بٷگٸن ٷكٸمەت وتىرىسىنان كەيٸن ەلٸمٸزدٸڭ ٸشكٸ ٸستەر مينيسترٸ ەرلان تۇرعىمباەۆ وليمپيادا چەمپيونى دميتريي بالانديننٸڭ كٶلٸگٸنٸڭ ايناسىن ۇرلاۋ فاكتٸسٸنە قاتىستى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«قىلمىس ەلەمنٸڭ كەز كەلگەن ەلٸندە جاسالادى. قىلمىس جاسالمايتىن بٸردە-بٸر ەل جوق. دەل سول جەردە ناقتى وليمپيادا چەمپيوندارىنا قارسى قانداي دا بٸر اكتسييا جٷرگٸزٸلٸپ جاتىر دەگەنگە تٷبەگەيلٸ قارسىمىن. بۇل ەڭ الدىمەن سەيكەستٸك. ول قالانىڭ ورتاسى جەنە كٶلٸك قويۋعا ارنالعان ورىن ٶتە كٶپ. بەينەباقىلاۋ جٷيەسٸنٸڭ جەنە قىزمەتكەرلەرٸمٸزدٸڭ جەدەل جۇمىسىنىڭ ارقاسىندا اتالعان قىلمىس بٸر تەۋلٸكتٸڭ ٸشٸندە اشىلىپ, قىلمىسكەر ۇستالدى. مەنٸڭشە, بۇل پوليتسييانىڭ دۇرىس ەرٸ جاقسى جۇمىسىنىڭ نەتيجەسٸ», - دەدٸ مينيستر.
وسى ورايدا ول ەلٸمٸزدەگٸ كٶلٸكتەردٸڭ قوسالقى بٶلشەكتەرٸن ساتاتىن بارلىق بازار تەكسەرٸلٸپ جاتقانىن ايتتى.
«بٷگٸنگٸ كٷنٸ كٶلٸك ايناسىن ساتاتىن بٷكٸل جەردە رەيدتٸك شارالار جٷرگٸزٸپ جاتىرمىز. زاڭسىز جۇمىس ٸستەپ تۇرعان بازارلاردىڭ بارلىعى ٸس جٷزٸندە جابىلدى. قازٸرگٸ ۋاقىتتا زاۋىتتان شىققان بٶلشەكتەر عانا ساۋدالانىپ جاتىر», - دەدٸ ول.
ە.تۇرعىمباەۆ باق ٶكٸلدەرٸنٸڭ الماتىنىڭ جەرگٸلٸكتٸ پوليتسييا باسشىسى جازالانا ما دەگەن ساۋالىنا دا جاۋاپ بەردٸ.
«نە ٷشٸن? قىلمىستى بٸر تەۋلٸكتٸڭ ٸشٸندە اشقانى ٷشٸن بە? الدىن الۋ شارالارىن تاعى دا قاراستىراتىن بولامىز», - دەدٸ ە.تۇرعىمباەۆ.
