مەدەنيەت جەنە سپورت ۆيتسە-مينيسترٸ ەلدوس رامازانوۆ باستاعان قازاقستاندىق دەلەگاتسييا كاتوۆيتسەدە WADA ۇيىمىنىڭ باس ديرەكتورى وليۆەر نيگگلە جەنە WADA-نىڭ ازييا ٶڭٸرٸندەگٸ كەڭسەسٸنٸڭ باسشىسى كازۋحيرو حاياشيمەن كەزدەستٸ, دەپ حابارلايدى "ۇلت اقپارات".
دەنە شىنىقتىرۋ جەنە سپورت كوميتەتٸنەن مەلٸم ەتكەندەي, كەزدەسۋ سپورتتاعى دوپينگ مەسەلەلەرٸنە ارنالعان V بٷكٸلەلەمدٸك دوپينگكە قارسى كونفەرەنتسييا اياسىندا ٶتتٸ. قازاقستاندىق تاراپ دوپينگكە قارسى ەرەجەلەردٸ بۇزعانى ٷشٸن جاۋاپكەرشٸلٸكتٸ قاتاڭداتۋ, ۇلتتىق دوپينگكە قارسى ۇيىمنىڭ مەرتەبەسٸن ارتتىرۋ سۇراقتارىن قامتيتىن زاڭ جوباسى تۋرالى كەڭٸنەن ايتىپ بەردٸ. ٶز كەزەگٸندە نيگگلە مىرزا قازاقستان ٷكٸمەتٸنٸڭ اتالعان باعىتتا قولعا الىپ جاتقان رەفورمالارىن جوعارى باعالاپ, بولاشاقتا دوپينگپەن كٷرەس مەسەلەسٸندە ىنتىماقتاستىقتىڭ نىعاياتىنىنا سەنٸم بٸلدٸرگەن.
ايتا كەتسەك, دەنە شىنىقتىرۋ جەنە سپورتقا قاتىستى زاڭ جوباسى مەجٸلٸستٸڭ ەكٸنشٸ وقىلىمىندا ماقۇلدانىپ, سقر پارلامەنتٸ سەناتىنىڭ قاراۋىنا جٸبەرٸلگەن بولاتىن.
ٶز كەزەگٸندە, كازۋحيرو حاياشي دوپينگ-سىنامالاردىڭ ساقتالۋى جٷيەسٸنٸڭ رەفورمالانىپ جاتقانىن ايتا كەتتٸ.
«وليمپيادا ويىندارىنا دەيٸن الىنعان دوپينگ-سىناما بولاشاقتا 10 جىل ساقتالادى. بۇل دوپينگ-سىنامالاردى ساقتاۋ مەن ولاردى قايتادان ساراپتامادان ٶتكٸزۋدٸڭ جاھاندىق باعدارلاماسى بولماق», - دەيدٸ حاياشي.
سونىمەن قاتار, قوس تاراپ دوپينگكە قارسى كودەكس پەن حالىقارالىق دوپينگكە قارسى ستاندارتتاردىڭ قايتا قارالۋ پروتسەسٸن تالقىلادى. جاڭا حالىقارالىق ستاندارتقا سٷيەنسەك, قانداي دا بٸر ەلدٸڭ دوپينگكە قارسى اگەنتتٸگٸ حالىقارالىق كودەكسكە ساي كەلمەيتٸن بولسا, سول ەلدٸڭ سپورتشىسى جارىستان شەتتەتٸلەدٸ. ونىڭ قاتارىندا وليمپيادا ويىندارى دا بار.
ەسكە سالا كەتەيٸك, 2017 جىلدىڭ جەلتوقسانىندا WADA ۇيىمى دوپينگكە قارسى كودەكس پەن حالىقارالىق دوپينگكە قارسى ستاندارتتاردى قايتا قاراۋ پروتسەسٸن باستاعان بولاتىن. سودان بەرٸ 2000 تٷزەتۋلەر ٶڭدەلٸپ, ٶزگەرٸسكە ۇشىراعان قۇجاتتى ەلەمدٸك زاڭگەرلەر ساراپتاۋدان ٶتكٸزگەن. 2017 جىلدان بەرٸ قارالىپ كەلە جاتقان ٶزگەرٸستەر پولشاداعا كونفەرەنتسييانىڭ دا باستى تاقىرىپتارىنىڭ بٸرٸ بولماق.
5 قاراشادا پولشانىڭ كاتوۆيتسە قالاسىندا سپورتتاعى دوپينگ مەسەلەلەرٸنە ارنالعان V بٷكٸلەلەمدٸك دوپينگكە قارسى كونفەرەنتسييا باستالدى. اتالعان جيىنعا بٷكٸل ەلەمنەن 1000-نان استام دەلەگات قاتىسىپ جاتىر. كٷن تەرتٸبٸندە – دوپينگپەن كٷرەس مەسەلەسٸ. سونداي-اق, كونفەرەنتسييا بارىسىندا پولشانىڭ سپورت جەنە تۋريزم مينيسترٸ ۆيتولد بانكا بٷكٸلەلەمدٸك دوپينگكە قارسى اگەنتتٸك ۇيىمىنىڭ (WADA) باسشىسىنا تاعايىندالادى.
