اقمولا وبلىسى ارشالى اۋدانىندا تۇراتىن اسىلبەك باياجۇما ەسٸمدٸ ازامات 20 جىلعا جۋىق ۋاقىت بۇرىن ۇشتى-كٷيلٸ جوعالىپ كەتكەن قارىنداسىن ەلەۋمەتتٸك جەلٸنٸڭ كٶمەگٸمەن تاۋىپ العان. بۇل تۋرالى ول قازاقپارات تٸلشٸسٸنە ايتىپ بەردٸ.
اسىلبەكتٸڭ ايتۋىنشا, ونىڭ تۋعان-تۋىستارى ٷيدٸڭ كەنجەسٸ - جانبوتانىڭ جارىق دٷنيەدە بار ەكەندٸگٸنەن, ونىڭ تابىلاتىندىعىنان بٸرجولا كٷدەر ٷزگەن. ٶزٸ دە اۋىق-اۋىق ەسكە الىپ وتىراتىنى بولماسا, ەندٸ ونى كٶرەمٸن دەپ ويلاماعان. الايدا, كٷنٸ كەشە 20 جىلعا جۋىق ۋاقىت بۇرىن ايدىڭ-كٷننٸڭ امانىندا كٶز جازىپ قالعان كەنجە قارىنداسى قوڭىراۋ شالىپ, «مەن جانبوتامىن, اعا, بارمىن, تٸرٸمٸن» دەگەندە تٶبەسٸنەن جاي تٷسكەندەي كٷي كەشكەن.
جانبوتا شاياحمەتقىزى 1984 جىلى دٷنيەگە كەلگەن ەكەن. 1991 جىلى ەكەسٸ شاياحمەت بۇرقانۇلى قازاقستانعا موڭعولييادان العاشقى كٶشتٸ باستاپ كەلەدٸ. ول كٸسٸنٸڭ ٷش جوعارى بٸلٸمٸ بار, موڭعول ەلٸندە تٷرلٸ مەملەكەتتٸك لاۋازىمدى قىزمەتتەر اتقارعان. اناسى عازيزا حالحاعانقىزى جوعارى بٸلٸمدٸ دەرٸگەر. عازيزا مەن شاياحمەتتەن 4 بالا تۋادى: جاندوس, زەۋرەش, اسىلبەك جەنە جانبوتا.
1996 جىلى سەۋٸر ايىندا اناسى عازيزا كٶكشەتاۋ وبلىسى (سول كەزدەگٸ اتاۋ - رەد.) ۆولوداروۆكا اۋدانى دەۋقارا اۋىلىندا باس دەرٸگەر بولىپ جٷرٸپ, كەنەت كٶز جۇمادى. ودان سوڭ شاياحمەت بۇرقانۇلى بالا-شاعاسىمەن كٶكشەتاۋ قالاسىنا كٶشٸپ كەلٸپ كٶكشەتاۋ ۋنيۆەرسيتەتٸندە, «الاش» قوعامدىق قوزعالىسىنىڭ ورتالىق اپپاراتىندا جۇمىس ٸستەيدٸ.
2001 جىلى 9-سىنىپ بٸتٸرگەن جانبوتا كٶكشەتاۋداعى قازاق پەداگوگيكالىق كوللەدجٸنە وقۋعا قۇجات تاپسىرۋعا كەتٸپ, سول كٷيٸ ودان حابار بولمايدى. تۋعان-تۋىستارى «بارمىسىڭ, باۋىرىم!», «جدي مەنيا» سىندى كٶپتەگەن باعدارلامالار ارقىلى, ٸشكٸ ٸستەر ورگاندارى ارقىلى ٸزدەستٸرەدٸ, بٸراق ەش نەتيجە شىقپايدى. 2-3 جىلدان سوڭ ٶمٸر اعىمىمەن ٸزدەۋ جۇمىستارى دا سايابىرسي باستايدى. كەلە-كەلە ول تٸرٸ دەگەن دە ٷمٸت ٷزٸلەدٸ. الايدا, 17 جىلدان سوڭ ٶلدٸگە سانالعان جانبوتا اعاسىن ٶزٸ تاۋىپ العان.
«كەشە, ياعني 1 سەۋٸر كٷنٸ انامىز عازيزا مارقۇمنىڭ رۋحىنا قۇران باعىشتاپ وتىرعان سەتتە قارىنداسىمىز حابارلاسىپ, ٶزٸنٸڭ تٸرٸ ەكەنٸن, بار ەكەنٸن ايتتى. اۋزىما سٶز تٷسپەي, نە دەرٸمدٸ بٸلمەي قالدىم. 1 سەۋٸردٸڭ قالجىڭى ما دەپ تە ويلادىم. الايدا قوناقتارىم كەتكەن سوڭ سٶيلەسە كەلە ونىڭ بار تاعدىرىن بٸلدٸم», -دەيدٸ اسىلبەك.
مەلٸم بولعانداي, جانبوتا ٷيدەن كەتكەن جولىندا بٸر دوس قىزىمەن استانا قالاسىنا بارادى. جاستىقپەن «جۇمىسقا تۇرىپ, ٶز بەتٸممەن كٷن كٶرەم» دەگەن شەشٸم قابىلدايدى. كەيٸن جاقىندارى ونى ٸزدەستٸرە باستاعاندا الماتىعا قاشىپ كەتەدٸ. الماتىدا جول كٶلٸك وقيعاسىنا ۇشىراپ, 1,5 جىل ەمدەلەدٸ. سول جىلدارى قىزدارمەن بٸرگە اۆتوكٶلٸك ۇرلىعىن جاساپ, 3 جىلعا سوتتالىپ كەتەدٸ.
تٷرمەدەن شىققان سوڭ تالعار اۋدانىندا بٸر قويشى جٸگٸتكە تۇرمىسقا شىعىپ, 2,5 جىلدان سوڭ ورتاق بالا بولماعاندىقتان اجىراسادى. وسىدان سوڭ ٶز ٶمٸرٸن قولعا الىپ, جامانشىلىققا ۇرىندىرعان ورتادان الىستايدى. وسىنشا وقيعانى باستان كەشكەن ول اعالارىن ٸزدەپ بارۋعا دەتٸ بارمايدى.
قازٸرگٸ ۋاقىتتا جانبوتا الماتى قالاسىندا جۇمىس ٸستەيدٸ ەكەن. بٸرەر كٷن بۇرىن ەلەۋمەتتٸك جەلٸدە وتىرىپ, ويدا-جوقتا ناعاشى ەپكەسٸنٸڭ پاراقشاسىن تاۋىپ الادى. سودان بارلىق تۋىستارىنىڭ نومەرلەرٸن الىپ, حابارلاسا باستايدى. اقىرى مارقۇم اناسىنىڭ ٶمٸرگە كەلگەن كٷنٸندە اعاسىمەن تٸلدەسەدٸ.
بٸزدٸڭ كەيٸپكەر اتى-جٶنٸن جاننا شاياحمەتوۆا دەپ ٶزگەرتٸپ العان كٶرٸنەدٸ. سول سەبەپتٸ ٸشكٸ ٸستەر ورگاندارىنىڭ ٸزدەۋ جۇمىستارى نەتيجە بەرمەگەن.
جاقىن كٷندەرٸ 20 جىلعا جۋىق بٸر-بٸرٸن كٶرمەگەن اعالى-قارىنداستى ەكەۋ كەزدەسپەك...
