بٷگٸن سەناتتىڭ جالپى وتىرىسىندا ٶلٸم جازاسىنىڭ كٷشٸن جويۋ بويىنشا زاڭ جوباسى پارلامەنت قاراۋىنا قاشان ەنگٸزٸلەتٸنٸ ايتىلدى, دەپ حابارلايدى قازاقپارات.
«جىل باسىندا قازاقستان ٶلٸم جازاسىنىڭ كٷشٸن جويۋعا باعىتتالعان حالىقارالىق پاكتٸگە ەكٸنشٸ فاكۋلتاتيۆتٸك حاتتامانى راتيفيكاتسييالادى. ونى جٷزەگە اسىرۋ تۇرعىسىندا قىلمىستىق كودەكسكە تيٸستٸ تٷزەتۋلەردٸ پىسىقتاۋ تالاپ ەتٸلدٸ. وسى ورايدا بۇل باعىتتاعى جۇمىستار قاي كەزەڭدە تۇر?», - دەپ سۇرادى سەناتور سەرگەي ەرشوۆ.
ٶز كەزەگٸندە قر باس پروكۋرورىنىڭ بٸرٸنشٸ ورىنباسارى بەرٸك اسىلوۆ بۇل رەتتە زاڭ جوباسىنىڭ كونتسەپتسيياسى ەزٸرلەنگەنٸن اتاپ ٶتتٸ.
«كونتسەپتسييا نورماتيۆتٸ-قۇقىقتىق اكتٸلەردٸڭ قوعامدىق پورتالدارىندا تالقىلاندى. اقپان ايىندا ۆەدومستۆوارالىق كوميسسييا ٶتٸپ, ٷكٸمەت ونى ماقۇلدادى. قازٸرگٸ كەزدە باس پروكۋراتۋرا تاراپىنان زاڭ جوباسى دايارلاندى جەنە قۇجات ساراپتامادان ٶتٸپ جاتىر. ياعني ەكونوميكالىق, لينگۆيستيكالىق, سىبايلاس جەمقورلىققا قارسى باعىتتار بويىنشا تالداۋ جاسالادى. تيٸستٸ قورىتىندىنى العاننان سوڭ, ونى ٷكٸمەتكە, سودان كەيٸن سٸزدەرگە تانىستىرامىز. شامامەن مامىر-ماۋسىم ايلارىندا جوسپارلاپ وتىرمىز», - دەدٸ بەرٸك اسىلوۆ سەناتوردىڭ سۇراعانىنا جاۋاپ بەرە وتىرىپ.
ەسكە سالايىق, 23 قىركٷيەكتە بٸرٸككەن ۇلتتار ۇيىمىنىڭ شتاب-پەتەرٸندە قازاقستاننىڭ بۇۇ جانىنداعى تۇراقتى ٶكٸلٸ قايرات وماروۆ ٶلٸم جازاسىن جويۋعا باعىتتالعان ازاماتتىق جەنە ساياسي قۇقىقتار تۋرالى حالىقارالىق پاكتٸنٸڭ ەكٸنشٸ فاكۋلتاتيۆتٸك حاتتاماسىنا قول قويدى.
ال, 2020 جىلدىڭ جەلتوقسان ايىندا پارلامەنت سەناتىنىڭ جالپى وتىرىسىندا «ٶلٸم جازاسىنىڭ كٷشٸن جويۋعا باعىتتالعان ازاماتتىق جەنە ساياسي قۇقىقتار تۋرالى حالىقارالىق پاكتٸگە ەكٸنشٸ فاكۋلتاتيۆتٸك حاتتامانى راتيفيكاتسييالاۋ تۋرالى» زاڭى قابىلداندى.
2003 جىلى ٶلٸم جازاسىن قولدانۋعا موراتوريي ەنگٸزٸلگەننەن كەيٸن, بٸزدٸڭ ەلدە جوعارى جازا شاراسىن قولدانباۋدىڭ تۇراقتى قۇقىقتىق رەجيمٸ قالىپتاسقان.
2021 جىلدىڭ باسىندا مەملەكەت باسشىسى «ٶلٸم جازاسىنىڭ كٷشٸن جويۋعا باعىتتالعان ازاماتتىق جەنە ساياسي قۇقىقتار تۋرالى حالىقارالىق پاكتٸگە ەكٸنشٸ فاكۋلتاتيۆتٸك حاتتامانى راتيفيكاتسييالاۋ تۋرالى» قازاقستان رەسپۋبليكاسىنىڭ زاڭىنا قول قويدى.
