يتالييانىڭ تريەست قالاسىندا سۋ دوبىنان توكيو وليمپياداسىنا ٸرٸكتەۋ تۋرنيرٸندە قازاقستان ەيەلدەر قۇراماسىنىڭ شيرەك فينالداعى قارسىلاسى انىقتالدى, دەپ حابارلايدى "ۇلت اقپارات".
ەستەرٸڭٸزگە سالا كەتەلٸك, قازاقستان قىزدارى ۆ توبىندا سىنعا تٷستٸ. العاشقى ويىندا گرەكييادان 5:13 , ودان كەيٸن ۆەنگرييادان 6:23 ەسەبٸمەن جەڭٸلدٸ.
سوڭعى ويىندا يزرايلمەن 7:7 ەسەبٸمەن تەڭ تٷسٸپ, ٶز توبىندا ٷشٸنشٸ ورىنعا جايعاستى. بۇل توپتا گرەكييا بٸرٸنشٸ, ۆەنگرييا ەكٸنشٸ ورىن الدى. سوڭعى ورىندى يزرايل مٸسە تۇتتى.
ا توبىندا العاشقى ەكٸ ورىندى بەس ۇپايدان جيناعان يتالييا مەن نيدەرلاندى ٶزارا بٶلٸستٸ. ٷشٸنشٸ ورىنداعى فرانتسييا 2 ۇپاي السا, سلوۆاكييانىڭ قورجىنى بوس.
ەندٸ قازاقستان قىزدارى شيرەك فينالدا نيدەرلاندىمەن كەزدەسەدٸ. سونداي-اق, جارىستىڭ اتالعان ساتىسىندا سلوۆاكييا مەن گرەكييا, فرانتسييا مەن ۆەنگرييا, يتالييا مەن يزرايل قۇرامالارى شەبەرلٸك بايقاسادى. ويىندار بٷگٸن ٶتكٸزٸلەدٸ. ٸرٸكتەۋ تۋرنيرٸ 24 قاڭتاردا مەرەسٸنە جەتەدٸ. وليمپياداعا ەكٸ جولداما بەرٸلەدٸ.
ەستەرٸڭٸزگە سالا كەتەلٸك, قازاقستان قۇراماسى وليمپيادادا ەكٸ مەرتە باق سىنادى. 2000 جىلى - 6, 2004 جىلى - 8 ورىن الدى.
