«ەشتەڭەگە الاڭداماي, جاتتىعىپ, الداعى جىلى توكيو قالاسىندا ٶتەتٸن وليمپيادا ويىندارىندا ەلٸمٸزدٸڭ نامىسىن ابىرويمەن قورعايدى دەپ سەنەمٸن», - دەدٸ.
كەزدەسۋ سوڭىندا ايماق باسشىسى قوس سپورتشى مەن ولاردىڭ جاتتىقتىرۋشىلارىنا العىسىن بٸلدٸرٸپ, اقشالاي سەرتيفيكاتتار تابىستادى.
